Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Enero de 2015

Jaikuaave hag̃ua

Jaikuaave hag̃ua

¿Mbaʼépa heʼise pe palávra eunúko?

Peteĩ eunúko raʼanga oĩva peteĩ pare Asíriare

Ko palávra ojepuru jepi ojeʼe hag̃ua ojekapa hague peteĩ kuimbaʼépe. Ymave oĩ okapáva umi kuimbaʼépe okastiga hag̃ua chupekuéra térã ojejagarra rire esklávoramo. Ha oĩramo peteĩ de konfiánsa umíva apytépe, oñemeʼẽ chupe umi puésto iñimportánteva. Upe tiémpope oĩ vaʼekue peteĩ óga oĩháme umi kuñataĩ oservíva pe rréipe, ha umi eunúko oñangareko vaʼerã hesekuéra. Por ehémplo, pe rréi Persiagua Asuero, térã Jerjes I, heta hembireko ha ikonkuvína vaʼekue, ha umi eunúko Hegai ha Saasgaz oñangareko vaʼekue hesekuéra (Ester 2:3, 14).

Péro la Bíbliape oñemensiona jave umi eunúkope, naentéroi haʼe vaʼekue kuimbaʼe ojekapáva. Umi expérto heʼi ko palávra ojepuru hague avei oñeñeʼẽ hag̃ua umi kuimbaʼe ombaʼapóvare umi rréipe g̃uarã. Amalisia upéicha vaʼekue Ébed-mélec káso ha avei pe funsionário Etiopiagua. Ébed-mélec oime vaʼerã oreko raʼe tuicha autorida, pórke ombaʼapo vaʼekue pe rréi Sedequíaspe g̃uarã (Jeremías 38:7, 8). Ha pe funsionário Etiopiagua katu oñangareko vaʼekue umi mbaʼerepy oĩvare Etiopíape. Haʼe oho vaʼekue Jerusalénpe oadora hag̃ua Ñandejárape ha upérõ guare Felipe opredika chupe (Hechos 8:27).

¿Mbaʼérepa yma umi pastór osepara vaʼekue umi ovecha kavarágui?

Jesús oñeʼẽrõ guare peteĩ huísio oikótavare, heʼi vaʼekue: “Pe Yvypóra Raʼy og̃uahẽ vove tuicha podér reheve [...] omoĩta umi héntepe mokõi atýpe, pe ovecharerekua oipeʼaháicha ovecha, kavarágui” (Mateo 25:31, 32). Jesús oipuru ko ehémplo pórke itiémpope umi ovecharerekua osepara vaʼekue umi ovecha kavarágui. ¿Mbaʼérepa ojapo vaʼekue hikuái upéicha?

Normálmente de día umi ovecha ha kavara opastea oñondive. Ha pyharekue oñemoinge umi korápe, ikatu hag̃uáicha ojeprotehe chupekuéra umi animál ñarõgui, mondahágui térã roʼýgui (Génesis 30:32, 33; 31:38-40). Péro umi pastór osepara umi ovechápe, koʼýte umi émbra ha ikriakuérape, pórke umi kavara ijarhél ha iñarõve. Peteĩ lívro heʼi sapyʼánte ojeseparaha chupekuéra “ojekrusáta vove, oñeñamítarõ térã oñeñapĩtarõ chupekuéra” (All Things in the Bible [Todas las cosas de la Biblia]). Upéicharõ jaʼekuaa Jesús oipuru hague peteĩ ehémplo oikuaa porãva umi hudío ohendúva chupe, oiko rupi hikuái umi kámpore.