Ehecha oĩva pype

¿Añetehápepa oikove jeýta umi omanóva?

¿Añetehápepa oikove jeýta umi omanóva?

¿Mbaʼépa nde repensa?

  • Si, oikove jeýta

  • Nahániri

  • Ikatu mbaʼe

 MBAʼÉPA HEʼI LA BIBLIA

‘Umi omanóva oñemoingove jeýta.’ (Hechos 24:15, Ñandejára Ñeʼẽ Traducción del Nuevo Mundo.)

MBAʼÉICHAPA UPÉVA NEPYTYVÕ

Reikuaa rupi ko mbaʼe ikatu:

Reñekonsola omanóramo peteĩ rehayhúva (2 Corintios 1:3, 4).

Ndereikói rekyhyjeterei remanóramo g̃uarã (Hebreos 2:15).

Ereko esperánsa rehecha jeytaha umi rehayhúvape (Juan 5:28, 29).

 ¿IKATÚPA JAGUEROVIA LA BIBLIA HEʼÍVA?

Si, koʼã mbohapy mbaʼére:

  • Ñandejára hína opa mbaʼe Apohare. La Biblia heʼi Jehová ‘rupínte opavave oikove, orrespira ha orekoha opa mbaʼe (Hechos 17:24, 25; Salmo 36:9). Upéicharõ, jajeroviakuaa haʼe ikatuha avei omoingove jey umi omano vaʼekuépe.

  • Yma Ñandejára ohechaukáma ikatuha oporomoingove jey. La Biblia omombeʼu oĩ hague ocho persóna oikove jey vaʼekue ko yvy ári, umíva apytépe oĩ imitãva, ijedáva, kuimbaʼe ha kuña. Oĩ oñemoingove jey vaʼekue omano riremínte ha peteĩva katu cuatro día haguépe (Juan 11:39-44).

  • Ñandejárape hiʼãitereíma oporomoingove jey. Jehová ndaijaʼeieterei pe ñemanóre, heʼi voi haʼeha iñenemígo (1 Corintios 15:26). Haʼe ohundise ko enemígope omoingove jeývo umi omanóvape. Ñandejára oipotaitereíma og̃uahẽ pe tiémpo omopuʼã hag̃ua umi omanóvape ikatu haguáicha ohecha jey chupekuéra oikoha vyʼápe ko yvy ári (Job 14:14, 15).

 MBAʼÉPA NDE REPENSA

¿Mbaʼérepa ñandetuja ha ñamano?

La Biblia ombohovái ko porandu GÉNESIS 3:17-19 ha ROMANOS 5:12-pe.