Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Septiembre de 2013

 ÑAÑEMOAG̃UÍKENA ÑANDEJÁRARE

‘Ñandejára ohayhu upe vyʼapópe omeʼẽvape’

‘Ñandejára ohayhu upe vyʼapópe omeʼẽvape’

¿Mbaʼéichapa reipota oñemeʼẽ ndéve peteĩ mbaʼe? Enterovéva javyʼave pe persóna omeʼẽramo ñandéve ipyʼaite guive ha ndahaʼéi ojejopýgui chupe. Ñandéve g̃uarã upéva iñimportanteterei ha Ñandejárape g̃uarã katu koʼytevéntema. Jaleemína mbaʼépa ohai vaʼekue apóstol Pablo 2 Corintios 9:7-pe.

¿Mbaʼérepa ohai raʼe upéva apóstol Pablo? Omokyreʼỹ hag̃ua umi kristiáno Corintogua ikatu hag̃uáicha oipytyvõ umi ermáno oikotevẽvape oikóva Judéape. ¿Ojopýpa rakaʼe chupekuéra ojapo hag̃ua upéva? Nahániri. Upéva rangue haʼe ohai: “Káda uno tomeʼẽ ipyʼapýpe odesidiháicha, anítei omeʼẽ tovapukúpe ni ojejopýgui chupe; Ñandejára ohayhúgui upe vyʼapópe omeʼẽvape”. Ñamyesakãmína ko konsého.

“Tomeʼẽ ipyʼapýpe odesidiháicha.” Pablo heʼi umi kristiáno añetegua omeʼẽha odesidi rupi “ipyʼapýpe”. Peteĩ karai oinvestigáva umi palávra oĩva Bíbliape heʼi pe ñeʼẽ ojetradusíva “odesidiháicha” heʼiseha upe persóna “ojepyʼamongetaha”. Upéicharõ umi kristiáno okalkula voi hína mbaʼépa oikotevẽ iñermáno ha ohecha mbaʼépa ojapokuaa hesehápe (1 Juan 3:17).

“Anítei omeʼẽ tovapukúpe ni ojejopýgui chupe.” Pablo heʼi koʼã mokõi mbaʼe ndovaleiha oiko kristiáno apytépe. Pe palávra griéga ojetradusíva “tovapukúpe” heʼise avei “ombyasyha”. Peteĩ ensiklopédia heʼi peteĩ persóna omeʼẽva tovapukúpe “ombyasyetereiha voi omeʼẽta jave ivolsíllogui”. Haʼe ningo omeʼẽ ojejopýguinte chupe. ¿Jajagarrasétapa álgo peichagua tapichágui?

‘Ñandejára ohayhu upe vyʼapópe omeʼẽvape.’ Apóstol Pablo ohai peteĩ kristiáno omeʼẽta jave ojapo vaʼerãha “vyʼapópe”. Upéva ohechauka ñameʼẽramo ñande pyʼaite guive javyʼataha (Hechos 20:35). Pe palávra “vyʼapópe” heʼise pe omeʼẽva ipyʼaite guive ovyʼaha ha ojekuaa porãiterei hese upéva. Ñanembohesay pororopa voi ñanemanduʼávo koʼãichagua tapicháre. Ha Ñandejára omombaʼeterei chupekuéra.

‘Ñandejára ohayhu upe vyʼapópe omeʼẽvape’

Enterove kristiáno ñanemanduʼa vaʼerã apóstol Pablo konséhore ñaipytyvõta jave ótrope. Jaiporúramo ñane tiémpo, ñane mbaretekue térã umi mbaʼe jarekóva ñande rapicha rehehápe, jajapo vaʼerã ñande pyʼaite guive. Ñaipytyvõ vaʼerã umi oikotevẽvape ñandete voi jajaposégui. Upéicharõ javyʼáta ha Ñandejára ñanderayhúta, haʼe “ohayhúgui upe vyʼapópe omeʼẽvape”.

Ko méspe ikatu relee la Bíbliape

1 ha 2 Corintios