Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha (ojestudiáva)  |  Julio de 2013

Peteĩ ermáno oike ramóva Kuérpo Governántepe

Peteĩ ermáno oike ramóva Kuérpo Governántepe

Pe miércoles 5 de septiembre de 2012 pyharevépe, oñeanunsia família Betel Estados Unidos ha Canadaguápe oñenombraha peteĩ ermánope oĩ hag̃ua pe Kuérpo Governántepe. Mark Sanderson oike Kuérpo Governántepe 1 de septiembre de 2012 guive.

Ermáno Sanderson okakuaa vaʼekue San Diégope (California, Estados Unidos). Ituvakuéra Testigo de Jehová ha haʼe ojevautisa 9 de febrero de 1975. Oñepyrũ iprekursorádo 1 de septiembre de 1983, táva Saskátchewanpe (Canadá). Diciembre de 1990-pe ojegradua séptima kláse Eskuéla de Entrenamiénto Ministeriálpe (koʼág̃a hérava Eskuéla Vívlika umi Kuimbaʼe Soltérope g̃uarã), Estados Unídospe. Ha abril de 1991-pe oñemondo chupe oservi hag̃ua prekursór espesiálramo Terranóvape, peteĩ ísla oĩva Canadápe. Upéi oservi superintendénte sustitútoramo, ha febrero de 1997-pe katu oñeinvita oservi hag̃ua Betel Canadaguápe. Noviembre de 2000-pe ojeguerova chupe Estados Unidos sukursálpe ha upépe ombaʼapo Servísio de Informasión Ospitaláriape ha upe rire Departaménto de Servísiope.

Septiembre de 2008-pe, ermáno Sanderson oho Eskuéla umi Oĩvape g̃uarã Komite de Sukursálpe. Upe rire oñenombra chupe ombaʼapo hag̃ua Komite de Sukursálpe oĩva Filipínaspe. Septiembre de 2010-pe oñeinvita ou jey hag̃ua Estados Unídospe, ha upépe oipytyvõ Komite de Servísiope oĩva pe Kuérpo Governánte poguýpe.