Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha (ojestudiáva)  |  Agosto de 2016

Johannes Rauthe oĩ peteĩ grúpo de predikasiónpe, posívlemente áño 1920 rire

 MANDUʼARÃ

“Aheka hína umi ombotuichátava Jehovápe”

“Aheka hína umi ombotuichátava Jehovápe”

“ENTÉRO umi gérra yma guare ndahaʼéi mbaʼeve ñakomparáramo ko gérra ojagarrapava ohóvo Europa”. Péicha heʼi vaʼekue rrevísta The Watch Tower (La Torre del Vigía) del 1 de septiembre de 1915, oñeʼẽvo pe primera gérra mundiál rehe, opartisipa haguépe 30 paísrupi. Upérõ ojehasa heta mbaʼe ijetuʼuetereíva, upévare pe rrevísta heʼi kuri: “Oĩ ningo heta mbaʼe ndaikatúiva ojejapo pe Rréino rehehápe, koʼytevéntema Alemania ha Fránciape”.

Oikórõ guare ko gérra guasu oafektáva ko múndo tuichakue, umi Estudiánte de la Biblia nontendeporãi vaʼekue ndohói vaʼerãha gerrahápe. Upéicharõ jepe, haʼekuéra oĩ desidído opredikataha umi marandu porã. Ermáno Wilhelm Hildebrandt opredikaseterei voi, upémarõ okonsegi heta tratádo hérava The Bible Students Monthly (Mensuario de los Estudiantes de la Biblia), idióma francéspe. Ko ermáno oho Fránciape, ndahaʼéi oservi hag̃ua kómo kolportór (prekursór), síno kómo soldádo alemán. Haʼe ningo peteĩ enemígo guaʼu oñemondéva de militár, péro añetehápe omeʼẽ peteĩ mensáhe ombopyʼaguapýva umi héntepe, ha upéva osorprendeterei chupekuéra.

La Ataláyape osẽ kuri unas kuánta kárta oskrivi vaʼekue umi ermáno. Umívape ohechauka heta Estudiánte de la Biblia Alemaniagua omombeʼu hague umi marandu porã oservi aja pe fuérsa armádape. Ermáno Lemke haʼe vaʼekue peteĩ soldádo oservíva pe marínape. Haʼe omombeʼu oĩ hague 5 ikompañéro oñeinteresáva pe añeteguáre. Ko ermáno oskrivi: “Aiméramo jepe ko várkope, aheka hína umi ombotuichátava Jehovápe”.

Georg Kayser oho vaʼekue pe gerrahápe kómo soldádo, péro upéi oiko chugui Ñandejára siérvo. ¿Mbaʼéichapa oiko raʼe upéva? Oĩ aja pe gerrahápe okonsegi peteĩ puvlikasión ojapóva umi Estudiánte de la Biblia, oasepta pe añetegua ipyʼaite guive, ha odesidi noñorairõmoʼãveimaha. Upéi osegi oservi kómo soldádo, péro ndoipuruvéima árma. Ha opa rire pe gérra, ojapo iprekursorádo heta áñore.

Umi Estudiánte de la Biblia nontendeporãi vaʼekue ndohói vaʼerãha gerrahápe. Upéicharõ jepe, idiferénte hikuái umi ótra persónagui, pórke haʼekuéra ndofavoreséi pe gérra. Por ehémplo, umi polítiko ha líder rrelihióso ifanatikoiterei ipaísre, péro umi Estudiánte  de la Biblia oñemoĩ pe “Prínsipe oguerúva pyʼaguapy” favórpe (Is. 9:6, TNM). Añetehápe ningo naenterói ojedesidi ndopartisipamoʼãiha umi gérrape. Upéicharõ jepe, opavavénte opensa ermáno Konrad Mörtter opensa haguéicha. Ko ermáno heʼi vaʼekue: “Astudia rire la Biblia, antende porãiterei peteĩ kristiáno ndojukái vaʼerãha hapichápe” (Éx. 20:13). *

Hans Hölterhoff oikuaaukárõ guare rrevísta The Golden Age (koʼág̃a hérava ¡Despertad!)

Alemániape, pe léi ndoaseptái umi objetor de konsiénsiape. Upéicharõ jepe, mas de 20 Estudiánte de la Biblia ndoikéi pe ehérsitope. ¿Mbaʼépa ojejapo hesekuéra upe haguére? Algúnore ojeʼe hasyha iñakãme. Por ehémplo, Gustav Kújathpe ojegueraha peteĩ manikómiope, ha ndahasýiramo jepe, oñemoĩ chupe pohã imbaretéva. Ótro ermáno hérava Hans Hölterhoff oñenega oho hag̃ua gerrahápe, upévare oñemoinge chupe kárselpe. Ha oĩ rire upépe, ndojapói mbaʼeveichagua traváho oapoja hag̃ua pe gérra. Upémarõ umi guárdia omonde hese peteĩ kamísa de fuérsa, ha oreko chupe upéicha ijehyipa peve. Péro ko ermáno osegímarõ iñeʼẽrendu, oñepyrũ oñembohory hese hikuái, ha ohaʼanga guaʼu mbaʼéichapa ojejukáta chupe. Upéicharõ jepe, haʼe osegi ifiél Jehovápe.

Unos kuánto ermáno oikéva pe ehérsitope, ojerure ani hag̃ua oipuru árma, síno oñemeʼẽ hag̃ua chupekuéra ambueichagua traváho. * Upémarõ, Johannes Raúthepe oñemondo ombaʼapo hag̃ua ferrokarrílpe. Reinhold Weber katu haʼe vaʼekue enferméro, ha Konrad Mörtter ombaʼapo de kamilléro. August Krafzig ovyʼa oñemeʼẽ haguére chupe ambueichagua traváho ha noñemondói gerrahápe. Koʼã Estudiánte de la Biblia ha umi opensáva haʼekuéraicha, iñeʼẽrendu Jehovápe ha omotenonde chupe, haʼekuéra oikuaaháicha.

Umi Estudiánte de la Biblia ndopartisipái rupi pe gérrape, umi autorida oñepyrũ okontrolave chupekuéra. Upévare umi ermáno Alemaniaguápe heta vése oñeenhuisia opredika haguére. Upémarõ pe sukursál de Alemania oĩva Magdebúrgope, omoĩ peteĩ ofisína oipytyvõ hag̃ua umi ermánope.

Mbeguekatúpe, umi testígo de Jehová ontende porãvéma ohóvo mbaʼépa odesidi vaʼerã koʼã situasiónpe. Pe segunda gérra mundiál aja, umi Testigokuéra ndopartisipái pe gérrape ni ndoikéi voi pe ehérsitope. Péicha rupi pe estádo alemán oreko chupekuéra iñenemígoramo ha otrata vaieterei chupekuéra. Péro ko témare oñeñeʼẽvéta ótro artíkulope. (Manduʼarã oúva Europa Centrálgui).

^ párr. 7 Ehecha Ñemañaha 15 de mayo de 2013, páhina 31 ha 32, pe artíkulo hérava “Naikangýi hikuái og̃uahẽrõ guare pe ‘óra ohasa asy hag̃ua’”. Upépe omombeʼu mbaʼépa ojapo vaʼekue umi Estudiánte de la Biblia pe segunda gérra mundiál aja.

^ párr. 9 La Aurora del Milenio, volúmen 6-pe osẽ vaʼekue áño 1904, ha avei rrevísta Zionʼs Watch Tower (La Torre del Vigía de Sión) agosto de 1906-pe, osẽ vaʼekue alemánpe, osuheríma vaʼekue umi Estudiánte de la Bíbliape ojapo hag̃ua upéicha. Péro La Torre del Vigía de Sión osẽ vaʼekue septiembre de 1915-pe, okorrehi pe oñentende vaʼekue yma. Osuheri umi Estudiánte de la Bíbliape ani hag̃ua oike pe ehérsitope. Péro ko artíkulo noñeguenohẽi idióma alemánpe.