Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha (ojestudiáva)  |  Diciembre de 2013

¿Nemanduʼápa koʼã mbaʼére?

¿Nemanduʼápa koʼã mbaʼére?

¿Rehesaʼỹijópa raʼe umi rrevísta Ñemañaha osẽ ramovéva? Ehechamína ikatúpa nemanduʼa koʼã mbaʼére:

¿Arakaʼépa Jesús “opredika [...] umi espíritu oĩvape préso”? (1 Ped. 3:19, NM.)

Amalisia Jesús oikove jey riremi omomarandu raʼe koʼã ánhel añáme ojekastigataha chupekuéra (15/6, páh. 23).

¿Mbaʼe mbaʼépa ombohovái vaʼerã umi omenda jeýva?

Oĩ mbohapy mbaʼe: imatrimónio ypykue ikatu ombyai imatrimónio koʼag̃agua; iñamigokuéra ndoikuaái mbaʼéichapa otratáta pe ména térã tembireko pyahúpe; ha ijetuʼu ojerovia hag̃ua hembiayhúre, iména térã hembireko yma guare omoakãratĩ rupi chupe (1/7, páh. 9, 10).

¿Arakaʼépa Jesús ohusgáta umi ovecha ha kavarápe? (Mat. 25:32.)

Oñehundi rire umi rrelihión japu, ág̃a Jesús og̃uahẽ vove pe jehasa asy guasu aja, oñepyrũta ohusga umi hénte opa tetãyguápe ohecha hag̃ua mávapa ovecha térã kavara (15/7, páh. 6).

Ohechaukaháicha pe ehémplo oñeʼẽva trígo ha ñana vaíre, ¿arakaʼépa umi hembiapo vaíva hasẽ soro ha ipyahẽta ñembyasýgui? (Mat. 13:36, 41, 42.)

Upéva oikóta pe jehasa asy guasu aja, ohechakuaa vove hikuái oñehunditaha katuete (15/7, páh. 13).

¿Arakaʼépa oñekumpli Jesús heʼi vaʼekue pe tembiguái jeroviaha ha iñarandúvare? (Mat. 24:45-47.)

Upéva noñekumplíri Pentekostés áño 33-pe, síno 1914 rire. Áño 1919-pe oñemoĩ pe tembiguái jeroviaha poguýpe umi ótro tembiguái, umíva hína enterove oñevenefisiáva pe hiʼupy omeʼẽvagui pe tembiguái jeroviaha (15/7, páh. 21-23).

¿Arakaʼépa Jesús omoĩta pe tembiguái jeroviaha poguýpe opa mbaʼe orekóva?

Upéva oikóta pe jehasa asy guasu aja, pe tembiguái jeroviaha oho vove yvágape ha oiko chuguikuéra rréi Cristo ndive (15/7, páh. 25).

La Bíbliape ndojehaíri heta kuimbaʼe ha kuña réra, ¿heʼisépa upéva iñaña térã naiñimportántei hague hikuái?

Nahániri. La Bíbliape sapyʼánte noñemoĩri voínte heta tapicha ivuénova térã iñañáva réra (Rut 4:1-3; Mat. 26:18). Ha oĩrõ jepe hetaiterei ánhel iñeʼẽrendúva, la Biblia ohenói hérarupi mokõimente (1/8, páh. 10).

Jehová omombarete umi ermáno oĩ vaʼekuépe kámpo de konsentrasiónpe Sachsenháusenpe. Péro, ¿mbaʼépa oipytyvõ avei umi 230 Testígope oaguanta hag̃ua pe “marcha de la muérte”?

Entéro koʼã ermáno ikangypa, iñembyahýi ha hasypárõ jepe, oñomokyreʼỹ hikuái osegi hag̃ua (15/8, páh. 18).

¿Mbaʼérepa ñanemokyreʼỹ pe rreláto omombeʼúva Israel ohasa hague rrío Jordán ha oike pe Yvy Oñepromete vaʼekuépe?

Upérõ pe rrío osẽmba okyeterei rupi primavérape, péro Jehová ojoko pe y osyry hatãitéva ipuévlo ohasa hag̃ua mboypýri. Ohechávo upéva, umi isrraelíta ojeroviave Jehováre. Jaleévo koʼã mbaʼe ñande avei jajeroviave (15/9, páh. 16).

¿Mbaʼérepa la Bíbliape pyʼỹinte oñeñeʼẽ umi kolór rehe?

Oñeñeʼẽ rupi la Bíbliape umi kolór rehe, jahecha Ñandejára oikuaaha mbaʼéichapa umi kolór opoko umi mbaʼe ñañandúvare, ha avei ñanepytyvõ ñanemanduʼa hag̃ua umi mbaʼe iñimportántevare (1/10, páh. 14, 15).

¿Mbaʼéichapa oñekumpli koʼág̃a pe profesía oĩva Miqueas 5:5-pe, oñeʼẽva umi siete ovecharerekua ha ocho mburuvicháre?

Ikatu jaʼe “umi siete ovecharerekua ha ocho mburuvicha” oĩva Miqueas 5:5-pe, haʼeha umi ansiáno Jehová omoĩva oñangareko hag̃ua ijovechakuérare. Péicha Jehová puévlo oĩta preparádo oaguanta hag̃ua ojeataka vove chupekuéra (15/11, páh. 20).

¿Mbaʼérepa ñaikotevẽ Ñandejárare?

Ñaikotevẽ peteĩ ñanesãmbyhy porã ha ñanepytyvõ vaʼerã ñasolusiona hag̃ua ñane provléma. Avei Jehová oipota jaiko porã ha javyʼa, ha haʼe okumplíta ipromésa oĩva la Bíbliape omeʼẽ hag̃ua ñandéve koʼã mbaʼe (1/12, páh. 4-6).