Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha (ojestudiáva)  |  Octubre de 2013

¿Ikatúpa ñañehaʼãve jaavisa hag̃ua umi héntepe?

¿Ikatúpa ñañehaʼãve jaavisa hag̃ua umi héntepe?

Peteĩ pelíkula ndorekóiva sonído hérava A Trip Down Market Street (Paseo por la calle Market), ohechauka mbaʼéichapa ojeiko San Francíscope (Estados Unidos) áño 1900 rire. Ojegrava hag̃ua upe pelíkula, oñemoĩ kámara peteĩ tranvía renondére, okorréva peteĩ kálle heta imovimiéntovare hérava Market. Upe pelíkulape ojekuaa umi kárro, kóche upe tiempogua, diário vendeha ha umi hénte ohóva ombaʼejogua térã hembiapo joáva upérupi.

¿Mbaʼérepa ñanemanduʼa ko pelíkulare? Amalisia ojegrava abrílpe áño 1906-pe, ha upe riremi, el 18 de abril oiko upépe peteĩ terremóto ha inséndio. Upérõ omano hetaiterei hénte, ha haimete oñehundipa upe lugár. Upévare ñambyasyeterei jahechávo umi hénte okorre joa upérupi oikuaaʼỹre omanotaha. Peteĩ karai hérava Scott Miles oreko vaʼekue ihénte ojapóva upe pelíkula. Ko karai omombeʼu: “Jahechávo umi hénte oĩ joáva pe kállere, ñande pyʼa hoʼa yvýre. Haʼekuéra ndoikuaái anga mbaʼépa oikóta hesekuéra”.

Pe terremóto ha inséndio oiko vaʼekue oñehaʼarõʼỹetére San Fransíscope 1906-pe, ohundipamoʼã pe siuda séntro

Koʼág̃a ñambyasy avei heta ñande rapichápe. Haʼekuéra ojesareko meme hembiapokuérarente, ha ndoikuaaiete hiʼag̃uimbaitemaha peteĩ sarambi tuichavéva oñehunditahápe ko múndo aña. Añetehápe ndaikatúi ojekuaa oikóta jave peteĩ terremóto, péro jaikuaa hiʼag̃uimbaitemaha pe ára Jehová oporohusgataha, ha upéicha rupi ikatu jaavisa umi héntepe. Katuete enterove ñamboyke tiémpo japredika hag̃ua káda semána; péro ¿ikatúpa ñañehaʼãve jaavisa hag̃ua umi héntepe?

JESÚS OĨ VAʼEKUE PREPARÁDO OPREDIKA HAG̃UA

Jesús oñeʼẽ vaʼekue opavave ojuhúvape, por ehémplo peteĩ impuésto kovrahápe ohecha vaʼekue ohasakuévo. Avei opytuʼu jave asajekue, Jesús opredika peteĩ kuñakaraípe peteĩ póso kóstape (Luc. 19:1-5; Juan 4:5-10, 21-24). Haʼe kyreʼỹme omboʼe umi héntepe, jepe heta vése omboykéma kuri tiémpo opytuʼu hag̃ua. Nopensái ovalemaha pe ojapóva, síno oñehaʼãmbaite oporopytyvõ oiporiahuverekógui umi héntepe (Mar. 6:30-34). ¿Mbaʼéichapa heta ermáno ohechauka oĩha preparádo opredika hag̃ua Jesús ojapo haguéicha?

OAPROVECHAPAITE HIKUÁI UMI OPORTUNIDA

Melika oiko peteĩ edifísiope ndaikatuihápe oike oimeraẽ. Heta ivesíno ou ótro tetãgui ostudia  hag̃ua ha herakuéra noĩri pe gía telefónikape ni ndohejái hikuái iselulár número pe rresepsiónpe. Haʼe oaprovecha oñemongeta hag̃ua hendivekuéra Ñandejárare, tahaʼe rresepsiónpe térã asensórpe. Ko ermána heʼi: “Ahecha koʼã lugár haʼerõguáicha che território”. Haʼe oreko puvlikasión heta idiómape, upévare okolokáma heta rrevísta ha tratádo. Avei ohechauka chupekuéra ñane direksión Internétpe: jw.org. Melika oñepyrũma ostudia la Biblia hetándi.

Sonia oñemeʼẽmbaite avei opredika hag̃ua opa ikatúvape. Haʼe ombaʼapo peteĩ klínikape ha oñehaʼã opredika káda uno ikompañerokuérape. Ñepyrũrã omboyke tiémpo oikuaave hag̃ua peteĩteĩme. Upéi oheka káda únope ojekaruha órape oñemongeta hag̃ua hendivekuéra la Bíbliare. Sonia ojapo rupi upéva, oñepyrũma ostudia mokõi hapichándi. Koʼág̃a heʼi oaprovechataha pe tiémpo orekóva opytuʼu hag̃ua ikatu hag̃uáicha oñemongeta umi oĩvandi sála de espérape.

JAJAPÓKENA ÑANDE AVEI UPÉICHA

Peteĩ tapicha ojesalva vaʼekue oikórõ guare pe yvyryrýi 1906-pe, heʼi: “Ndoikóiva peichagua sarambi operhudika vaietéva peteĩ siuda térã estádope”. Péro koʼẽrõitéma og̃uahẽta Jehová ára tuichaitéva ojekastigatahápe umi “ndoikuaáivape Ñandejárape”, ha upe ára ndaikatúi oñembojoja mbaʼeveichagua sarambíre (2 Tes. 1:8, NM). Jehová oipotaiterei umi hénte ohendu pe mensáhe jaraháva chupekuéra ha okambia (2 Ped. 3:9, nóta; Rev. 14:6, 7).

¿Jaaprovechapaitépa umi oportunida japredika hag̃ua oimehápe?

Ñande ikatu ñaipytyvõ umi héntepe ohechakuaa hag̃ua jaikoha peteĩ tiémpo ijetuʼúvape, ani hag̃ua opensaiterei ijehénte ha oheka hag̃ua Jehovápe (Sof. 2:2, 3). Jaaprovechákena japredika hag̃ua ñane kompañéro de traváhope, ñane vesinokuérape ha oimeraẽ jajuhúvape jajapo jave ñane rembiapokuéra. ¿Ñañehaʼãmbaitétapa jaavisa hag̃ua umi héntepe?