Ehecha oĩva pype

Ehecha menú secundario

Ehecha oĩva pype

Testígo de Jehová

guarani

10 pregúnta ojapóva mitãrusu ha mitãkuñanguéra

 PREGÚNTA 7

¿Mbaʼépa ikatu ajapo oĩramo chemboligáva añeno hag̃ua hendive?

¿Mbaʼépa ikatu ajapo oĩramo chemboligáva añeno hag̃ua hendive?

MBAʼÉREPA IÑIMPORTÁNTE REIKUAA UPÉVA

Umi mbaʼe rejapóva koʼág̃a katuete orekóta konsekuénsia amo gotyove.

¿MBAʼÉPA NDE REJAPÓNE?

Epensamína ko situasiónre: Ojapo dos mése ramo Laura ha Miguel oñemoĩ hague de nóvio, péro Láurape g̃uarã haʼete voi ymaiterei guivéma ojokuaáva hikuái. Haʼekuéra tódo el día voi omensahea ojupe ha oñeʼẽ teléfonope. Peteĩva heʼipa mboyve peteĩ mbaʼe, pe ótro ja oikuaáma mbaʼépa la heʼítava.

Haʼekuéra ningo ojojagarra jepi ojopógui ha oñohetũ mimíma avei. Péro koʼág̃a Miguel ojeruréma Láurape ótra kósa. Haʼe ndojaposéi la Miguel ojeruréva chupe, péro ndoipotái avei ipochy hendive ha oheja chupe. Miguel ningo siémpre omoñeñandu porã Láurape ha heʼi chupe iporãha. Upévare Laura heʼi ipyʼapýpe: “¡Mbaʼe piko la roñenóramo oñondive, si totálko ore rojoayhu!”.

Oiméramo nde reguerekóma eda reñemoĩ hag̃ua de nóvio, ¿mbaʼépa rejapóta reiméramo Laura lugárpe?

EPENSAMÍNA KO MBAʼÉRE

Pe rrelasión sexuál haʼe hína peteĩ rregálo Ñandejára omeʼẽva umi omendávape g̃uarãnte. Ha reguerekóramo rrelasión sexuál remenda mboyve, rehechaukáta neremombaʼeiha upe rregálo. Haʼetéta peteĩ ne amígo orregaláva ndéve peteĩ ao iporãitereíva ha nde rejagarra reipuru peteĩ trápoicha remopotĩ hag̃ua álgo.

Ñamoĩ chupe rejupiha peteĩ yvyramáta ruʼãme ha upéi rejepoi upégui reveve hag̃ua peteĩ guyráicha. ¿Mbaʼépa oikóta nderehe? Katuete reñelastimáta. Upéicha avei nderesegíriramo umi mandáto omeʼẽva ñandéve Ñandejára, upéi katuete resufríta umi konsekuénsia. Por ehémplo, haʼe heʼi ndovaleiha ñanderekovai térã jareko rrelasión sexuál ñamenda mboyve (1 Tesalonicenses 4:3).

¿Mbaʼépa oikóta ñanderehe ndajarrespetáiramo Ñandejára heʼíva? La Biblia heʼi: “Pe hekovaíva, hetére voi ojapo ivaíva” (1 Corintios 6:18).

 Umi enkuésta ojejapóva ohechauka mbaʼéichapa oñeñandu heta mitãrusu ha mitãkuña oreko vaʼekue rrelasión sexuál omenda mboyve:

  • OMBYASY LA OJAPO VAʼEKUE. La majoría umi mitãrusu ha mitãkuña oreko vaʼekue rrelasión sexuál omenda mboyve heʼi oñarrepentiha upe rire la ojapo vaʼekuére.

  • NDOJEROVIAVÉI OJUEHE. Oĩ opytáva odeskonfia ojuehe ha oñeporandu mávandipa oiméne oñenóma raʼe avei inóvio térã inóvia.

  • OÑEDESEPSIONA. Umi mitãkuña ningo oipota peteĩ oñangarekótava hese ha ndahaʼéi peteĩ ojaprovechátava hese. Heta mitãrusúpe katu nointeresavéima voi umi mitãkuña naiprovlémai vaʼekue oñeno hag̃ua hendive.

  • Mbaʼépa reaprende: reguerekóramo rrelasión sexuál remenda mboyve, rehechaukáta nde voi nderejehayhuiha (Romanos 1:24). Nde ningo revaleterei ha rejerrespetaka vaʼerã.

Ejejokokuaákena ani hag̃ua ereko rrelasión sexuál remenda mboyve (1 Tesalonicenses 4:3). Ág̃a remenda vove ikatúta reime ne ména térã ne rembirekóndi ha natekotevẽmoʼãi rejepyʼapy ojapoháicha umi orekóva rrelasión sexuál omenda mboyve. Umichagua persóna ningo ndojeroviái ojuehe, ojepyʼapy ha ndovyʼapái oñondive (Proverbios 7:22, 23; 1 Corintios 7:3).

¿NDÉPA MBAʼE REPENSA?

  • ¿Ndépa ere peteĩ persóna nderayhu añetéva ojeruretaha ndéve rejapo hag̃ua peteĩ mbaʼe ndeperhudika térã nemoñeñandu vaítava?

  • ¿Ndépa ere peteĩ persóna nderayhu añetéva ojeruretaha ndéve rejapo hag̃ua peteĩ mbaʼe ndogustáiva Ñandejárape? (Hebreos 13:4).