Ehecha oĩva pype

Ehecha menú secundario

Ehecha oĩva pype

Testígo de Jehová

guarani

10 pregúnta ojapóva mitãrusu ha mitãkuñanguéra

 PREGÚNTA 10

¿Ikatúne piko ideprovécho chéve la Biblia?

¿Ikatúne piko ideprovécho chéve la Biblia?

MBAʼÉREPA IÑIMPORTÁNTE REIKUAA UPÉVA

La Biblia ojehai vaʼekue Ñandejára espíritu sánto rupive, upéicharõ haʼe hína Ñandejára Ñeʼẽ (2 Timoteo 3:16). Upépe retopáta umi konsého iporãvéva ndéve g̃uarã.

¿MBAʼÉPA NDE REJAPÓNE?

Epensamína ko situasiónre: David omaneha ohóvo peteĩ sóna ndoikuaaihápe. Oñatende umi kálle rérare ha omaña umi óga oĩvare upérupi ha opilla okañyetemaha. Ojavy raʼe la hape.

¿Mbaʼépa nde rejapóne reiméramo David lugárpe?

EPENSAMÍNA KO MBAʼÉRE

Ereko tres opsión:

  1. Eporandu peteĩ oikuaávape mbaʼéichapa ikatu reg̃uahẽ pe rehosehápe.

  2. Eipuru peteĩ mápa térã peteĩ GPS.

  3. Esegínte la nde rape retopa peve peteĩ lugár ikonosídova.

Rehechaháicha, pe opsión C ndoikoiete.

Pe opsión B katu nepytyvõ porãvéta pe primera opsióngui, pórke ikatúta reipuru tódo el tiémpo peteĩ mápa térã peteĩ GPS ndegia hag̃ua pe tapére.

La Biblia avei ikatu nepytyvõ upéicha.

La Biblia haʼe pe lívro ikonosidovéva ha ikatu nepytyvõ koʼã mbaʼépe:

  • Reguereko jave provléma.

  • Nde voi rejekuaa porãve hag̃ua ha oiko hag̃ua ndehegui peteĩ persóna de vién.

  • Revyʼave hag̃ua.

¿MOÕPA IKATU JATOPA UMI RRESPUÉSTA JAHEKÁVA?

Ñañepyrũ guive ñañeʼẽ ningo ñaporandúma heta mbaʼe, por ehémplo:

  • ¿Mbaʼérepa hovy pe yvága?

  • ¿Mbaʼéguipa ojejapo umi estrélla?

Upéi ñañepyrũma ñaporandu heta mbaʼe iñimportantevéva, por ehémplo:

La Biblia okontesta koʼã pregúnta.

Oĩ ningo heta heʼíva umi mbaʼe oĩva la Bíbliape haʼeha kuénto reínte, ha oĩ avei heʼíva la Biblia haʼeha peteĩ lívro itujaitereímava, hasyetereiha ñantende hag̃ua ha ndaideprovechoveimaha ko tiémpope. Péro ¿siértopa umi mbaʼe ojeʼéva? ¿Noiméipa ndoikuaaporãiguinte heʼi hikuái upéva?

Por ehémplo, la hénte opensa la Biblia omboʼeha Ñandejára ogovernaha ko múndo. Péro jaikuaaháicha, ko múndo káda día ivai vaive ohóvo, opárupi jahecha hénte osufríva, hasýva ha omanóva, avei oĩ hetaiterei povrésa ha oiko heta yvyryrýi ha ama guasu. Rehechávo umi mbaʼe oikóva, ¿ndépa ere Ñandejára ogovernaha ko múndo?

¿Reikuaasépa mávapa añetehápe ogoverna ko múndo? La Biblia okontesta ko pregúnta.

Oiméne rehechakuaáma raʼe umi konsého oĩva ko follétope oñeguenohẽha la Bíbliagui. Ore testígo de Jehová roguerovia umi mbaʼe oĩva la Bíbliape ideprovechoha “ñaporomboʼe, ñañemoñeʼẽ, japorokorrehi, ha ñaporohekomboʼe hag̃ua hekoitépe” (2 Timoteo 3:16, 17). Añetehápe ningo la Biblia ymaitereíma ojeskrivi hague, péro umi mbaʼe heʼíva ideprovécho ñandéve koʼag̃aite peve. Upévare, aníkena reheja mbaʼeve ndejoko resegi hag̃ua reaprende la Biblia omboʼéva.