Ehecha oĩva pype

Ehecha menú secundario

Testígo de Jehová

guarani

Ñemañaha (ojestudiáva)  |  Noviembre de 2010

Ñameʼẽkena ñane kontrivusión Jehovápe

Ñameʼẽkena ñane kontrivusión Jehovápe

MBAʼÉICHAPA jaagradese jepi ñande rapichápe ñanepytyvõ jave? Jahechamína mbaʼéichapa umi soldádo mburuvichakuéra Israelgua oagradese Jehovápe oipytyvõ haguére chupekuéra ogana hag̃ua umi madianítape. Umi Israelgua opekákuri Jehová renondépe omombaʼeguasúvo Baal de Peor. Upéicharamo jepe Jehová oipytyvõ chupekuéra ogana hag̃ua, ha umi mbaʼe ogueruvaʼekue gerrahágui ojerreparti umi 12.000 soldádo ha umi isrraelíta. Upe rire Jehová heʼi umi soldádope omeʼẽ hag̃ua avei saserdotekuérape umi mbaʼe oguerúva gerrahágui ha umi isrraelítape katu heʼi omeʼẽ hag̃ua umi levítape (Núm. 31:1-5, 25-30).

Upéicharamo jepe umi soldádo mburuvichakuéra omeʼẽseve ikontrivusión, ha omombeʼu Moiséspe mbaʼérepa: “Ore roipapa ore ñorairõhára ha rojuhu nomanói hague avave”. Haʼekuéra oikuaveʼẽ Jehovápe aláha ha ambue mbaʼe ojejapóva órogui, ha oñondivepa  koʼã mbaʼe ohasa 190 kílo (Núm. 31:49-54).

Ñande avei koʼág̃a jahechaukase jaagradeseha Jehovápe ojapovaʼekue ñanderehehápe. Péro ndahaʼéi ñande testígo de Jehová añónte jajapóva upéva. Pór ehémplo peteĩ aty guasúpe, ojejapovaʼekue Bolonia Itáliape áño 2009-pe, peteĩ chofér ogueru ha ogueraháva ermanokuérape oagradese pe tembiapo jajapóva. Ko karai omaneha porã ha hory umi ermánondi, upévare haʼekuéra ohai peteĩ nóta oagradese hag̃ua chupe. Avei omeʼẽʼimi chupe pláta ha pe lívro Mbaʼépa añetehápe omboʼe la Biblia? Péro ko karai heʼi chupekuéra: “Aagradese peẽme pe tarhéta ha pe lívrore, péro ko pláta pemeʼẽva chéve ndajagarramoʼãi pendehegui. Ahechakuaa pejapoha ko tembiapo pehayhúgui pende rapichápe ha upévare akontrivuise penendive, ndahaʼéiramo jepe pende rrelihiongua”.

Jahechauka hag̃ua ñamombaʼeha Ñandejára ojapovaʼekue ñanderehehápe, ikatu ñameʼẽ ñane kontrivusión oñemyerakuã hag̃ua pe marandu porã ko múndo tuichakuére (Mat. 24:14). Pe rrekuádrope jahecháta mbaʼéichapa ikatu ñameʼẽ ñane kontrivusión.