Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Noviembre de 2014

 KO RREVÍSTAPE OÑEHESAʼỸIJO | ¿OEXISTÍPA SATANÁS?

¿Oexistípa Satanás?

¿Oexistípa Satanás?

Peteĩ estátua oĩva Madrídpe, España. Orrepresentáva Satanáspe ojeitýrõ guare ko yvy ape ári

“Chemitãʼípe, che sy heʼími chéve ajeporta vai jave: ‘¡Cháke Satanás oúta ndegueraha hína!’, che katu haʼe chupe: ‘¡Eheja tou!’. Che aguerovia Ñandejára oexistiha, péro ndagueroviái Satanás oexistiha.” (Rogelio, oikóva El Salvadórpe.)

¿Ndépa repensa avei Rogélioicha? Emañamína koʼã mbaʼe ogueroviáva jepi la hénte ha ehechami mavaitévapa nde repensa oĩ porãha:

  • Satanás ndoexistíri, síno haʼe peteĩ mbaʼe jarekóva ñande pyʼapýpe ha ñanemomýiva jajapo hag̃ua ivaíva.

  • Satanás oexisti, péro nopenaguasúi yvyporakuérare.

  • Satanás peteĩ espíritu orekóva podér ha ipeligrosoitereíva.

Heta oĩ ogueroviáva koʼã mbaʼe. Péro, ¿iñimportántepa jaikuaa añetehápepa oexisti Satanás? Iñimportánte, pórke oiméramo haʼe ndoexistíri, upéva heʼise heta héntepe oñembotavyha hína. Ha oiméramo oexisti péro nopenaguasúi yvyporakuérare, ojekyhyje rei chugui. Péro oiméramo Satanás oexisti ha ipeligróso, ñañatende vaʼerã pórke ikatu ñandeperhudika.

Péro, ¿mávapa añetehápe Satanás? ¿Haʼépa peteĩ mbaʼe jarekóva ñande pyʼapýpente ha ñanemomýiva jajapo hag̃ua ivaíva? Ha oiméramo oexisti, ¿jakyhyje vaʼerãpa chugui? ¿Ipeligróso piko? ¿Mbaʼéichapa ikatu jajeprotehe chugui? Opa koʼã porandu okontesta la Biblia, jahechamína upéva umi artíkulo oúvape.