Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Diciembre de 2014

 KO RREVÍSTAPE OÑEHESAʼỸIJO | NDE IKATU REIKO ÑANDEJÁRA AMÍGORAMO

Reñemoag̃uíramo Ñandejárare, nerembyasymoʼãi

Reñemoag̃uíramo Ñandejárare, nerembyasymoʼãi

Upéicharõ, ¿mbaʼépa jajapo vaʼerã ñañemoag̃ui hag̃ua Ñandejárare ha jaiko hag̃ua iñamígoramo? Jahecha kuri mbohapy mbaʼe:

  1. Jaikuaa ha jaipuru Ñandejára réra, Jehová.

  2. Ñañekomunika meme hendive, ñañemboʼévo ha jaleévo Iñeʼẽ la Biblia.

  3. Jajapo Ñandejára ojeruréva ñandehegui.

Jaiko hag̃ua Ñandejára amígoramo tekotevẽ jaipuru héra, ñañemboʼe chupe, jastudia la Biblia ha jajapo umi mbaʼe haʼe ojeruréva

¿Ndépa ere rejapoha hína koʼã mbaʼe, térãpa repensa ikatuha rembaʼapomie algúna kósape? Jaikuaa ningo heta jaiko vaʼerãha ñañemoag̃ui hag̃ua Ñandejárare, péro nañambyasymoʼãi jajapóramo upéva.

Peteĩ kuñakarai oikóva Estados Unídospe, hérava Jennifer, heʼi: “Rejapo vaʼerã tekotevẽva guive reñemoag̃ui hag̃ua Ñandejárare, upéicha rehupytýta heta vendisión. Por ehémplo, rejeroviavéta hese, reikuaavéta mbaʼeichagua persónapa haʼe ha, iporãveha katu, rehayhuvéta chupe. Ni mbaʼevéicharõ nerembyasymoʼãi reñemoag̃ui haguére Ñandejárare”.

¿Ndépa reikose avei Ñandejára amígoramo? Umi testígo de Jehová ovyʼaitereíta ikatu haguére nepytyvõ. Haʼekuéra ikatu ohechauka ndéve mbaʼépa omboʼe la Biblia ha nandekovramoʼãi mbaʼevete. Avei ikatu reho umi rreunionhápe ojejapóva Salón del Réinope, upépe ningo retopáta heta persóna oguerekóva Ñandejárape iñamígoramo. * Rejapóramo upéicha, ikatúta ere avei pe salmísta heʼi haguéicha: ‘Chéve g̃uarã iporã añemoag̃ui Ñandejárare’ (Salmo 73:28).

^ párr. 9 Rejerure hag̃ua peteĩ estúdio vívliko térã reikuaaséramo moõpa oĩ peteĩ Salón del Reino, ikatu reporandu pe omeʼẽ vaʼekuépe ndéve ko rrevísta térã eike ko direksiónpe: www.jw.org/gug. Internétpe, pe páhina oĩvape oñepyrũvo, iguyetépe retopáta peteĩ párte heʼíva EÑEKOMUNIKA ORENDIVE, upépe ikatu eiporavo peteĩ opsión okonvenivéva ndéve.