Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Marzo de 2015

 OJEKUAASÉVA JEPI

¿Oĩ porãpa umi kristiáno ofesteha pe Páskua?

¿Oĩ porãpa umi kristiáno ofesteha pe Páskua?

Oĩ ofesteháva pe Páskua ogueromanduʼa hag̃ua Jesús rresurreksión. Peteĩ ensiklopédia heʼi pe Páskua de Rresurreksión “haʼeha pe akontesimiénto iñimportantevéva orekóva umi iglésia kristiána” (Encyclopædia Britannica). Péro, ¿oĩ porãpa umi kristiáno ofesteha pe Páskua?

Ñapensamína ko ehémplore, ¿mbaʼépa jajapo vaʼerã jaikuaa hag̃ua peteĩ villéte haʼépa falsifikádo térã nahániri? Ñamaña porãmante vaʼerã umi detálle orekóvare, ¿ajépa? Upéicha avei umi kristiáno oikuaa hag̃ua ofesteha vaʼerãpa pe Páskua, oikuaa porã vaʼerã umi detálle ohechaukáva moõguipa ou umi kostúmbre ojejapóva ko fiéstape.

Primeroite voi, Jesús nomandái idisipulokuérape ogueromanduʼa hag̃ua haʼe oikove jey hague ára, síno pe omano hague ára. Apóstol Pablo ohenói vaʼekue upe selevrasiónpe “ñande Ruvicha séna”, térã Séna del Señór (1 Corintios 11:20, nóta; Lucas 22:19, 20).

Pe ensiklopédia jasitáma vaʼekue, heʼi avei umi mbaʼe ojejapóva pe Páskuape noĩriha rrelasionádo Jesús rresurreksióndi, síno “haʼeha peteĩ kostúmbre orekóva umi pagáno”, térã umi ndoadoráiva Ñandejárape. Ótra ensiklopédia katu heʼi pe koného ha uévo de páskua ojepurúvare ko fiéstape: “Pe uévo orrepresenta peteĩ vída pyahu, okontinuáva pe uévo ojeka rire, térã pe muérte rire”. Ha heʼi avei: “Pe koného ojekuaa opárupi ikría heta rupi, upévare orrepresenta og̃uahẽmaha pe primavéra, térã umi plánta oñepyrũha ipotypa ha og̃uahẽha heta mbaʼe porã” (The Encyclopedia of Religion).

Peteĩ profesór de literatúra, hérava Philippe Walter, oexplika mbaʼéichapa oñepyrũ vaʼekue ojejapo koʼã mbaʼe ojefesteha jave pe Páskua. Haʼe omombeʼu “upéva oiko hague oñepyrũrõ guare ojeheʼa umi rrelihión pagána ha umi rrelihión kristiána”. Upépe oñepyrũ oñerrelasiona Jesús rresurreksión pe primavérandi, pórke upe mboyvénte “pe inviérno haʼete omanóva onase hag̃ua pe primavéra”. Walter omombeʼu avei “oñemoĩ hague pe kalendário pagánope umi mbaʼe ogueromanduʼáva umi kristiáno, ha upéva omomýi hague hetaiterei pagánope oiko hag̃ua chuguikuéra kristiáno”.

Péro umi pagáno ndojeheʼái umi kristiánondi umi apóstol oikove aja, síno omano rire ae hikuái, pórke haʼekuéra ojoko kuri ani hag̃ua oiko upéva (2 Tesalonicenses 2:7). Apóstol Pablo heʼi vaʼekue voi ke haʼe ‘oho rire’ oĩtaha kuimbaʼe omboʼéva japu, ha ‘oguerahátava hapykuéri umi disípulope’ (Hechos 20:29, 30). Ha pe síglo primero opakuévo, apóstol Juan oskrivi upérõ ja oĩmaha heta ogueraháva tape vaíre umi kristiánope (1 Juan 2:18, 26). Upéicha umi kristiáno oasepta ha opraktikáma avei umi pagáno kostumbrekuéra.

“Ani peñemoĩ peteĩ júgo guýpe umi ojeroviaʼỹva ndive.” (2 Corintios 6:14)

Ikatu oĩ opensáva umi kristiánope ndoperhudikaiha umi kostúmbre orekóva umi pagáno ha oipytyvõ hague katu chupekuéra ontende porãve hag̃ua mbaʼérepa Crístope oñemoingove jey raʼe. Péro apóstol Pablo nopensái vaʼekue upéicha. Haʼe ovisitárõ guare umi siuda oĩva pe império rrománope, otopa vaʼekue orekoha hikuái hetaiterei kostúmbre pagána, péro ndoaseptái vaʼekue ni peteĩva, ni nopensái upéicha oipytyvõtaha umi héntepe oikuaa porãve hag̃ua Jesúspe. Apóstol Pablo heʼi voi katu umi kristiánope: “Ani peñemoĩ peteĩ júgo guýpe umi ojeroviaʼỹva ndive. ¿Mbaʼéicha piko ojoajúta tekoporã ha tekoaña? Térã, ¿mbaʼépe piko ojojogua ára ha pyhare?”. Ha heʼi avei chupekuéra: “Jehová heʼi voi: ‘Upévare, pesẽke ijapyteguikuéra, ha pejeíke chuguikuéra’, ‘ha anivéke pepoko pe mbaʼe kyʼa rehe’, ‘ha che porresivíta’” (2 Corintios 6:14, 17).

Ñaanalisa rire umi detálle ohechaukáva moõguipa ou umi mbaʼe ojejapóva pe Páskuape, jahechakuaa ndovaleiha umi kristiáno verdadéro ofesteha.