Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Núm. 2 2017

 KO RREVÍSTAPE OÑEANALISA | ¿NDÉPA REASEPTÁTA PE RREGÁLO IJOJAHAʼỸVA?

Peteĩ rregálo ndaijojaháiva

Peteĩ rregálo ndaijojaháiva

JORDAN ningo oreko peteĩ sakapúnta ojoguáva peteĩ varkítope, ha ñamañávo hese haʼetévaicha la vyroreínteva, péro chupe g̃uarã upe sakapúnta ivaliosoiterei. Jordan omombeʼu: “Chemitãʼípe ko rregálo omeʼẽ kuri chéve Russel, peteĩ che avuélo amigoite”. Omano riréma ko karai, Jordan oikuaa Russell tuicha oipytyvõ hague ijavuélo ha ituakuérape ohasárõ guare umi situasión ijetuʼúva. Jordan heʼive: “Koʼág̃a heta mbaʼe aikuaave Rússellgui, upévare amombaʼetereive pe rregálo haʼe omeʼẽ vaʼekue chéve”.

Jordan ehémplo ohechauka porã algúnope g̃uarã ikatuha sonseraite peteĩ rregálo, péro pe orresivívape g̃uarã ikatu hína ivaliosoiterei. La Biblia ningo omombeʼu oñemeʼẽ hague yvyporakuérape peteĩ rregálo ijojahaʼỹva, heʼívo: “Ñandejára ohayhuetereígui pe múndo omeʼẽ Itaʼýra peteĩete, ani hag̃ua oñehundi opaite umi hese ojeroviáva, ohupyty hag̃ua guei jeikove opaveʼỹva” (Juan 3:16).

Ko rregálo rupive ikatu jahupyty jeikove opaveʼỹva. Epensamíntena, ¿ikatúne piko oĩ peteĩ rregálo iporãvéva upévagui? Heta oĩ nomombaʼéiva ko rregálo, péro umi kristiáno verdadérope g̃uarã ndaijojahái (Salmo 49:8; 1 Pedro 1:18, 19). Péro, ¿mbaʼérepa Ñandejára omeʼẽ raʼe Itaʼýrape omano hag̃ua ñanderehehápe?

Apóstol Pablo okontesta upéva heʼívo: “Peteĩ kuimbaʼe rupive pe pekádo oike ko múndope, ha pe ñemano oike pekádo rupive. Upéicha pe ñemano ohupyty entéro kuimbaʼépe” (Romanos 5:12). Pe primer kuimbaʼe hérava Adán, opeka Ñandejára kóntrape oikuaárõ jepe oĩ vaiha upe ojapóva, upévare Ñandejára okastiga chupe ha ou omano. Ha ikáusare pe ñemano ohupyty entéro ifamiliarépe.

 “¿Mbaʼéicha opaga ñandéve pe pekádo? Pekádo káusare ñamano. Péro Ñandejára orregala jeikove opaveʼỹva ñande Ruvicha Cristo Jesús rupive” (Romanos 6:23). Ñandejára ningo ombou Itaʼýrape ko yvy ape ári omano hag̃ua ñanderehehápe, ikatu hag̃uáicha ñandesalva pe ñemanógui. Upévare entéro ojeroviáva Jesúsre ikatúta oiko pára siémpre (Romanos 3:24).

Oñeʼẽvo umi mbaʼe porãita ojehupytýtavare Jesús rupive, apóstol Pablo heʼi: “Jaagradese Ñandejárape pe rregálo ijojahaʼỹva omeʼẽvare ñandéve” (2 Corintios 9:15). Pe sakrifísio Jesús ojapo vaʼekue ningo ivaliosoiterei, ha ndaikatúi voi ñamombeʼupa mbaʼeichaite pevépa iporã. Péro Ñandejára ningo siémprente voi omeʼẽ ñandéve heta mbaʼe, ¿mbaʼérepa upéicharõ jaʼekuaa pe sakrifísio Jesús ojapo vaʼekue ovaleveha entéro umívagui? * ¿Ha mbaʼépa jajapo vaʼerã jahechauka hag̃ua ñamombaʼeha upe rregálo? Umi artíkulo oúvape oñekontestáta koʼã porandu la Biblia rupive.

^ párr. 8 Jesús ningo añetehápe voluntáriamente ou omano ñanderehehápe. Péro Ñandejára la ojerure vaʼekue chupe ojapo hag̃ua upéva (1 Juan 3:16). Upéicha rupi koʼã artíkulope oñeanalisáta Ñandejára haʼe hague upe omeʼẽva ñandéve pe rregálo porãite.