Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Vyʼápe japurahéi Jehovápe

 PURAHÉI 75

¡Koʼápe aime, aháta che!

Eiporavo peteĩ gravasión
¡Koʼápe aime, aháta che!
EHECHA
Téxto
Imagen

(Isaías 6:8)

  1. 1. Jehováre oñembohory

    entéro umi hénte aña,

    heʼi ipyʼahatãha

    o ndoexistiriha voi.

    “¿Ha máva ikatúne oho

    che réra odefendemi?”.

    (KÓRO 1)

    “¡Koʼápe aime, aháta che

    upe nde réra adefende!

    Tuicha ko priviléhio che Ru.

    ¡Ápe aime, aháta che!”.

  2. 2. Heta heʼi Jehová rehe

    iñañaha ha imbegueha.

    Omombaʼe umi dios guaʼu,

    omombaʼe rangue chupe.

    “¿Ha mávapa oñanima

    koʼãvape opredika?”.

     (KÓRO 2)

    “¡Koʼápe aime, aháta che

    kyhyjeʼỹme apredika!

    Tuicha ko priviléhio che Ru.

    ¡Ápe aime, aháta che!”.

  3. 3. Heta persóna osufri,

    oiko asy ha oñembyasy,

    pe añetegua oikotevẽ

    ipyʼaguapymi hag̃ua.

    “¿Ha máva okonsolase

    ha umichaguápe omboʼe?”.

    (KÓRO 3)

    “¡Koʼápe aime, aháta che

    vyʼápe amboʼe chupe!

    Tuicha ko priviléhio che Ru.

    ¡Ápe aime, aháta che!”.

(Ehecha avei Sal. 10:4; Ezeq. 9:4).