Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Núm. 5 2017

 KO RREVÍSTAPE OÑEANALISA | ¿OEXISTÍPA UMI ÁNHEL?

¿Ñanepytyvõpa umi ánhel?

¿Ñanepytyvõpa umi ánhel?

Peteĩ domingo kaʼaru, Kenneth ha Filomena Curazaogua, oho ovisita peteĩ matrimóniope ostudiáva jepi hendivekuéra la Biblia.

Kenneth omombeʼu: “Rog̃uahérõ guare hogapekuéra rotopa oñembotyha la hokẽ ha pe karai áuto ndaiporiha. Ndaikuaái mbaʼérepa, péro ajagarra che selulár ha ahenói hembirekópe”.

Pe kuñakarai heʼi chupe iména oĩha itravahohápe. Péro oikuaárõ guare Kenneth ha Filomena oĩha hóga renondépe, ou hendapekuéra ha omog̃uahẽ chupekuéra.

Ensegída ohechakuaa hikuái pe kuñakarai hasẽ hague hína kuri. Ha oñepyrũ mboyve ostudia hikuái, Kenneth oñemboʼe ha ko kuñakarai oñepyrũ jey hasẽ. Upémarõ Kenneth ha Filomena oporandu mbaʼépa ojehu chupe.

Pe kuñakarai omombeʼu chupekuéra orekoha depresión, ha Kenneth ohenóirõ guare chupe oskrivi hague hína kuri peteĩ nóta ojedespedi hag̃ua iménagui, pórke opensa kuri ojesuisidávo upe kaʼarúpe. Upémarõ haʼekuéra olee chupe unos kuánto téxto bíblico omokyreʼỹtava chupe. Koʼã mbaʼe osalvaite pe kuñakaraípe.

Kenneth heʼi: “Roagradese Jehovápe opermiti haguére oréve roipytyvõ ko kuñakarai ohasa asyetévape, ha ropensa voi Ñandejára oremomýi hague peteĩ ánhel térã ijespíritu sánto rupive rohenói hag̃ua chupe”. *

¿Oiménepa añetehápe Ñandejára oipuru peteĩ ánhel térã ijespíritu omomýi hag̃ua Kenneth ha Filoménape ohenói ha oipytyvõ hag̃ua pe kuñakaraípe?

Ndajaikuaáiramo jepe upévapa la oiko vaʼekue, la jaikuaáva Ñandejára ojevaleha umi ánhel rehe oipytyvõ hag̃ua umi héntepe oñemoag̃ui hag̃ua hese. Por ehémplo, la Biblia heʼi Ñandejára oipuru hague peteĩ ánhelpe ogia hag̃ua Felípepe ikatu hag̃uáicha opredika peteĩ mburuvicha Etiopiaguápe, ko kuimbaʼe ningo oikuaase vaʼekue umi mbaʼe oĩva Ñandejára Ñeʼẽme (Hechos 8:26-31).

Heta rrelihión omboʼe oĩha umi ánhel ivuénova oprotehéva umi héntepe térã ojapóva Ñandejára volunta. Algúno katu ndahaʼéi ogueroviánteva umi ánhel oexistiha, síno heʼi voi oipytyvõha chupekuéra. Ha oĩ avei ndokreéiva umi ánhel oexistiha.

Péro, ¿oexisti piko añete umi ánhel? Ha oiméramo upéicha, ¿ikatúpa jaikuaa chupekuéra? ¿Mbaʼéichapa oñepyrũ oexisti hikuái? ¿Ikatúpa ñanepytyvõ térã ñandeperhudika? Jahechamína.

^ párr. 8 La Biblia heʼi Ñandejára heraha Jehová (Salmo 83:18).