Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Abril de 2014

La Biblia ombohovái koʼã porandu

La Biblia ombohovái koʼã porandu

¿Mbaʼépa ojapóta Jesús koʼẽrõitéma?

Jesús omano áño 33-pe, upéi oñemoingove jey ha oho yvágape. Tiémpo rire oñemoĩ chupe rréiramo Ñandejára Rréinope (Daniel 7:13, 14). Koʼẽrõitéma Jesús ogovernáta avei ko yvy, omoĩta pyʼaguapy, ojeiko porãta ha ndaiporimoʼãvéima osufríva mboriahúgui. (Elee Salmo 72:7, 8, 13.)

Jesús omopotĩta ko yvy ha ohundíta umi hénte añáme

Jesús ojapóta heta mbaʼe porã. Haʼe oiporúta pe podér omeʼẽva chupe Itúva, ikatu hag̃uáicha ñanepytyvõ jahupyty jey hag̃ua pe perfeksión. Igoviérno guýpe jaikóta vyʼápe, nañandetujamoʼãvéima ha ndaiporimoʼãvéima omanóva. (Elee Juan 5:26-29 ha 1 Corintios 15:25, 26.)

¿Mbaʼépa ojapo hína Jesús koʼág̃a?

Jesús odirihi hína idisipulokuérape omog̃uahẽ hag̃ua hikuái opárupi pe marandu porã. Haʼekuéra ovisita umi héntepe, ohechauka hag̃ua chupekuéra mbaʼépa heʼi la Biblia Ñandejára Rréinore. Jesús voi heʼi osegitaha oipytyvõ idisipulokuérape ko tembiapópe, ou peve Ñandejára Rréino ha ohundi umi yvypóra goviérno. (Elee Mateo 24:14 ha 28:19, 20.)

Pe kongregasión kristiána rupive, Jesús koʼág̃a ogia hína umi héntepe oiko porãve hag̃ua, ojesalva hag̃ua oñehundi vove ko múndo aña ha oike hag̃ua hikuái Ñandejára múndo pyahúpe. (Elee 2 Pedro 3:7, 13 ha Apocalipsis 7:17.)