Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Julio de 2015

Jaikuaave hag̃ua

Jaikuaave hag̃ua

¿Mbaʼeichagua molínopa oipuru vaʼekue umi hénte yma guare?

Yma ningo umi ogaháre oĩmi vaʼekue peteĩ molinoʼi, oipurúva jepi umi kuña térã umi esklávo. Káda día haʼekuéra omonguʼi vaʼerã semílla ojapo hag̃ua chugui arína. Upévare upe tiémpope umi puevlohárupi katuete oñehendúmi la molíno ryapu (Éxodo 11:5; Jeremías 25:10).

Egíptope ojetopa vaʼekue heta divúho ha estatuaʼi ohechaukáva mbaʼéichapa ojepurúmi koʼãichagua molíno. Ojepuru vaʼekue peteĩ ita guasu ipykoʼẽ léntova, ha peteĩ ita michĩvéva. Pe omolinátava oñesũ vaʼekue pe ita guasu renondépe, omoĩ pe semílla upe ita ári ha upéi ojagarra pe ita michĩvéva ha ipo jováipe ombohasa pe semílla ári ikuʼi porã meve. Peteĩ rrevísta oñeʼẽva umi hénte yma guarére heʼi pe ita michĩvéva orekómi hague éntre 2 ha 4 kílo. Oñenupã térã ojejapíramo peteĩ persónape upe itápe, ikatu vaʼekue voi omano (Jueces 9:50-54).

Pe molíno iñimportanteterei vaʼekue umi famíliape g̃uarã, pórke upéva rupive ikatu oreko hikuái hoʼu vaʼerã. Upéicha rupi pe léi oĩva la Bíbliape oproivi vaʼekue ojejagarra kómo garantía pe ita guasu térã pe ita michĩvéva ojepurúva oñemolina hag̃ua, pórke pe família odepende hína umívare okaru hag̃ua (Deuteronomio 24:6).

¿Mbaʼérepa Jesús heʼi vaʼekue ojeho vaʼerãha dos kilómetro un kilómetro rangue?

Pe sermón del Móntepe Jesús heʼi vaʼekue: “Peteĩ mburuvicha oguerahaukaséramo ndéve ikárga un kilómetro, tereho hendive dos kilómetro” (Mateo 5:41). Jesús heʼi vaʼekue ko mbaʼe pórke itiémpope umi funsionário ha umi soldádo oreko vaʼekue derécho oovligávo peteĩ siudadánope ojapo hag̃ua peteĩ traváho.

Upe tiémpope, umi isrraelíta oĩ vaʼekue umi rrománo poguýpe. Haʼekuéra ikatu vaʼekue oipeʼa umi isrraelítagui peteĩ animál térã oimeraẽ mbaʼe orekóva ojapo hag̃ua peteĩ traváho pe goviérno onkargáva. Ikatu vaʼekue avei oovliga umi persónape ombaʼapo hag̃ua chupekuéra. Por ehémplo, umi soldádo rrománo oovliga vaʼekue peteĩ kuimbaʼe Cireneguápe ogueraha hag̃ua Jesús yvyra pohýi pe lugár oñemosaingotahápe chupe (Mateo 27:32). Umi rrománo mbaretépe ojapoka vaʼekue koʼãichagua traváho ha upévare umi isrraelíta ndochaʼéi vaʼekue hesekuéra.

Ndajaikuaái ningo mboy kilómetro pevépa umi rrománo ikatu vaʼekue oovliga peteĩ isrraelítape ogueraha hag̃ua peteĩ kárga. Péro oime vaʼerã katuete haʼekuéra ndoguerahaséi vaʼekue ni un páso mas upe ojejerurévagui chuguikuéra. Upévare Jesús heʼi vaʼekue peteĩ mburuvicha oguerahaukaséramo chupekuéra ikárga un kilómetro, ogueraha vaʼerãha dos kilómetro. Upéicha haʼe ohechauka chupekuéra ojapo vaʼerãha kyreʼỹme umi mbaʼe omandáva umi autorida (Marcos 12:17).