Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Octubre de 2014

La Biblia ombohovái koʼã porandu

La Biblia ombohovái koʼã porandu

¿Mbaʼérepa tekotevẽ jajerure Ñandejárape ou hag̃ua Irréino?

¿Reikuaasevépa Ñandejára Rréinogui ha umi mbaʼe ojapótava ñanderehehápe?

Ñandejára Rréino ningo peteĩ goviérno oĩva yvágape. Ko goviérno oguerúta hustísia ha pyʼaguapy, upévare Jesús heʼi vaʼekue idisipulokuérape oñemboʼe jave ojerure vaʼerãha pe Rréino ou hag̃ua ko yvy ape ári. Ni peteĩ goviérno ningo ndaikatúi oipeʼaite pe violénsia, inhustísia térã mbaʼasy, péro Ñandejára goviérno ojapóta upéva. Haʼe onombra Itaʼýra Jesucrístope Rréiramo, ha oiporavo avei peteĩ grúpo de kristiánope ogoverna hag̃ua hendive. (Elee Lucas 11:2 ha 22:28-30.)

Koʼẽrõitéma ko Rréino ohundietéta umi oñemoĩvape Ñandejára kóntrape. Upéicharõ, ñañemboʼe jave ou hag̃ua ko Rréino, jajerure hína Ñandejárape omoĩ hag̃ua Irréino, umi yvypóra goviérno rendaguépe. (Elee Daniel 7:13, 14 ha Apocalipsis 11:15, 18.)

¿Mbaʼéichapa Ñandejára Rréino ovenefisiáta yvyporakuérape?

Jesús oiporiahuvereko yvyporakuérape ipyʼaite guive. Haʼe ningo Ñandejára Raʼy ha upévare oreko pe podér oipytyvõ hag̃ua umi oikotevẽvape. Upévare jaʼekuaa haʼémante ikatuha ñanegoverna porãve Ñandejára Rréinope. (Elee Salmo 72:8, 12-14.)

Umi oikóva guive Ñandejára heʼiháicha ha oñemboʼéva ipyʼaite guive ou hag̃ua Irréino, ohupytýta hetaiterei vendisión. Upévare, eñehaʼãna eaprendeve mbaʼépa omboʼe la Biblia ko goviérnogui. Ni mbaʼevéicharõ nerembyasymoʼãi rejapóramo upéva. (Elee Lucas 18:16, 17 ha Juan 4:23.)