Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Diciembre de 2014

 KO RREVÍSTAPE OÑEHESAʼỸIJO | NDE IKATU REIKO ÑANDEJÁRA AMÍGORAMO

¿Ndépa ere Ñandejára neamigoha?

¿Ndépa ere Ñandejára neamigoha?

“Reikóramo Ñandejára amígoramo reñandu reimeha segúro, nereikotevẽi mbaʼevére ha ndepyʼaguapy. Haʼete ku Ñandejára oñatendéva hína nderehe ani hag̃ua ofalta ndéve mbaʼeve.” (CHRISTOPHER, PETEĨ MITÃRUSU OIKÓVA GHÁNAPE)

“Ñandejára ningo ohecha reñeñandu vai jave, ha reimoʼãʼỹháicha ohechauka ndéve nderayhuha ha okuidaha nderehe.” (HANNAH, PETEĨ MITÃKUÑAʼI OREKÓVA 13 ÁÑO HA OIKÓVA ESTADOS UNÍDOSPE)

“Aikuaávo Ñandejára cherechaha iñamígaicha chemoñeñandu porãiterei. Ndaipóri ótra kósa iñimportantevéva Ñandejára amistágui.” (GINA, PETEĨ KUÑAKARAI OREKÓVA 45 ÁÑORUPI HA OIKÓVA JAMÁICAPE)

Christopher, Hannah, Gina ha hetaitereive hénte, oguerovia Ñandejára haʼeha iñamígo. Péro oĩ avei oñeporandúva: “¿Ikatúne piko peteĩ yvypóra reínte oiko Ñandejára amígoramo?”. Ndépa mbaʼe ere, ¿ikatúpa jaiko Ñandejára amígoramo? ¿Reikosépa nde iñamígoramo, térãpa repensa tekotevẽha reñemoag̃uive hese?

IKATU REIKO ÑANDEJÁRA AMÍGORAMO

La Bíbliape oñemombeʼu Ñandejára ohenói hague Abrahánpe “che amígo”, ha upéva ohechauka yvyporakuéra ikatuha oiko avei Ñandejára amígoramo (Isaías 41:8). La Bíbliape voi ningo jatopa ko invitasión Santiago 4:8-pe: “Peñemoag̃uíkena Ñandejárare, ha haʼe oñemoag̃uíta penderehe”. Péro, ¿mbaʼéicha piko ikatúta ñañemoag̃ui Ñandejárare ha jaiko iñamígoramo, ndaikatúiramo jahecha chupe?

Jaikuaa hag̃ua upéva, ñapensamína mbaʼéichapa oñepyrũ jepi peteĩ amista. Primeroite voi peteĩ persóna omombeʼu pe ótrope mbaʼéichapa héra. Upe rire oñemongeta jepi hikuái, ha péicha oikuaa mbaʼépa opensa ha oñandu káda uno. Upéi mbeguekatúpe ojokuaave ohóvo ha okakuaave pe amista. Ha oñehaʼãvo ojapo heta mbaʼe porã ojuehe, oñemombareteve pe amista. Upeichaiténte avei jaiko hag̃ua Ñandejára amígoramo. Jahechamína mbaʼéichapa ikatu jajapo upéva.