Ehecha oĩva pype

Ehecha menú secundario

Testígo de Jehová

guarani

¿Mbaʼépa nde repensa la Bíbliare?

¿Mbaʼépa nde repensa la Bíbliare?

¿Ndépa ere haʼeha...

  • yvypóra rembiapokuénte?

  • peteĩ lívro omombeʼúva kuénto ha istória reínte?

  • Ñandejára Ñeʼẽ?

 MBAʼÉPA HEʼI LA BIBLIA

“Opa mbaʼe oĩva Ñandejára Ñeʼẽme ojehai [Ñandejára espíritu] rupive.”(2 Timoteo 3:16, Ñandejára Ñeʼẽ Traducción del Nuevo Mundo.)

MBAʼÉICHAPA UPÉVA NEPYTYVÕ

La Biblia ikatu:

Ombohovái umi porandu ndepyʼapyvéva (Proverbios 2:1-5).

Omeʼẽ konsého redesidi porã hag̃ua (Salmo 119:105).

Omeʼẽ esperánsa koʼẽrõite reiko porãvetaha (Romanos 15:4).

 ¿IKATÚPA JAGUEROVIA LA BIBLIA HEʼÍVA?

Si, koʼã mbohapy mbaʼére:

  • Ndojoavýi mbaʼevetépe. La Biblia ohai 40 kuimbaʼérupi 1.600 áño aja. Koʼãva apytépe oĩ heta ni ndojokuaái vaʼekue, upéicharamo jepe oñepyrũ guive opa peve ni michĩmi ndojoavýi haʼekuéra heʼíva.

  • Omombeʼu opa mbaʼe oiko hagueichaite. Heta istoriadór oñehaʼãmbaite omokañy umi mbaʼe vai ojapóva hetãyguakuéra. Péro umi ohaíva la Biblia omombeʼu porã mbaʼépepa ojavy haʼekuéra ha umi hetãygua (Hechos 7:51, 52; 1 Timoteo 1:13).

  • Umi profesía katuete oñekumpli. La Biblia heʼíma vaʼekue pe Mesías onasetaha Belénpe 700 áñorupi oiko mboyve upéva. Belén haʼe vaʼekue peteĩ puevloʼi oĩva Judápe (Miqueas 5:2). Ha Jesús onase upépe, pe profesía heʼihaichaite (Mateo 2:1-6).

    Oĩ hetave profesía oñekumpli vaʼekue hekoitépe, tahaʼe umi detalleʼípe jepe. Ha añetehápe, upéicha vaʼerã peteĩ lívro oúva Ñandejáragui (2 Pedro 1:21).

 MBAʼÉPA NDE REPENSA

¿Mbaʼéichapa Ñandejára Ñeʼẽ nepytyvõta reiko porãve hag̃ua?

La Biblia ombohovái ko porandu ISAÍAS 48:17, 18 ha 2 TIMOTEO 3:16, 17-pe.