Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¡Notísia porã oúva Ñandejáragui!

 LEKSIÓN 10

¿Mbaʼe rrelihiónpa Ñandejára oguerohory?

¿Mbaʼe rrelihiónpa Ñandejára oguerohory?

1. ¿Oguerohorýpa Ñandejára opaichagua rrelihión?

“Peñangarekóke pendejehe. Cháke oĩta proféta japu.” (MATEO 7:15, NM)

Jesús ha hemimboʼekuéra oĩvaʼekue pe rrelihión Ñandejára oguerohorývape. Ha ombojoja pe rrelihión añeteguáva peteĩ tape oporoguerahávare jeikove opaveʼỹvape, ha heʼi saʼi oĩha umi ojuhúva upe tape (Mateo 7:14). Ñandejára oguerohory pe rrelihión ojapóvape opa mbaʼe oĩva Iñeʼẽme. Umi omombaʼeguasúva chupe ojapo la Biblia heʼíva, ha upévare oiko peteĩ ñeʼẽme.Elee Juan 4:23, 24; 14:6, ha Efesios 4:4, 5.

2. ¿Mbaʼépa heʼivaʼekue Jesús umi kristiáno guaʼúre?

‘Heʼi hikuái oikuaaha Ñandejárape, péro hembiapóre ohechauka ndoikuaaseiha chugui mbaʼeve.’ (TITO 1:16)

Jesús heʼivaʼekue oĩtaha proféta japu. Heta rrelihión omboʼe la Biblia ha heʼi ijehe kristianoha, péro tuichaiterei ombotavy umi héntepe. Upéicharõ, ¿ikatu piko jaikuaa mbaʼe rrelihiónpa Ñandejára oguerohory? Ikatu japilla jajesarekóramo oiko lájare umi oĩva upe rrelihiónpe.Elee Mateo 7:13-23.

3. ¿Mbaʼéichapa jahechakuaáta mávapa umi kristiáno tee?

Jahechamína cinco mbaʼe ikatúva ñanepytyvõ:

  • Orrespeta Ñandejára Ñeʼẽ. Oikuaa la Biblia haʼeha Ñandejára Ñeʼẽ, upévare oñehaʼãmbaite ojapo opa mbaʼe oĩva ipype ojapo rangue yvyporakuéra heʼíva (Mateo 15:7-9). Avei ndoikói omboʼe peteĩ mbaʼe ha ojapo ótra kosaite.Elee Juan 17:17 ha 2 Timoteo 3:16, 17.

  •   Omombaʼe Ñandejára réra, Jehová. Jesús ojapovaʼekue upéva oikuaaukárõ guare entérope Itúva réra. Oñeʼẽ Ñandejárare ha omboʼe chupekuéra ojerure hag̃ua toñemomarangatu Héra oñemboʼe jave (Mateo 6:9). ¿Mbaʼe rrelihiónpa nde rehecha omombeʼuha Ñandejára réra?Elee Juan 17:26 ha Romanos 10:13, 14.

  • Oñeʼẽ Ñandejára Rréinore. Jesúspe oñembouvaʼekue ko yvy ape ári oñeʼẽ hag̃ua Ñandejára Rréinore, ha péicha omeʼẽ peteĩ esperánsa porã yvyporakuérape. Haʼe ojapo ko tembiapo omano peve (Lucas 4:43; 8:1; 23:42, 43). Avei heʼivaʼekue hemimboʼekuéra oñeʼẽvaʼerãha ko goviérnore. Upéicharõ, oĩramo oñeʼẽva ndéve Ñandejára Rréinore, ¿mbaʼeichagua rrelihiónpa hína?Elee Mateo 24:14.

  • Ndojeheʼái ko múndo añáre. Jesús remimboʼekuéra ndoikéi polítikape ni nopuʼãi goviérnore (Juan 17:16; 18:36). Avei ndojapói umi mbaʼe vai ojejapóva koʼág̃a rupi ha ndoikói ko múndope ojeikoháicha.Elee Santiago 4:4.

  • Ojoayhu añete. La Biblia heʼi ñamombaʼevaʼerãha opavavépe, tahaʼe haʼéva hetã térã ipire kolór. Ha umi kristiáno tee ojapo upéicha. Oiko jave gérra, umi rrelihión japu osẽ peteĩ tetã ládo, péro umi kristiáno tee ndaupéichai (Miqueas 4:1-3). Upéva rangue, oñemotiémpo ha ohecha mbaʼéichapa ikatu oipytyvõ ha omokyreʼỹ hapichápe.Elee Juan 13:34, 35 ha 1 Juan 4:20.

4. ¿Reikuaámapa mbaʼe rrelihión Ñandejára oguerohory?

¿Mbaʼe rrelihiónpa omboʼe la Biblia heʼíva, omombaʼe Ñandejára réra ha oikuaauka Ñandejára Rréino añoite osolusionataha umi provléma oĩva ko múndope? ¿Mbaʼe rrelihiónpa omomýi umi héntepe ojoayhu hag̃ua, ha ndohói gerrahápe? ¿Ndépa mbaʼe ere?Elee 1 Juan 3:10-12.