Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Octubre de 2013

 KO RREVÍSTAPE OÑEHESAʼỸIJO: ¿MBAʼÉPA OMBOʼE LA BIBLIA?

¿Mbaʼépa ojapo Ñandejára osalva hag̃ua yvyporakuérape?

¿Mbaʼépa ojapo Ñandejára osalva hag̃ua yvyporakuérape?

Ñandejára opromete vaʼekue Abrahánpe pe “ñemoñare” outaha ifamiliarégui ha pe ñemoñare rupive entéro yvypóra ohupytytaha heta mbaʼe porã (Génesis 22:18). Ohasávo pe tiémpo Abrahán niéto hérava Jacob ova Egíptope. Upépe Jacob família oñembohetave ohóvo ha oiko chuguikuéra pe tetã Israel.

Tiémpo rire ogoverna Egíptope peteĩ kuimbaʼe ipyʼahatãva ha oreko esklávoramo umi isrraelítape. Upéi Ñandejára oguenohẽ chupekuéra upégui, ha upearã odividi pe mar Rojo peteĩ milágro rupive. Upe rire omeʼẽ heta Léi ideprovéchotava chupekuéra. Umíva apytépe oĩ umi Diez Mandamiénto ha avei umi heʼíva mbaʼépa ojapo vaʼerã oñeperdona hag̃ua chupekuéra ipekádo. Ñandejára ojevale pe proféta Moisés rehe heʼi hag̃ua umi isrraelítape omboutaha ótro proféta. Upéva hína pe “ñemoñare” oñepromete vaʼekue.

Ohasávo cuatrocientos áño rasa, Ñandejára heʼi rréi Davídpe pe “ñemoñare” ogovernataha opa ára g̃uarã. Upéva ningo hína pe Mesías térã Livertadór, Ñandejára oiporavo vaʼekue osalva hag̃ua yvyporakuérape ha ojapo jey hag̃ua ko yvýgui peteĩ hardín neporãva.

Rréi David ha hetave proféta rupive Ñandejára oikuaauka mávatapa pe Mesías ha mbaʼépa ojapóta. Haʼekuéra heʼi pe Mesías imbaʼeporãtaha ha ndoikomoʼãiha oñemombaʼeguasu. Ogoverna vove opáta ñembyahýi, ndoikomoʼãvéima gérra ha oĩta hustísia. Entéro yvypóra oikóta pyʼaguapýpe oñondivepa ha umi mymba jepe imansopáta. Ndaiporimoʼãvéima hasýva, omanóva ni ohasa asýva. Umi omanóvape jepe oñemoingove jeýta oiko hag̃ua ko yvy ape ári. Ñandejára ningo ndoipotái vaʼekue voi yvypóra ohasa asy.

Ñandejára heʼi vaʼekue proféta Miqueas rupive pe Mesías onasetaha Belénpe, ha proféta Daniel rupive heʼi ojejukataha chupe. Péro upéi Ñandejára omoingove jey kuri chupe ha tiémpo rire oiko chugui Rréi yvágape. Daniel ohai avei pe Mesías ogovernataha umi goviérno koʼag̃agua rendaguépe. Ha igoviérno opytáta opa ára g̃uarã. ¿Oñekumplípa umi proféta heʼi vaʼekue?

(Oñeguenohẽ koʼã pártegui: Génesis 22 guive 50 peve, Éxodo, Deuteronomio, 2 Samuel, Salmos, Isaías, Daniel, Miqueas ha Zacarías 9:9.)