Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¡Notísia porã oúva Ñandejáragui!

 LEKSIÓN 3

¿Oúpa Ñandejáragui koʼã notísia porã?

¿Oúpa Ñandejáragui koʼã notísia porã?

1. ¿Mávaguipa ou la Biblia?

Pe notísia porãite jaikotaha opa ára g̃uarã ko yvy ape ári jatopa la Bíbliape (Salmo 37:29). Ñandejára oiporavovaʼekue 40 kuimbaʼe iñeʼẽrendúvape ohai hag̃ua umi 66 lívro térã kuatiañeʼẽ oĩva la Bíbliape. Umi cinco lívro tenondegua ohaivaʼekue Moisés, upéva ojapóma 3.500 áño rupi, ha pe último lívro ohaivaʼekue apóstol Juan, upéva ojapóma 1.900 áño rupi. ¿Ijeheguíntepa ohai la Biblia koʼã kuimbaʼe? Nahániri, haʼekuéra ndohaíri la opensáva. Ñandejára ohaika haʼe opensáva ha upearã ojevale ijespíritu sántore oipytyvõ hag̃ua koʼã kuimbaʼépe (2 Samuel 23:2). Upévare jaʼekuaa la Biblia ouha Jehovágui.Elee 2 Timoteo 3:16 ha 2 Pedro 1:20, 21.

2. ¿Mbaʼérepa ikatu jajerovia la Bíbliare?

Opa mbaʼe oĩva la Bíbliape oñekumplipaite, upévare jaikuaa ouha Ñandejáragui. Haʼe añoite oikuaa mbaʼépa oikóta tenonderã, ni peteĩ yvypóra ndaikatúi oikuaa upéva (Josué 23:14). Ñandejára Ipuʼakapáva añoite ikatu oikuaauka mbaʼépa ñaneraʼarõ.Elee Isaías 42:9 ha 46:10.

La Biblia ndaijojahái, oúramo Ñandejáragui ndaikatúi voi ñahaʼarõ ojogua umi ótro lívrope, ¿ajépa? La Biblia oñemosarambíma oparupiete ko yvy ape ári, ha hetaiterei idiómape ojetradusi. Umi 40 kuimbaʼe ohaivaʼekue ndojoavýi ni michĩmi, ha jepeve aretereíma ojehai hague, heta mbaʼépe ndojoavýi sientifikokuéra heʼívandi. * La Biblia ohechauka mbaʼeichaitépa Ñandejára ñanderayhu ha ikatu oipytyvõ opavavépe okambia hag̃ua. Opa koʼã mbaʼére, hetaiterei hénte oguerovia la Biblia haʼeha Ñandejára Ñeʼẽ.Elee 1 Tesalonicenses 2:13.

 3. ¿Mbaʼe rehépa oñeñeʼẽ la Bíbliape?

La Biblia ohechauka mbaʼe iporãvapa Ñandejára ojapóta yvyporakuéra rehehápe. Omombeʼu mbaʼérepa ñande ru ypykue oñemosẽ paraísogui ha mbaʼéichapa ko yvýgui oiko jeýta peteĩ hardín neporãva.Elee Revelación (Apocalipsis) 21:4, 5.

La Bíbliape jatopa heta léi ha konsého. Avei ohechauka ñandéve mbaʼéichapa Jehová otrata yvyporakuérape, ha péicha jaikuaa porãve hag̃ua chupe. Heʼi avei mbaʼépa jajapovaʼerã jaiko hag̃ua Ñandejára amígoramo.Elee Salmo 19:7, 11; Santiago 2:23, ha 4:8.

4. ¿Mbaʼéichapa ikatu ñantende la Biblia?

Oñentende hag̃ua Ñandejára Ñeʼẽ heʼíva, Jesús imanduʼámi vaʼerã peteĩ versíkulore ha upéi omyesakã. Ko follétope avei oñemoĩ umi téysto ha oñemyesakã, ikatu hag̃uáicha oñentendeve mbaʼépa omboʼe la Biblia.Elee Lucas 24:27, 45.

Katuete revyʼáta reikuaavévo rehóvo umi notísia porã oĩva la Bíbliape. Péro heta hénte ndoikuaaséi mbaʼeve koʼã mbaʼégui ha oĩ ipochýva voi oñeñeʼẽtarõ chupekuéra ko témare. Péro ani reheja upéva nemokangy. Nemanduʼákena la Biblia heʼiha reñemoag̃uíramo Ñandejárare ikatuha reiko opa ára g̃uarã.Elee Juan 17:3.

 

^ párr. 3 Ikatu rehecha avei lívro La Biblia... ¿la Palabra de Dios, o palabra del hombre?