Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Noviembre de 2014

¿Omoingove jeýpa raʼe Jesús umi omano vaʼekuépe?

¿Omoingove jeýpa raʼe Jesús umi omano vaʼekuépe?

¿Omoingove jeýpa raʼe Jesús umi omano vaʼekuépe?

Jesús orresusita Lázarope, ojapóramo jepe cuatro díama omano hague

La Biblia ningo omombeʼu Jesús omoingove jey hague umi omano vaʼekuépe. Ha ikatu jaʼe koʼã rreláto ndahaʼeiha kuénto reínte, pórke la Bíbliape oñemoĩ voi arakaʼe ha moõpa oiko umíva. Por ehémplo, áño 31-pe, hetaiterei hénte oviaha Jesús ndive Capernaum guive, Naín peve. Og̃uahẽvo hikuái upépe, ojuhu peteĩ hénte atýpe ogueraháva hína oñotỹ hag̃ua peteĩ mitãrusu omano vaʼekuépe. Ha Jesús upepete omoingove jey chupe. ¿Mbaʼérepa ikatu jaguerovia oiko hague ko rresurreksión? Ikatu jaguerovia ndahaʼéi oĩ haguére la Bíbliapente, síno avei oiko rupi hetaiterei hénte renondépe. (Elee Lucas 7:11-15.)

Tiémpo rire, Jesús omoingove jey vaʼekue avei iñamígo Lázarope, ojapóramo jepe cuatro díama omano hague. Ha ikatu avei jaguerovia Jesús ojapo vaʼekue upérõ, pórke hetaiterei hénte ohecha kuri. (Elee Juan 11:39-45.)

¿Mbaʼérepa Jesús omoingove jey raʼe umi omano vaʼekuépe?

Jesús ningo oiporiahuverekoiterei umi héntepe, upévare orresusita umi omano vaʼekuépe. Avei ojapo koʼã mbaʼe ohechauka hag̃ua umi héntepe Itúva omeʼẽ hague chupe podér ipuʼaka hag̃ua pe ñemanóre. (Elee Juan 5:21, 28, 29.)

Umi rresurreksión Jesús ojapo vaʼekue, ogarantisa ñandéve koʼẽrõitéma haʼe ojapo jeytaha upéva. Jesús ningo orresusitáta hetaiterei héntepe, umíva apytépe umi ndoikuaajepéi vaʼekue Ñandejárape. Ha oñemeʼẽta chupekuéra oportunida oikuaa ha ohayhu hag̃ua Jehovápe. (Elee Hechos 24:15.)