Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¡Notísia porã oúva Ñandejáragui!

 LEKSIÓN 12

¿Mbaʼéichapa ikatu reñemoag̃ui Ñandejárare?

¿Mbaʼéichapa ikatu reñemoag̃ui Ñandejárare?

1. ¿Ohendúpa Ñandejára opaichagua ñemboʼe?

Ñandejára oinvita opaichagua héntepe oñemboʼe hag̃ua chupe (Salmo 65:2). Péro upéva ndeʼiséi ohenduha opavavépe. La Biblia heʼi peteĩ ména otrata vaíramo hembirekópe “opyta reiha” iñemboʼe (1 Pedro 3:7, ÑÑB). Umi isrraelíta hembiapo vaírõ guare ha nokambiaséi, Ñandejára nohenduvéima oñemboʼe jave hikuái. Upéicharõ jepe, haʼe ohendu umi oñembyasývape hembiapo vaikuére.Elee Isaías 1:15 ha 55:7.

2. ¿Mbaʼéichapa ñañemboʼevaʼerã?

Ñañemboʼe jave ningo ñamombaʼeguasuñaína Ñandejárape, upévare Jehovápe añoite ñañemboʼevaʼerã (Mateo 4:10; 6:9). Jesús omanovaʼekue oñeperdona hag̃ua ñandéve ñande pekádo, upéicha rupi ñañemboʼevaʼerã hérape (Juan 14:6). Jehová ndoipotái jaʼe de memória térã jalee upe jaʼétava, oipota guei ñañemboʼe ñande pyʼaite guive.Elee Mateo 6:7 ha Filipenses 4:6, 7.

Ñande Apohare ohendu ñañemboʼe jave kirirĩháme jepe (1 Samuel 1:12, 13). Haʼe oipota ñañemboʼe meme chupe: ñapuʼãvo, ñañenóvo, jakaru mboyve térã ñaneprovléma jave.Elee Salmo 55:22 ha Mateo 15:36.

3. ¿Mbaʼéichapa ñanepytyvõ umi rreunión?

Umi hénte oĩva ñande jerére ndojeroviái Ñandejárare ha oñembohory voi ohendúvo mbaʼépa Haʼe ojapóta ko yvy ape ári. Koʼã mbaʼe ikatu ñanemokangy (2 Timoteo 3:1, 4; 2 Pedro 3:3, 13). Upévare tekotevẽ ñañembyaty umi kristiáno tee ndive ñañomokyreʼỹ hag̃ua. Haʼekuéra oikotevẽ avei ñanderehe.Elee Hebreos 10:24, 25.

 Ñañemoag̃uisevéramo Ñandejárare tekotevẽ jajeheʼa umi ohayhúvare chupe. Upévare umi aty ojapóva testigos de Jehová ideprovechoiterei. Upépe jatopáta heta kristiáno oñehaʼãmbaitéva ojapo Ñandejára rembipota, ha upéva ñanemokyreʼỹta jajapo hag̃ua avei upéicha.Elee Romanos 1:11, 12.

4. ¿Mbaʼéichapa ikatu reñemoag̃ui Ñandejárare?

Rejepyʼamongetavaʼerã la Biblia omboʼévare. Epensa umi mbaʼe Jehová ojapóvare, ikonséhore ha ipromesakuérare. Rejepyʼamongetárõ ha reñemboʼéramo, rehechakuaáta mbaʼeichaitépa Ñandejára ñanderayhu ha iñarandu.Elee Josué 1:8 ha Salmo 1:1-3.

Rejeroviavaʼerã Ñandejárare, upéicharõ añoite ikatúta reñemoag̃ui hese. Péro nde jerovia imbaretevevaʼerã ohóvo. Peteĩ plánta oikotevẽháicha oñeñangareko hese okakuaa hag̃ua, nde jerovia imbareteve hag̃ua tekotevẽ repensa meme la Biblia omboʼévare ha mbaʼérepa ikatu reguerovia umíva.Elee Mateo 4:4 ha Hebreos 11:1, 6.

5. ¿Mbaʼépepa ideprovéchota ndéve reñemoag̃uíramo Ñandejárare?

Jehová ojepyʼapy umi ohayhúvare chupe. Ha oĩramo peteĩ mbaʼe ikatúva oipeʼa chupekuéra tape porãgui ha omokangy ijerovia, haʼe oñangarekokuaa hesekuéra (Salmo 91:1, 2, 7-10). Haʼe ohechauka chupekuéra mbaʼéichapa oikovaʼerã, ha heʼi porã mbaʼépa ikatu ojapo hesãive ha ovyʼave hag̃ua hikuái.Elee Salmo 73:27, 28 ha Santiago 4:4, 8.