Heta ñande apytépe oĩ ohechámava oikoha inhustísia ha oĩha ombohasa asýva umi inoséntepe. ¿Opánepa algún día umi inhustísia ha umi hénte iñañáva?

Salmo 37-pe la Biblia ombohovái ñandéve ko porandu ha heʼi avei mbaʼépa tekotevẽ ñande jajapo. Emañamína mbaʼéichapa ko Salmo ombohovái koʼã porandu iñimportantetéva:

  • ¿Mbaʼépa jajapo vaʼerã oĩ jave ñandetrata vaíva? (versíkulo 1 ha 2).

  • ¿Mbaʼépa oikóta umi hénte iñañávagui? (versíkulo 10).

  • ¿Mbaʼépa ohaʼarõ umi hénte ivuénovape? (versíkulo 11 ha 29).

  • ¿Mbaʼépa jajapo vaʼerã koʼág̃ama voi? (versíkulo 34).

Umi mbaʼe Ñandejára oskrivika vaʼekue pe Salmo 37-pe ohechauka porã umi ojeroviáva Jehováre ha ojapóva haʼe heʼíva ohupytytaha hetaiterei mbaʼe porã. Upévare umi testígo de Jehová ovyʼaitereíta ikatúramo nepytyvõ restudia hag̃ua la Biblia, ha nemboʼe mbaʼépa rejapo vaʼerã ikatu hag̃uáicha nde ha ne familiakuéra pevyʼa oñondive amo gotyove.