Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha (ojestudiáva)  |  Diciembre de 2016

 TEMBIASAKUE

“Ajapo opa mbaʼe aipytyvõ hag̃ua opaichagua tapichápe”

“Ajapo opa mbaʼe aipytyvõ hag̃ua opaichagua tapichápe”

“Rejevautisárõ rohejáta”. Péicha che túa heʼi che sýpe áño 1941-pe. Upéicharõ jepe che sy ojevautisa, ha che túa katu okumpli la heʼíva ha oho ógagui. Upérõ guare che areko 8 áñonte.

UPE mboyve chéve cheinteresáma voi umi mbaʼe oĩva la Bíbliape. Mama siémpre oreko jepi umi puvlikasión bíblica, ha chéve chegustaiterei umi taʼanga osẽva pype. Papa ndoipotaieterei vaʼekue mama chemboʼe la oaprendéva ohóvo. Péro che lomímonte chekurióso ha aporandúmi chupe heta mbaʼe. Upévare, mama ostudia jepi chendive papa ndaipóri jave. Upéi che avei ajevautisa áño 1943-pe, Bláckpoolpe, Inglaterra, arekórõ guare 10 áño.

AÑEPYRŨ ASERVI JEHOVÁPE

Katuetei rosẽ jepi ropredika che sýndi. Upe tiémpope roipuru pe gramófono romog̃uahẽ hag̃ua pe mensáhe umi héntepe. Pe mákina tuicha lénto ha ipohýi haimete 5 kílo voi. Che katu chemichĩ gueteri ha ijetuʼu chéve araha hag̃ua.

Upérõ nambotýiti 15 áño ha ajaposéma che prekursorádo. Mama heʼi añeʼẽ raẽ vaʼerãha pe superintendénte de sirkuítondi, upe tiémpope oñehenóiva siérvo ermanokuérape g̃uarã. Ko ermáno orrekomenda chéve aaprende raẽ hag̃ua peteĩ ofísio, ikatu hag̃uáicha añemantene aservi aja de prekursór. Ha upéva ajapo. Upéi, ambaʼapo rire 2 áñore, añeʼẽ jey ótro superintendéntendi, ha haʼe heʼi chéve: “Eñepyrũntema vaʼerã”.

 Áño 1949-pe, romeʼẽmba umi muévle roguerekóva, roheja pe óga roalkiláva ha rova mamándi Míddletonpe, hiʼag̃uíva Mánchestergui. Upépe roñepyrũ roservi kómo prekursór. Upéi, 4 mése rire, ajuhu peteĩ ermáno chemoirũ vaʼerã prekursorádope. Pe sukursál ojerure oréve roipytyvõ hag̃ua peteĩ kongregasión oñeforma ramóvape, Írlampe. Che sy katu opyta ótro kongregasiónpe ikompañéra ndive.

Chéve ha che irũme oñemeʼẽ pe rresponsavilida rojapo hag̃ua umi rreunión. Upérõ ningo areko 17 áñonte, péro pe kongregasiónpe ndaiporiguasúi ermáno ikatu vaʼerãme oñemeʼẽ pe priviléhio. Un tiémpo rire, ojejerure chéve ava hag̃ua Búxtonpe. Upe kongregasiónpe mbovýiti kuri umi puvlikadór, ha oikotevẽ oñepytyvõ chupekuéra. Ahechakuaa koʼã tembiapo cheprepara hague akumpli porã hag̃ua umi ótra asignasión arresivi vaʼekue upe rire.

Roanunsiárõ guare peteĩ diskúrso púvliko Róchesterpe (Nueva York, 1953)

Áño 1951-pe, ajerure aha hag̃ua pe Escuela Bíblica de Galaad de la Watchtówerpe. Péro diciembre de 1952-pe, añehenói ajapo hag̃ua pe servísio militár. Ajapo ikatúva guive pe goviérno cheexonera hag̃ua upe servísiogui, péro pe trivunál norrekonoséi ambaʼapoha kómo minístro rrelihióso. Upéicha rupi, chekondena hikuái ha aha kárselpe 6 mése. Aime aja kárselpe, arresivi pe invitasión aasisti hag̃ua pe kláse  número 22 de Galaádpe. Upévare, opoimírente chehegui hikuái, aviaháma Nueva Yórkpe mes de julio de 1953-pe, peteĩ várko oñembohéravape “Georgic”.

Ag̃uahére Nueva Yórkpe, aha pe asambléa oñembohéravape “Sociedad del Nuevo Mundo”. Upe rire, aviaha trénpe South Lansing peve, Nueva York. Upépe ojejapo vaʼekue pe Escuela de Galaad. Aguejy rire pe tréngui, tekotevẽiti aha kolektívope ag̃uahẽ hag̃ua South Lánsingpe. Péro che ningo asẽ ramónte kuri kárselgui ha chesogue veráma. Upévare, ajerurémante ótro pasahérope omeʼẽ hag̃ua chéve 25 sentávo apaga hag̃ua che pasáhe.

AÑEASIGNA ASERVI HAG̃UA ÓTRO TETÃME

Pe Escuela de Galaad oreprepara rojapo hag̃ua “opa mbaʼe” roipytyvõ hag̃ua “opaichagua tapichápe” (1 Cor. 9:22). Mbohapy ore apytégui, Paul Bruun, Raymond Leach ha che, roñeasigna roservi hag̃ua Filipínaspe. Péro rohaʼarõ vaʼerã unos kuánto mése osẽ meve la ore vísa. Upéi, roviaha várkope ha rohasa Rotterdam, mar Mediterráneo, kanál de Suez, oséano Índico, Malasia ha Hong Kong rupi, 47 día voi ronavega. Hasypeve rog̃uahẽ Manílape el 19 de noviembre de 1954.

Ronavegárõ guare 47 día Raymond Leach ndive roguahẽ hag̃ua Filipínaspe

Upe tetãme tekotevẽ kuri rojeadapta pe kultúrare, umi héntere ha pe idiómare. Ñepyrũrã, mbohapyvéa roñeasigna peteĩ kongregasión oĩvape Quezón Cítype. Upépe heta persóna oñeʼẽ ingléspe, upévare 6 mésepe saʼieterei roaprende pe idióma tagalo. Péro upe rire rorresivi peteĩ asignasión orepytyvõva rosolusiona hag̃ua pe provléma.

Mayo de 1955-pe, rog̃uahẽ ógape predikasión rire Raymond ndive, ha rotopa ore kotýpe kárta káda únope g̃uarã. Roñeasigna roservi hag̃ua kómo superintendénte de sirkuíto. Upérõ areko 22 áñonte, péro ko asignasión rupive aaprende hetave fórma ikatu hag̃uáicha “ajapo opa mbaʼe aipytyvõ hag̃ua opaichagua tapichápe”.

Ajapórõ guare peteĩ diskúrso púvliko idióma becólpe peteĩ asambléa de sirkuítope

Por ehémplo, pe primér diskúrso púvliko arekóva kómo superintendénte de sirkuíto, ajapo kuri peteĩ komérsio renondépe. Ensegída añemeʼẽ enkuénta Filipínaspe ojepokuaaha hikuái ojapo umi diskúrso púvliko umi lugár púvlikope voi. A medída avisita umi kongregasión pe sirkuítope, ajapo la che diskúrso plasahárupi, merkádope, munisipalida renondépe, káncha de váskevolpe, párke ha kálle eskínare. Peteĩ jey, aĩrõ guare San Pablo Cítype, tuicha ijaguaséro ha ndaikatúi ajapo la che diskúrso merkádope. Upémarõ asuheri umi ermáno oñenkargávape roho hag̃ua Salón del Réinope. Péro haʼekuéra oporandu chéve ikatúpa oñehenói rreunión púvlika ndojejapóirõ jepe peteĩ lugár púvlikope.

Avisita jave umi kongregasión, apyta jepi ermanokuéra rógape. Oikóramo jepe hikuái sensillomínte, hogakuéra siémpre ipotĩ. Oñemoĩ jepi chéve ake hag̃ua peteĩ piri ojepysóva píso de madéra ári. Umi váño ndahaʼéi la iserradopáva, upévare aaprende vaʼekue ajahu allamaʼỹre la atensión, ajapóramo jepe upéva pe óga okárape. Aviaha vaʼekue mikroʼi ha kolektívope, ha sapyʼánte aha várkope umi ótro íslape. Arakaʼeve ndachekóchei vaʼekue aservi aja ãichagua priviléhiope.

Ndajapóiramo jepe peteĩ kúrso aaprende hag̃ua pe idióma tagalo, tuicha chepytyvõ ahendu rupi mbaʼéichapa oñeʼẽ umi ermáno predikasiónpe ha rreunionhápe. Haʼekuéra ningo chemboʼeseterei voi, ha aagradese ipasiénsia haguére ha heʼi rupi chéve hikuái mbaʼépepa amehorave vaʼerã añeʼẽ porãve hag̃ua.

 Upéi, umi asignasión pyahu chepytyvõ asegi hag̃ua ajeadapta. Áño 1956-pe, ermáno Nathan Knorr ovisita Filipinas ha ojejapo peteĩ asambléa nasionál. Upérõ cheasigna hikuái añeʼẽ hag̃ua umi médio de komunikasión ndive. Che ningo ndacheexperiénsiai umívape, péro umi ermáno kyreʼỹme chepytyvõ. Un áño mboyvemi, oñeorganisa jey ótra asambléa nasionál, ha ko vuéltape ou séde mundiálgui ermáno Frederick Franz. Upérõ guare aservi kómo superintendénte de asambléa, ha ermáno Franz chemboʼe iñehémplo rupive mbaʼéichapa iñimportánte jajeadapta umi héntere. Umi ermáno ningo ovyʼaiterei ohechávo ermáno Franz oipuru hague pe tráhe típiko de Filipinas, barong Tagalog ojapo hag̃ua pe diskúrso púvliko.

Upéi, añenombrárõ guare kómo superintendénte de distríto ahechakuaa ajeadaptáiti vaʼerãha ahávo. Upe tiémpope rohechauka vaʼekue umi héntepe pe pelíkula La felicidad de la Sociedad del Nuevo Mundo, ha pyʼỹinte rojapo upéva hetahápe umi persóna ha al áire lívre. Sapyʼánte umi vícho oremolesta ojapágui pe projektór rehe, ha upéi hasyeterei oñemopotĩ hag̃ua. Añetehápe ijetuʼu vaʼekue ojeprepara umichagua aty, péro orepyʼarory pórke umi hénte orresponde porã. Haʼekuéra ohechakuaa Jehová organisasión oĩha peteĩ ñeʼẽme opárupi.

 Umi paʼi ojopými vaʼekue umi autoridápe ani hag̃ua omeʼẽ oréve permíso rojapóta jave asambléa. Sapyʼánte, oiko jave diskúrso umi iglésia ypýrupi, ombopu hikuái umi kampána oremolesta hag̃ua. Upéicharõ jepe rosegi ropredika, ha heta persónagui oiko testígo de Jehová.

ASIGNASIÓN PYAHU HA HETAVE KÁMBIO

Áño 1959-pe arresivi peteĩ kárta heʼihápe aĩha invitádo aservi hag̃ua sukursálpe. Pe asignasión chepytyvõ aaprende hag̃ua hetave mbaʼe. Un tiémpo rire ojejerure chéve ajapo hag̃ua visíta de sóna ambue tetãre. Ajapóvo koʼã viáhe aikuaa Janet Dumóndpe, oservíva kómo misionéra Tailándiape. Rosegi roñekomunika por kárta, ha tiémpo rire romenda. Koʼág̃a ojapóma 51 áño roservi hague vyʼápe Jehovápe.

Janet ndive peteĩva umi íslape oĩva Filipínaspe

Amombaʼeterei ikatu haguére avisita Jehová siervokuérape 33 tetãme. Umi asignasión arresivi vaʼekue upe mboyve, cheprepara ikatu hag̃uáicha ajeadapta umi persóna ótro tetãyguáre. Umi visíta ajapo vaʼekue cheresapeʼa heta mbaʼépe, ha ohechauka chéve Jehová ohayhuetereiha opaichagua tapichápe (Hech. 10:34,35).

Roñehaʼã rosẽ meme ropredika

HETAVE KÁMBIO

Avyʼaiterei ningo ikatu haguére aservi Filipínaspe. Koʼág̃a hetave puvlikadórma oĩ, 10 vése voi hetave yma aju ypýrõ guarégui. Janet ha che katu rosegi rombaʼapo sukursálpe, Quezón Cítype. Ha aimémarõ jepe che asignasiónpe mas de 60 áño, ahechakuaa ajeadaptáiti vaʼerãha heta mbaʼe Jehová ojerurévape. Umi kámbio oiko ramóva ñande organisasiónpe ohechauka porã tekotevẽha jajeadapta a medída jaservi Jehovápe ha ñane ermanokuérape.

Pe auménto oĩva orembovyʼaiterei

Roñehaʼãmbaite roasepta umi mbaʼe rohechakuaáva haʼeha Jehová rembipota, ha rovyʼaiterei upe haguére. Avei, roprokurapaite rokambia tekotevẽhápe, ikatu hag̃uáicha roservi porãve ore ermanokuérape. Rojedesidi rojapo Jehová oipotáva, pórke rojapose opa mbaʼe roipytyvõ hag̃ua opaichagua tapichápe.

Koʼag̃aite peve roservi gueteri pe sukursálpe, Quezón Cítype