Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha (ojestudiáva)  |  Agosto de 2014

 MANDUʼARÃ

Pe “Drama Eureka” oipytyvõ hetápe oikuaa hag̃ua Jehovápe

Pe “Drama Eureka” oipytyvõ hetápe oikuaa hag̃ua Jehovápe

SÍGLO 19-pe hetaiterei hénte ova óro rekávo Califórniape (Estados Unidos), ha oĩ jave ojuhúva pe óro, osapukái: “¡Eureka!”, heʼiséva “¡Atopáma!”. Péro Charles T. Russell ha ambue Estudiánte de la Biblia, ojuhu peteĩ mbaʼe ovalevéva órogui. Upéva hína pe añetegua oĩva la Bíbliape, ha haʼekuéra omboʼesetereíma voi ótrope.

Veráno de 1914-pe g̃uarã hetaiterei persóna oĩva umi siuda tuichaichaháre ohecháma pe “Foto-Drama de la Creación”, peteĩ presentasión ipukúva ocho óra, ojapo vaʼekue pe Asociación Internacional de Estudiantes de la Biblia (IBSA, ingléspe). Ko presentasión oreko filmasión, fóto en kolóre, rreláto ha músika klásika ipu rory asýva. Umi ohecháva pe “Foto-Drama” haʼete voi ovivíva pe istória. Pype ojehechauka mbaʼéichapa Jehová ojapo ko univérso, ha oho hese oñemohuʼã meve Jesucristo Goviérno de Mil Áño (Apoc. 20:4). *

¿Mbaʼépa oiko umi hénte oikuaasévagui pe añetegua, péro oĩva umi siuda michĩvape térã kampañaháre? Ani hag̃ua ni peteĩ persóna ojavy pe “Foto-Drama”, pe IBSA opresenta “Drama Eureka”, agosto de 1914-pe. Upéva ningo peteĩ versión del “Foto-Drama”, péro ndorekói filmasión. Ojejapo tres versión heta idiómape ha ndahasýi ojegueraha hag̃ua oimehápe. Pe “Drama Eureka X” orekopaite umi rreláto ha músika. Pe “Eureka Y” katu oreko umi gravasión ha fóto en kolóre. Ha pe “Eureka Familiar” oreko heta rreláto ha purahéi, ojeporavóva umi hénte ohendu hag̃ua hógape. Oñemeʼẽ avei umi vitróla ha ótro aparáto ndahepýiva oñembohasa hag̃ua umi fotokuéra.

Ojepuru vaʼekue peteĩ projektór oñembohasa hag̃ua umi fóto en kolóre

Pe “Drama Eureka” oñepresenta hag̃ua noñekotevẽi katuete umi aparáto ombohasáva fotokuéra ni pantálla higánte. Upéicha rupi ifasilve umi Estudiánte de la Bíbliape omog̃uahẽ hag̃ua hikuái pe marandu porã hetave héntepe kampañaháre. Pe “Eureka X”, orekóva umi gravasión, ikatu oñemoĩ de día ha pyharekue. Ha ojehechauka hag̃ua “Eureka Y”, orekóva umi fotokuéra, ojepuru peteĩ aparáto noikotevẽiva elektrisida”, síno lámpara de karvúro. Peteĩ rrevísta Watch Tower osẽ vaʼekue finlandéspe heʼi: “Ko “Drama Eureka” ikatu rohechauka haimete voi oimehápente”. ¡Ha siertoite upéva!

Umi Estudiánte de la Biblia oalkila rangue umi teátro tuichaicháva ohechauka hag̃ua pe “Drama Eureka”, ojeporeka umi lugár gratiháre. Por ehémplo áula, salón de trivunál, estasión de tren, térã umi óga guasúpe. Heta vése ojehechauka avei okápe reínte, ha omoĩ hikuái savana morotĩ peteĩ galpón pare rehe  ohechauka hag̃ua umi fotokuéra. Anthony Hambuch oskrivi: “Umi hénte oĩva kampáñare oprepara heta asiénto ikorapýpe. Péicha opavavénte ikatu ohecha pe ‘Drama Eureka’ oguapyhápe”. Ko ermáno ha igrúpo oreko peteĩ kárro ogueraha hag̃ua pe ekípo, ikosakuéra ha oimeraẽ mbaʼe oikotevẽtava hikuái oñekosina hag̃ua ha opyta hag̃ua oke.

Sapyʼánte mbovy umi hénte ohóva ohecha pe “Drama Eureka”, péro hetave vése hetaiterei hikuái. Estados Unídospe, peteĩ puévlo oikohápe 150 persónante, oñembyaty 400 tapicha peteĩ eskuélape. Ótro lugárpe avei oĩ umi oguatáva 8 kilómetro oho hag̃ua ohecha pe “Drama” ha ou jey avei yvýrupi. Suéciape katu Charlotte Ahlberg ombyaty ivesinokuérape hogaʼipe ohendu hag̃ua pe gravasión, ha heʼi “opokoiterei hague ikorasõrekuéra”. Austráliape, 1.500 persónarupi oho ohecha pe “Drama” peteĩ siuda minéra oĩvape mombyry. Rrevísta Watch Tower omombeʼu pe “Drama” oñembohasa hague avei umi universidápe, ha “ogustaiterei umi profesór ha alumnokuérape umi taʼanga ha gravasión porãite”. Pe “Drama Eureka” ojehechauka kuri opárupi ha oñembohasa umi sinehárupi avei.

OJERREGA PE SEMÍLLA OÑEÑOTỸ VAʼEKUE

Umi kongregasiónpe ñepyrũrã oñehenói vaʼekue Kláse de Estudiánte de la Biblia. Ha pe “Drama Eureka” heta ideprovécho ikatu hag̃uáicha oñeforma hetave kláse. Oñemondo jepi ermáno diferénte lugárpe omeʼẽ hag̃ua peteĩ diskúrso ha ohechauka hag̃ua upe dráma. Péicha omoñepyrũ hikuái pe kláse térã kongregasión pyahu. Ndojekuaái ningo mboy persónapa ohecha vaʼekue upe dráma, péro heta aparáto oñembohasaha pe dráma ojeporu kontinuadoite. Áño 1915-pe ojekuaa oĩ hague 86 grúpo ohechaukáva oikóvo pe dráma, péro 14 grúponte oguerahaukaha jepi iñinfórme. Pe rrepórte anuálpe ojeʼe oñembyasyha ndojerekopái haguére umi infórme, péro heʼi mas de 1.000.000 persóna ohecha hague pe “Drama Eureka”, ha 30.000-rupi ojerure hague puvlikasión vívlika.

Ikatu oĩ ni naimanduʼavéimava pe “Drama Eureka” rehe, péro oĩ hetaiterei persóna ohecha vaʼekue ko presentasión. Por ehémplo, ojehecha Australia guive Argentina peve, Sudáfrica guive India peve, el Caribe ha umi isla vritánika jepe ohecha vaʼekue. Ha heta umíva apytégui oĩ oaprendéva pe añetegua ovalevéva órogui, ha heʼi: “¡Eureka!”.

^ párr. 4 Ehecha Manduʼarã: “Ojapóma100 áño oiko hague” osẽ vaʼekue Ñemañaha 15 de febrero de 2014-pe, páhina 30-32.