Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Julio de 2013

¿Ikatúpa jajerovia umi rrelihión rehe? Gérra

¿Ikatúpa jajerovia umi rrelihión rehe? Gérra

Alberto, peteĩ karai oservi vaʼekue diez áñorupi Ehérsitope, heʼi: “Pe paʼi orevendesi ha heʼi oréve: ‘Ñandejára oĩ penendive’. Péro che apensa: ‘¿Mbaʼéicha piko che aháta aporojuka, la Biblia heʼíramo ndovaleiha japorojuka?’”.

Ray, peteĩ kuimbaʼe Ehersitopegua ombaʼapo vaʼekue várkope Segunda Gérra Mundiál aja, heʼi peteĩ pastórpe: “Nde rejupi ko várkope reñemboʼe ha revendesi umi soldádope ogana hag̃ua, péro ¿ndojapói piko avei upéicha ore kontrariokuéra?”. Pe pastór heʼi chupe Ñandejára rape haʼeha peteĩ mistério.

¿Regueroviápa upe pastór heʼíva? Oimérõ nahániri, ani rejepyʼapy, naneañói.

¿MBAʼÉPA OMBOʼE LA BIBLIA?

Jesús omombeʼu oĩha peteĩ mandamiénto iñimportantetereíva. Haʼe heʼi: “Rehayhu [vaʼerã] nde rapichápe nde rejehayhuháicha” (Marcos 12:31, ÑÑB). ¿Heʼípa Jesús jahayhu vaʼerãha umi ñane retãyguápente? Nahániri. Haʼe heʼi idisipulokuérape: “Peẽ pejoayhúramo, opavave ohechakuaáta peẽ haʼeha che remimboʼe” (Juan 13:34, 35). Ndaipóri ojoayhúva haʼekuéraicha, upévare idiferénte hikuái. Umi omoirũva Jesúspe arakaʼeve ndoporojukái, ha tekotevẽramo, hekove jepe oĩ omeʼẽ hag̃uáicha hapichakuéra rehehápe.

Ha upeichaite ojapo Jesús remimboʼekuéra. Peteĩ ensiklopédia heʼi: “Umi paʼi ypykue, umíva apytépe Tertuliano ha Orígenes, heʼi umi kristiáno ndaikatuiha ojuka hapichápe, upéicha rupi ndoikéi vaʼekue hikuái Roma ehérsitope” (The Encyclopedia of Religion).

¿MBAʼÉPA IKATU JAʼE TESTÍGO DE JEHOVÁRE?

Ko múndo tuichakuére ningo oĩ umi testígo de Jehová. Ha mokõi tetã opuʼãramo ojuehe ha oiko peteĩ gérra, umi testígo de Jehová umi mokõi tetãmegua arakaʼeve noñorairõmoʼãi iñermanokuéra kóntrape. Upéva rangue, oñehaʼãmbaitéta ohechauka ojoayhuha.

¿Omboʼépa umi rrelihión jajoayhu vaʼerãha, Jesús heʼi haguéicha?

Por ehémplo, áño 1994-pe, umi hutu ha tutsi Ruandapegua oñorairõrõ guare, umi testígo de Jehová noñorairõi. Upéva rangue oñopytyvõ hikuái, ikatúramo jepe ojejuka chupekuéra upe haguére. Peteĩ jey, pe ehérsito Interahamwe ojagarra mokõi Testígo hútupe omokañy haguére hógape ótro Testígo tútsipe, ha heʼi chupekuéra: “Kóva oiko penderehe peipytyvõ haguére umi tútsipe”, ha ojuka mokõivévape (Juan 15:13).

¿Mbaʼépa nde repensa? ¿Ohechaukápa umi testígo de Jehová ojoayhuha, Jesús heʼi haguéicha?