Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Julio de 2014

La Biblia ombohovái koʼã porandu

La Biblia ombohovái koʼã porandu

¿Mbaʼérepa iñimportánte ñañemboʼe?

Ñandejára Jehová ningo oipota pyʼỹinte ñañemongeta hendive ha ndoipotái jakyhyje ñamombeʼu hag̃ua chupe umi mbaʼe ñandepyʼapýva (Lucas 18:1-7). Haʼe oñeinteresa ñanderehe ha upévare vyʼápe ñanerendu. Ñande Ru yvagapegua ñaneinvita ñañemongeta hag̃ua hendive. ¿Reaseptátapa upe invitasión? (Elee Filipenses 4:6.)

Pe ñemboʼe ningo ndahaʼéi ñambaʼejerure hag̃uánte, síno haʼe avei peteĩ médio ñañemoag̃ui hag̃ua Ñandejárare (Salmo 8:3, 4). Ñamombeʼúramo chupe mbaʼéichapa ñañeñandu, koʼýte ñañemoag̃uivéta hese ha jaikóta iñamígoramo. (Elee Santiago 4:8.)

¿Mbaʼéichapa ñañemboʼe vaʼerã?

Ñandejára ndoipotái jaiko ñañemoñeʼẽkuaaiterei ñañemboʼéta jave chupe, ni jarrepeti umi mbaʼe jajerureséva. Haʼe ndeʼíri avei mbaʼeichaitépa ñañemoĩ vaʼerã ñañemboʼe hag̃ua, haʼe ningo oipotánte ñañemongeta hendive ñande pyʼaite guive (Mateo 6:7). Por ehémplo, yma umi isrraelíta tiémpope, Ana oñemboʼe vaʼekue Ñandejárape ohasárõ guare peteĩ situasión ijetuʼuetereíva hogapýpe. Oñesolusiona rire upe provléma, haʼe oñemboʼe jey Ñandejárape oagradese hag̃ua chupe. (Elee 1 Samuel 1:10, 12, 13, 26, 27 ha 2:1.)

¡Ajépa tuichaite mbaʼe ikatu haguére ñamombeʼu ñande Apoharépe umi provléma jarekóva! Ikatu avei ñamombaʼeguasu ha jaagradese chupe umi mbaʼe porãita omeʼẽvare ñandéve. ¡Aníkena arakaʼeve jadeskuida ko priviléhio porãite! (Elee Salmo 145:14-16.)