Mokõi kristiáno ndahaʼéiva peteĩ matrimónio ohasáramo peteĩ pyhare el mísmo ógape natekotevẽiramo jepe ojapo upéva, ¿heʼisépa opeka hague hikuái ha oñeforma vaʼerãha peteĩ komite hudisiál? *

Ndaikatúiramo ojehechauka upe persóna tekotevẽ hague opyta upe pyhare, oñeforma vaʼerã peteĩ komite hudisiál. ¿Mbaʼérepa? Pórke oĩ heta mbaʼe oindikáva hekovai hague hikuái (1 Cor. 6:18).

Pe kuérpo de ansiáno oanalisa porã vaʼerã káda situasión ohecha hag̃ua tekotevẽpa oñeforma peteĩ komite hudisiál. Upearã ikatu oipytyvõ koʼã pregúnta: ¿Oñandúpa álgo ojuehe ha ohasa jepi voípa tiémpo oñondive? ¿Oñeakonsehámapa anteve chupekuéra ojotrata lájare? ¿Mbaʼérepa oĩ hikuái oñondive el mísmo ógape tóda la nóche? ¿Oplanea voípa hikuái ojapo upéva? ¿Oikópa raʼe peteĩ mbaʼe ohaʼarõʼỹva térã peteĩ emerhénsia ndaikatúiva orremedia hikuái, ajeve opyta mokõive haʼeño upe ógape peteĩ pyhare? (Ecl. 9:11). ¿Moõpa oke raʼe hikuái? Káda situasión ningo idiferénte, upévare umi ansiáno oanalisa porã vaʼerã káda káso.

Pe kuérpo de ansiáno ohesaʼỹijo porã rire entéro informasión orekóva, upépe ae odesidíta oformátapa hikuái peteĩ komite hudisiál.

^ párr. 2 Ko informasión oñeʼẽ avei peteĩ ermána ohasávare peteĩ pyhare ótro kuñándi, térã peteĩ ermáno ohasávare peteĩ pyhare ótro kuimbaʼéndi natekotevẽiramo jepe ojapo upéva ha pe ótra persóna haʼérõ omosexuál.