Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Abril de 2015

 LA BIBLIA OKAMBIA CHUPEKUÉRA

Mbohapy pregúnta okambiaitéva che rekove

Mbohapy pregúnta okambiaitéva che rekove
  • ONASE: 1949-PE

  • PAÍS: ESTADOS UNIDOS

  • ÓTRA INFORMASIÓN: OIKUAASE VAʼEKUE MAʼERÃPA JAIKOVE

CHE REMBIASAKUE:

Akakuaa vaʼekue peteĩ puévlo michĩvape Nueva Yórkpe, hérava Ancram. Upépe oĩ vaʼekue heta gránha oĩháme vaka. Ipahápe oĩ vaʼekue voi hetave vaka ke hénte upe puévlope.

Che famíliandi siémpre rohómi peteĩ iglésiape pe puévlope. Chemanduʼa che avuélo káda domingo omopotĩmi hague chéve che sapatu aha hag̃ua katesismohápe. Ha siémpre arahámi peteĩ Bibliaʼi morotĩ, orregala vaʼekue chéve che avuéla. Oremichĩete guive, che ermanokuéra ha che rorrespeta ha roipytyvõ ore vesinokuérape, avei oretravahadór ha roagradese Ñandejárape opa mbaʼe roguerekóvare, ógape voi roñehekomboʼe vaʼekue rojapo hag̃ua upéicha.

Akakuaapa rire, añeindependisa ha oiko chehegui profesóra. Aikuaase vaʼekue heta mbaʼe Ñandejáragui ha avei mbaʼérepa oĩ hetaite inhustísia. Por ehémplo, areko vaʼekue heta alúmno ivaletereíva, ha ótrope katu oforsa vaʼekue oaprende pyaʼe hag̃ua. Oĩ avei ivaléva la depórtepe, péro ótro katu oĩ diskapasitádo. Ha upéva chéve g̃uarã iñinhústo. Sapyʼánte umi mitã tuvakuéra heʼi jepi chéve: “Mbaʼéiko jajapóta, jaaseptámante vaʼerã Ñandejára volunta”. Che aikuaasémi mbaʼérepa Ñandejára opermiti péicha osufri umi mitã inosénte.

Che famíliandi rojogueraha porãitereími vaʼekue, aha umi eskuéla ha koléhio iporãvévape ha ambaʼapo peteĩ mbaʼe chegustaitereívape. Péro lomímonte ndavyʼapái. Upévare añeporandúmi: “¿Mbaʼéiko la ajapomítava avyʼave hag̃ua? Heta áñoma ningo ohasa reívaicha ha ndajapói gueteri mbaʼeve iñimportánteva”. Che apensa oiméne avyʼavetaha amenda rire, upéi chefamília, areko peteĩ óga porã, ambaʼapo ajehuvila peve ha upéi aha aiko peteĩ ogár de ansiánospe. Péro aikuaase oĩpa ótra kósa ikatúva ajapo avyʼave hag̃ua.

LA BIBLIA CHEPYTYVÕ AKAMBIA HAG̃UA:

Peteĩ vuéltape, che ha hetave profesóra roho de vakasión Európape. Roho rovisita pe iglésia guasu de Westminster, pe katedrál de Notre-Dame oĩva Paríspe, avei pe Vaticano ha hetave iglésia.  Ahahápente aporandu la mísma kósa, ha avave ndaikatúi okontesta chéve. Ag̃uahẽ rire pe puévlo aikohápe (Sloatsburg, Nueva York), añepyrũ avisita heta iglésia, péro nachekonvenséi umi mbaʼe heʼíva chéve hikuái.

Peteĩ díape, che alúmna de 12 áño ou oporandu chéve mbohapy mbaʼe. Primero, oporandu chépa aikuaa haʼe testígo de Jehovaha, ha haʼe chupe ke si. Segundo, oporandu aikuaasevépa umi testígo de Jehovápe, ha haʼe jey chupe ke si. Tercero, oporandu chéve moõpa aiko, ha ameʼẽ rire chupe che direksión ropilla oñovesinaha raʼe. ¡Che ningo ni nañeimahinái peichaite peve okambiataha che rekove umi mbohapy pregúnta!

Tiémpo riremi pe mitãkuñaʼi ou che rógape ivisikléta ári ha chemboʼe la Biblia. Aporandu chupe opa mbaʼe aporandúma vaʼekue voi umi rrelihiosokuérape. Péro pe mitãkuñaʼi ndojoguaiete chupekuéra, haʼe pyaʼe voi ohechauka chéve umi rrespuésta che Bibliaitépe. ¡Ni ndagueroviaséi ningo upépente oĩ hague la rrespuésta ha che núnka ndaikuaáiva!

Umi mbaʼe aaprendéva la Bíbliagui chemoñeñandu porãiterei. Álgo chesorprende vaʼekue haʼe pe téxto de 1 Juan 5:19, heʼihápe: “Ko múndo kompletoite oĩ pe aña poguýpe”. Tuicha chembopyʼaguapy aikuaávo ndahaʼeiha Ñandejára káusare jasufríva, síno Satanás káusare, ha Ñandejára koʼẽrõitéma osolusionataha ñane situasión (Apocalipsis 21:3, 4). Ahechakuaa ifasiletereiha ñantende la Biblia omboʼéva ha natekotevẽiha jaheka ótro ládo la rrespuésta. Che instruktóra orekóvagui 12 áñonte, aaprende ikatuha ñantende la Biblia, noimportái mboy áñopa oreko upe ñanemboʼéva.

Péro che aikuaase umi testígo de Jehová ojapópa añete umi mbaʼe omboʼéva. Por ehémplo, pe mitãkuñaʼi heʼi chéve umi kristiáno verdadéro ipasiénsia ha imbaʼeporãha (Gálatas 5:22, 23). Upémarõ, a propósito ag̃uahẽ tárde ógape rostudiaha díape. Aikuaase lomímontepa cheraʼarõta térãpa ipochýta chendive. Ag̃uahẽvo, ahecha chupe oguapyha hína pe eskalérape che róga fréntepe. Cherechávo, odipara ou che rendápe ha heʼi chéve: “Haimetéma aha ógape ajerure hag̃ua mamápe tohenói polisíape o umi ospitalháre. Nde ningo núnka nereg̃uahẽiva tárde, upévare aimoʼãma ojehu hague ndéve álgo mbaʼe. ¡Ajepyʼapyeterei kuri nderehe!”.

Ótro día katu aporandu chupe álgo aikuaa porãva ijetuʼuetereitaha okontesta hag̃ua chéve peteĩ mitãkuñaʼi de 12 áño. Aikuaase okontestátapa chéve oimeraẽ mbaʼe o mbaʼépa ojapóta. Aporandu rire chupe, haʼe omaña porã cherehe ha heʼi: “Iñimportánte la reporandúva, péro ijetuʼu. Aanotáta ko kuatiáre aporandu hag̃ua che tuvakuérape”. Upéi ou jeývo rostudia hag̃ua ohechauka chéve peteĩ rrevísta Ñemañaha, okontestáva upe aporandu vaʼekue chupe. Ahecharamoiterei umi puvlikasión ojapóva umi testígo de Jehová, pórke oipuru hikuái la Biblia añoite okontesta hag̃ua umi mbaʼe che aikuaaséva. Asegi astudia la Biblia upe mitãkuñaʼíndi, ha un áño haguépe ajevautisa ha oiko chehegui testígo de Jehová. *

UMI MBAʼE PORÃ AHUPYTÝVA:

La Biblia okontesta rire chéve umi mbaʼe aikuaase vaʼekue, cheháma avei amombeʼuseterei che rapichakuérape umi mbaʼe aaprendéva (Mateo 12:35). Primerorã che hentekuérape ndogustái vaʼekue umi mbaʼe agueroviáva, péro upéi oñetrankilisa hikuái. Che sy oñepyrũ ostudia la Biblia, ha omanóramo jepe ojevautisa mboyve, che aikuaa haʼe ojedesidíma hague oservívo Jehovápe.

Áño 1978-pe, amenda Elias Kazan rehe, ha áño 1981-pe roñeinvita roservi hag̃ua Betel de Estados Unídospe. * Lastimósamente, Elias omano cuatro áño haguépe. Péro che apyta Betélpe ha upéva chekonsola ha chepytyvõ añekonsentra hag̃ua ótra kósare.

Upéi, áño 2006-pe, amenda Richard Eldred rehe, ombaʼapóva avei Betélpe. Rovyʼaiterei ningo rombaʼapo haguére upépe. Pe mitãkuñaʼi ojapo rupi chéve umi mbohapy pregúnta, añepyrũ astudia la Biblia. Ha péicha rupi oñekontestapaite chéve umi mbaʼe aikuaaséva, ha koʼág̃a isentídoma chéve la che rekove.

^ párr. 16 Pe mitãkuñaʼi ha umi ótro iñermáno ha iñermána, oipytyvõ cinco iprofesorkuérape ostudia hag̃ua la Biblia ha oiko hag̃ua chuguikuéra testígo de Jehová.

^ párr. 18 Betel ningo heʼise “Ñandejára róga”, ha upéicha ohenói umi testígo de Jehová umi sukursál orekóvape ko múndo tuichakuére (Génesis 28:17, 19). Umi Testígo oipytyvõ hetaiterei héntepe oikuaa hag̃ua Ñandejárape, ha pe traváho ojejapóva umi sukursálpe oipytyvõ chupekuéra ojapo porãve hag̃ua hembiapo.