Ko divúhope jahecha Jesús oñeʼẽha hína peteĩ mbaʼe vai apohándi. Ko kuimbaʼe oñeñandu vaieterei anga umi mbaʼe ojapo vaʼekuére ha upévare ojerure asy Jesúspe: ‘Nemanduʼamíkena cherehe reike vove ne Rréinope’. ¿Reikuaa piko mbaʼépa heʼi chupe Jesús? *... Haʼe opromete chupe: “Añetehápe haʼe ndéve koestedía: Reiméta chendive pe [paraísope]”.

Mbaʼépa nde repensa, ¿mbaʼéichatapa hína pe paraíso Jesús opromete vaʼekue?... Jaikuaa porãve hag̃ua, jahechami mbaʼeichaguápa pe paraíso oiko hague ñande ru ha ñande sy ypykue, Adán ha Eva. ¿Ndépa reikuaa moõpa oĩ rakaʼe pe paraíso: yvágape térãpa ko yvy ape ári?...

Oĩ vaʼekue ko yvy ape ári. Upévare, ikatu jaʼe pe mbaʼe vai apoha oikotaha peteĩ paraísope ko yvy ape ári. ¿Ha mbaʼéichatapa pe paraíso?... Jahechamína.

La Biblia heʼi Ñandejára Jehová ojapo hague peteĩ hardín neporãmba jepéva Adán ha Évape g̃uarã, hérava “Edén”. Mbaʼépa nde repensa, ¿mbaʼéichapa rakaʼe upe hardín?... Ñane tiémpope ndaiporichéne ótro lugár iporãvéva upévagui.

Mbaʼépa nde ere, ¿oĩtapa Jesús avei ko yvy ape ári pe mbaʼe vai apoha oñarrepenti vaʼekuéndi?... Nahániri. Jesús oĩta yvágape ha upe guive ogovernáta ko yvy. ¿Mbaʼérepa upéicharõ Jesús heʼi raʼe pe mbaʼe vai apohápe oĩtaha hendive pe paraísope? Upérõ haʼe oprometénte upe kuimbaʼépe omoingove jeytaha chupe ha oikotaha vyʼápe pe hardín neporãvape. Péro ¿mbaʼérepa  Jesús ohejáta peteĩ mbaʼe vai apoha oiko pe paraísope?...

Upe kuimbaʼe ningo ojapo kuri heta mbaʼe vai, péro nahaʼeñói, oĩ heta tapicha ojapo vaʼekue avei ivaíva ko yvy ape ári. Heta oĩ oikóva upéicha, noñepytyvõi rupi chupekuéra oikuaa hag̃ua Jehovápe ha umi mbaʼe haʼe ohaʼarõva chuguikuéra.

Upéicha rupi, heta tapichápe oñemoingove jeýta oiko hag̃ua ko yvy ape ári, ha umíva apytépe oĩta avei pe mbaʼe vai apoha oñemongeta vaʼekue Jesús ndive. Upépe oñepytyvõta chupekuéra oikuaa hag̃ua Jehovápe ha orekóta oportunida ohechauka hag̃ua ohayhúpa chupe.

¿Reikuaápa mbaʼéichapa ohechaukáta hikuái ohayhuha Jehovápe?... Iñeʼẽrendúvo chupe. Pe paraísope enterove ohayhúta Jehovápe ha hapichakuérape. ¡Aje piko javyʼaitéta upépe!

Relee hag̃ua la Bíbliape

^ párr. 3 Oimérõ relee hína peteĩ mitãndi, epytaʼimi oĩ jave mbohapy púnto ha ehaʼarõ tombohovái umi porandu.