Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha (ojestudiáva)  |  Junio de 2017

Jaikuaave hag̃ua

Jaikuaave hag̃ua

¿Mbaʼérepa Jesús ohenói “mondaha” umi ovendévape animál Jerusalén témplope?

LÍVRO de Mateo omombeʼu: “Jesús oike pe témplope, ha omosẽmba upégui umi ombaʼevende ha oñemúvape. Oipetepa yvýre umi mesa kambistakuéra oiporúva, ha umi palóma vendehágui katu ivankokuéra. Ha heʼi: ‘Ñandejára Ñeʼẽme ojehai: “Che róga ningo peteĩ lugár oñeñemboʼe hag̃ua”, ha peẽ katu pejapo chugui mondaha raity’” (Mat. 21:12, 13).

Ymave, umi komersiánte ombaʼevendéva pe témplope ojaprovechámi vaʼekue iklientekuérare ha hepyeterei okovra chupekuéra. Por ehémplo, umi palóma ivaráto vaʼekue ikatu hag̃uáicha ojogua umi imboriahúva ha ojapo la isakrifísio. Péro umi kuatiañeʼẽ yma guare oñeʼẽva umi judíore, heʼi síglo primérope peteĩ tiémpore ojepaga hague un denário de óro mokõi palómare. Upérõ oñembaʼapo vaʼerã 25 día oñegana hag̃ua un denário de óro. Umi palóma ou hepyeterei, upévare ijetuʼuetereíma umi imboriahúvape ojogua hag̃ua (Lev. 1:14; 5:7; 12:6-8). Pe rravíno Simeón ben Gamaliel ipochyeterei upe haguére, upémarõ ojerure saʼivénte ojejapo hag̃ua umi sakrifísio. Upe riremínte oguejypaite jey la mokõi palóma présio, 100 vése voi varatove.

Jahechaháicha, umi komersiánte itaryrýi ha ojaprovecha iklientekuérare. Ndareíri Jesús ohenói chupekuéra “mondaha”.