Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Julio de 2013

La Biblia ombohovái koʼã porandu

La Biblia ombohovái koʼã porandu

¿Ikatúnepa jaiko opa árare?

¿Mbaʼépa ojapo Ñandejára ñaneguenohẽ hag̃ua ñemano poguýgui?

Pe kuimbaʼe ypykue, Adán, oiko vaʼekue hetaiterei áñore. Péro amo ipahápe ituja ha upéi omano. Upe guive yvyporakuéra ojapo opa ikatúva ani hag̃ua ituja ha omano avei, péro ndaikatúi ojoko upéva. ¿Mbaʼérepa? Pe pekádo káusare. Adán naiñeʼẽrendúi vaʼekue Ñandejárape ha opeka, upévare omano. Ha entéro ifamiliarépe ñanderupyty pe pekádo, ha upéicha rupi ñande avei ñamano. (Elee Génesis 5:5 ha Romanos 5:12.)

Jaiko hag̃ua opa árare ñaikotevẽ peteĩ ñanderreskata vaʼerã (Job 33:24, 25). ¿Mbaʼépa heʼise rreskáte? Upéva heʼise pe présio ojepagáva oñemosãso hag̃ua peteĩ tapichápe; ha ñande ñaikotevẽ peteĩ opaga vaʼerã ñanderehe ñaneguenohẽ hag̃ua ñemano poguýgui (Éxodo 21:29, 30). Ha Jesús opaga vaʼekue upéva omeʼẽvo hekove ñanderehehápe. (Elee Juan 3:16.)

¿Mbaʼéichapa ikatu jaiko opa árare?

Ndahaʼéi entéro yvypóra ikatútava hesãi ha oiko opa ára g̃uarã. Umi naiñeʼẽrendúiva Ñandejárape, Adán ojapo haguéicha, ndaikatumoʼãi ojesalva. Umi oñeperdonávape añoite ipekádo oikovéta opa árare. (Elee Isaías 33:24 ha 35:3-6.)

Péro, ¿mbaʼépa jajapo vaʼerã oñeperdona hag̃ua ñandéve ñande pekádo? Upearã tekotevẽ jastudia la Biblia ha jaikuaa Ñandejárape. Jajapóramo upéicha, koʼág̃ama voi ikatúta jaiko porãve, Ñandejára ñandeguerohorýta ha jahupytýta pe jeikove opaveʼỹva. (Elee Juan 17:3 ha Hechos 3:19.)