Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha (ojestudiáva)  |  Julio de 2017

Alisa

Kyreʼỹme oñekuaveʼẽ hikuái oservi hag̃ua Turquíape

Kyreʼỹme oñekuaveʼẽ hikuái oservi hag̃ua Turquíape

UMI kristiáno síglo primeropegua oñehaʼãmbaite vaʼekue opredika umi “marandu porã oñeʼẽva Ñandejára Rréinore” opa ikatúvape (Mat. 24:14). Oĩ voi ijapytepekuéra oviaháva ótro tetãme ojapo hag̃ua upéva. Por ehémplo, apóstol Pablo oviaha vaʼekue peteĩ lugár koʼág̃a héravape Turquía, ha upépe heta opredika oservi aja kómo misionéro. * Áño 2014-pe, 2.000 áñorupi upe rire, ojejapo Turquíape peteĩ kampáña espesiál de predikasión. ¿Máva mávapa opartisipa, ha mbaʼérepa?

“¿MBAʼÉIKOLA OIKÓVA?”

Turquíape oĩ mas de 2.800 puvlikadór, péro pe tetãme oiko 79 millones de persóna. Upéva heʼise káda puvlikadór opredika vaʼerãha 28.000 persónape. Jahechaháicha, umi testígo de Jehová koʼag̃aite peve saʼietereípe opredika upe lugárpe. Ko kampáña ningo ndaipukúi kuri, péro ojejapose ikatúva guive ojepredika hag̃ua hetave persónape. Ko predikasión espesiálpe g̃uarã ou Turquíape 550 ermánorupi de diferénte país oñeʼẽva idióma turco, ikatu hag̃uáicha opredika umi ermáno upepeguándi. ¿Mbaʼépa ojehupyty?

Ojepredika heta persónape. Peteĩ kongregasión oĩva Estambúlpe oskrivi: “Umi persóna ohecha umi testígo de Jehová oĩha opárupi, upévare oporandu oréve oikótapa peteĩ asambléa espesiál”. Peteĩ kongregasión oĩva siuda de Izmírpe oskrivi: “Peteĩ taxísta oñemboja peteĩ ansiáno rendápe ha oporandu chupe: ‘¿Mbaʼéiko la oikóva?’ ¿Koʼág̃a piko pendetravahove mbaʼe?’”. Añetehápe, heta persónape osorprende ko predikasión espesiál.

Steffen

Umi ermáno oúva ótro tetãgui odisfruta pe predikasión. Steffen, Dinamarcagua, heʼi: “Añetehápe añandu aikuaauka hague Jehová réra, pórke káda día apredika heta persónape núnka nohendúiva Jehovágui”. Peteĩ ermáno Franciagua hérava Jean-David oskrivi: “Peteĩ kállepente voi ropredika heta órare. ¡Igustoiterei ningo! La majoría umi hénte ndoikuaái Testigokuérape. Haimete káda ógape roñemongeta umi héntendi, rohechauka peteĩ vidéo ha roheja puvlikasión”.

Jean-David (mbytepegua)

Umi 550 ermáno 2 semánapente okoloka 60.000 puvlikasiónrupi. Jahechaháicha, ko predikasión  espesiál rupive oñemog̃uahẽ pe marandu porã hetaiterei persónape.

Ikyreʼỹve hikuái. Opa rire ko kampáña espesiál umi ermáno Turquiagua opyta ikyreʼỹve. Heta oĩ oserviséva de tiémpo kompléto. Un áño opa rire pe predikasión espesiál, hetavéma umi prekursór rregulár Turquíape, 24 por siénto voi.

Şirin

Umi ermáno oho jey rire hetãme omombeʼu mbaʼéichapa oipytyvõ chupekuéra pe kampáña espesiál ikatupyryve hag̃ua predikasiónpe. Peteĩ ermána Alemaniagua hérava Şirin oskrivi: “Umi ermáno Turquiagua ivale voi opredika hag̃ua umi héntepe oimehápe. Che katu cheotĩeterei ha ijetuʼu chéve ajapo hag̃ua upéva. Péro tuicha chepytyvõ pe kampáña espesiál, umi ermáno Turquiagua ha pe orasión. Avyʼa pórke apredika ha aheja tratádo umi héntepe trénpe. Koʼág̃a nacheotĩvéima yma guaréicha”.

Johannes

Johannes, peteĩ ermáno Alemaniagua, heʼi: “Aaprende unas kuánta kósa ajaposéva apredika jave. Umi ermáno Turquiagua oñehaʼãmbaite opredika opa ikatúvape, ha oaprovecha káda oportunida oñepresentáva. Che katu añehaʼãmbaite avei ajapo upéva aju jey rire Alemániape. Añetehápe koʼág̃a apredika hetave héntepe ymave guarégui”.

Zeynep

Peteĩ ermána Franciagua hérava Zeynep heʼi: “Ko kampáña espesiál tuichaiterei chepytyvõ amehorave hag̃ua pe predikasiónpe. Por ehémplo, chepytyvõ ikatu hag̃uáicha chepyʼaguasuve ha ajeroviave Jehováre”.

Claire (mbytepegua)

Umi ermáno iñunidove. Umi ermáno opartisipáva ko kampáña espesiálpe iñunidoiterei ha ojoayhu, ha upéva opokoiterei hesekuéra. Por ehémplo, Jean-David ñañeʼẽma hague ajeʼi, heʼi: “Rohecha mbaʼéichapa umi ermáno orerresivi porã”. Upéi heʼi avei: “Oretrata hikuái iñamigokuéra ha ihentekuéraicha. Hiʼarive oreguereko hógape. Che aikuaa enterovéva ñande oñoermanoha, pórke heta vése alee upéva ñane puvlikasionkuérape. Péro ko vuéltape ahechakuaa siertoiteha upéva. Avyʼaiterei haʼe haguére Jehová siérvo, ha aagradese chupe ko priviléhio tuichaitévare”.

 Peteĩ ermána Franciagua hérava Claire heʼi: “Enterovéva ore roñandu haʼeha peteĩ famíliante, rojúramo jepe Alemania, Dinamarca, Francia térã haʼéramo jepe Turquiagua. Haʼetévaicha Ñandejára ovorráva umi frontéra peteĩ vorradór tuichávape”.

Stéphanie (mbytepegua)

Stéphanie, haʼéva Franciagua, heʼi: “Ko predikasión espesiál rupive rohechakuaa entéronte rohayhuetereiha Jehovápe, ha upéva hína la añetehápe oreuníva. Ndahaʼéi voi ore kultúra ni pe idióma roñeʼẽva”.

¿MBAʼÉPA OJEHUPYTY UMI LUGÁR OĨHÁME NESESIDA?

Heta ermáno ohóva Turquíape opredika hag̃ua, oñepyrũ okalkula ikatúnepa ova hikuái upe tetãme. Haʼekuéra ningo ohechakuaa hetaitiha la tembiapo tekotevẽva ojejapo. Koʼág̃a oĩma heta ermáno ovámava, ha oñemombaʼeterei pe esfuérso ojapóva hikuái.

Por ehémplo, peteĩ grupoʼípe oĩháme 25 puvlikadór, heta áñore oservi peteĩ ansiánonte. Péro 2015-pe, 6 ermáno ova Alemania ha Paises Bájosgui oipytyvõ hag̃ua chupekuéra. ¡Oiménengo ovyʼaite raʼe umi puvlikadór upepegua!

OSERVI HIKUÁI OÑEKOTEVẼVEHÁPE

¿Mbaʼéichapa oñeñandu umi ermáno oservímava Turquíape peteĩ tiémpore? Jaikuaaháicha, haʼekuéra ohasa avei umi mbaʼe ijetuʼúva, péro ohupyty hetave mbaʼe porã. Jahechamína mbaʼépa heʼi hikuái.

Federico

Peteĩ ermáno omendáva orekóva 41 áño, hérava Federico ova Espáñagui. Haʼe heʼi: “Añehaʼã areko umi mbaʼe aikotevẽmívante, upéicha rupi mbaʼeve nacheñapytĩri ha ikatu añekonsentra pe iñimportantevévare”. ¿Mbaʼépa heʼi Federico peichagua servísiore? Haʼe heʼi: “Che arrekomenda umi ikatúvape, ojapo hag̃ua avei upéva. Reho jave reiko ótro tetãme ikatu hag̃uáicha reipytyvõ umi héntepe oikuaa hag̃ua Ñandejárape, reñemoĩ hína Jehová pópe. Péicha rehechakuaa mbaʼeichaitépa haʼe oñangareko nderehe”.

Rudy

Rudy ningo peteĩ ermáno omendáva Paises Bajosgua, orekóva 57 áño. Haʼe heʼi: “Roñeñandu porãiterei roservi haguére oĩvehápe nesesida, ha  ropredika rupi heta persóna núnka nohendúivape umi marandu porã. Añetehápe orepyʼarory rohechávo mbaʼéichapa umi hénte vyʼápe oasepta umi marandu porã”.

Sascha

Peteĩ ermáno omendáva Alemaniagua orekóva 42 áño, hérava Sascha heʼi: “Káda ke asẽ apredika, ajuhu umi persóna arakaʼeve nohendúiva gueteri pe añetegua. Avyʼaiterei ameʼẽ haguére oportunida chupekuéra oikuaa hag̃ua Jehovápe”.

Atsuko

Peteĩ ermána omendáva Japongua orekóva 36 áño ha hérava Atsuko heʼi: “Ymave aipotáma vaʼekue ou Armagedón. Péro ava rire Turquíape, aagradese Jehovápe ipasiénsiaiti haguére. Amáske ahecha mbaʼéichapa Jehová odirihi entéro mbaʼe, añemoag̃uiseve hese”.

Alisa ningo peteĩ ermána Rusiagua orekóva 31 áño. Haʼe omombeʼu: “Péicha aservi haguére Jehovápe chepytyvõ ahechakuaa hag̃ua haʼe añetehápe ivuenoha” (Sal. 34:8). Ko ermána heʼi avei: “Jehová ndahaʼéi che Túante síno cheamigoite, ha ahasávo diferénte situasión aikuaave ahávo chupe. Añetehápe avivíma hetaiterei mbaʼe porã chembovyʼáva ha arresivi Jehovágui heta vendisión”.

“PEMAÑAMÍNA UMI KOGATÝRE”

Ko kampáña espesiál ojejapóva Turquíape oipytyvõ oñemog̃uahẽ hag̃ua pe marandu porã hetaiterei persónape. Péro heta lugárpe upe tetãme neʼĩra gueteri ojepredika. Umi ermáno ováva Turquíape, káda día otopa umi persóna arakaʼeve nohendúivare Jehovágui. ¿Ndépa reservise avei koʼãichagua lugárpe? Oiméramo upéicha, epensamína Juan 4:35 heʼívare: “Pemañamína umi kogatýre, mbaʼéichapa otyarõmbáma oñemonoʼõ hag̃ua”. ¿Ndépa ikatu hína reho reservi algúna pártepe oĩháme nesesida? Koʼã território ningo ikatu ñakompara umi kogatýre oĩmava “oñemonoʼõ hag̃ua”. Ijáramo ndéve, koʼág̃ama voi rejapo vaʼerã tekotevẽva guive rejeprepara hag̃ua. Aníkena nderesarái, repredikáramo “mombyryvehápe ko yvy tuichakuére”, rehupytýta heta mbaʼe reimoʼãʼỹva (Hech. 1:8).

^ párr. 2 Ehecha pe folléto Veamos “la buena tierra”, páhina 32 ha 33.