Alex, ombaʼapóva peteĩ emprésa de mudánsape, osuspira asy ohupívo peteĩ káha pe kamiónpe, ha upéi opensa: “¿Sera ke aprogresáta algún día? Koʼápente asegírõ ambaʼapo, ndahamoʼãi moõve. ¡Avyʼave vaʼerãmoʼã natekotevẽirire ambaʼapoiterei!”.

Ndahaʼéi Alex añónte opensáva upéicha pe traváho pohýire. Peteĩ mekániko hérava Aarón heʼi: “Hetaiterei hénte otĩ ojagarra hag̃ua umi traváho naiñimportanteguasúiva, péro ojapómante upéva otopa peve peteĩ traváho iporãvéva”.

Heta hénte heʼi voi nonaséi hague ombaʼapo pohýi hag̃ua. Ikatu oime opensa upéicha pórke umi médio de komunikasión ohechauka umi hénte ovyʼaveha ilúho hetáramo ha oikóramo trankílo porã, ojapoʼỹre mbaʼeveguasu. Mattew, ombaʼapóva mantenimiéntope heʼi: “La majoría opensa umi ivýrovante ombaʼapoha vúrroicha”. Ha peteĩ limpiadór hérava Shane heʼi: “La hénte ningo ogana porãse, péro nombaʼapopohyiséi upearã”.

Péro heta héntepe ogusta voi pe traváho pohýi. Por ehémplo, Daniel orekóva 25 áño ha ombaʼapóva konstruksiónpe heʼi: “Javyʼaiterei ningo ñambaʼapóramo, ha koʼýte oimérõ ñande traváho rupive ñaipytyvõ hína la héntepe”. Ha Andre, orekóva 23 áño heʼi: “Che haʼe voi ke ñambaʼapómante vaʼerãha javyʼa ha ñañeñandu porã hag̃ua. Ñambaʼapo saʼivérõ ndajavyʼamoʼãi, síno jajeavurríta”.

¿Mbaʼéicha rupípa Daniel ha Andre ovyʼa ombaʼapo pohýi jave? Haʼekuéra osegi umi konsého oĩva la Bíbliape. Upépe ningo ndahaʼéi ñaneakonsehánteva ñanekyreʼỹ ha ñanepasiénsia hag̃ua ñambaʼapo jave, síno heʼi avei mbaʼéichapa ikatu javyʼa jajapóvo upéva.

¿Mbaʼeichagua konséhopa oĩ la Bíbliape ikatúva nepytyvõ revyʼa hag̃ua nde travahohápe? Pe artíkulo oúvape retopáta unos kuánto konsého nepytyvõtava.