Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Mayo de 2013

La Biblia ombohovái koʼã porandu

La Biblia ombohovái koʼã porandu

¿Ikatu piko oñeperdona ñandéve ñande pekádo?

Ikatu hína ñambovyʼa Ñandejárape

La Biblia omboʼe enterove yvypóra japekaha. Ñande ru ypykue Adán opeka rupi, opavave ñanase pekádo poguýpe. Upévare sapyʼánte jajapo heta mbaʼe vai ha ñambyasy upe rire. Péro Ñandejára Raʼy, Jesucristo, omano oñeperdona hag̃ua ñandéve ñande pekádo ha péicha jajei pekádo poguýgui. Upe sakrifísio ningo peteĩ rregálo omeʼẽva ñandéve Ñandejára. (Elee Romanos 3:23, 24.)

Oĩ tapicha oñeporandúva operdonánepa chupe Ñandejára umi mbaʼe vai ojapo vaʼekuére. Javyʼa jaikuaávo la Biblia heʼiha: “Jesús ruguy ñanemopotĩ opa ñane rembiapo vaikuégui” (1 Juan 1:7). Añetehápe, tahaʼe haʼéva umi mbaʼe vai jajapóva, Jehová katuete ñaneperdonáta, ñañarrepentíramo ñande pyʼaite guive. (Elee Isaías 1:18.)

¿Mbaʼépa jajapo vaʼerã Ñandejára ñaneperdona hag̃ua?

Jaipotáramo Jehová ñaneperdona, jaikuaa porã vaʼerã chupe: mbaʼérepa ojapo peteĩ mbaʼe, mbaʼérepa omeʼẽ umi konsého ha mbaʼépa oipota jajapo (Juan 17:3). Jehová oiporiahuvereko ha operdona umi oñembyasývape ipyʼaite guive ha oñehaʼãvape okambia. (Elee Hechos 3:19.)

Ñandejára Jehová oikuaa porã ñanekangyha, upéicharõ jepe ikatu hína ñambovyʼa chupe. Haʼe ningo ivuéno ha ñandeporiahuvereko. ¿Nanemokyreʼỹipa upéva reikuaave hag̃ua mbaʼépa ikatu rejapo Ñandejára ndeguerohory hag̃ua? (Elee Salmo 103:13, 14.)