Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¡Notísia porã oúva Ñandejáragui!

 LEKSIÓN 1

¿Mbaʼeichagua notísia porãpa oĩ ñandéve g̃uarã?

¿Mbaʼeichagua notísia porãpa oĩ ñandéve g̃uarã?

1. ¿Mbaʼeichagua notísiapa oikuaauka ñandéve Ñandejára?

Ñandejára oipota jaiko vyʼápe. Haʼe ojapo ko yvy ha opa mbaʼe oĩva ipype ñanderayhúgui. Koʼẽrõitéma oipeʼáta opa mbaʼe ñanembohasa asýva, ikatu hag̃uáicha jaiko porã.Elee Jeremías 29:11.

Koʼág̃a rupi oĩ heta hénte aña, hetaiterei mbaʼasy ha hénte omanóva, ha umi goviérno ndaikatúi ojapo mbaʼeve. Péro oĩ peteĩ notísia iporãitereíva: Ñandejára koʼẽrõitéma ohundíta koʼã goviérno, ha Igoviérno opytáta hendaguepekuéra. Ha opa iñeʼẽrendúva chupe oikóta pyʼaguapýpe ha hesãita.Elee Isaías 25:8; 33:24, ha Daniel 2:44.

2. ¿Mbaʼérepa iñimportantete koʼã notísia porã?

Ñandejára ohundimantevaʼerã umi hénte añáme anivéma hag̃ua jahasa asy (Sofonías 2:3). ¿Arakaʼépa ojapóta upéva? La Biblia heʼíma vaʼekue voi oikovaʼerãha heta mbaʼe vai ñane tiémpope. Ha umíva oikopáma. Upéva ohechauka Ñandejára ára guasu og̃uahẽmbotaitemaha.Elee 2 Timoteo 3:1-5.

3. ¿Mbaʼépa tekotevẽ jajapo?

Jastudiavaʼerã la Biblia jaikuaa hag̃ua Ñandejárape. La Biblia haʼete peteĩ kárta omondóva peteĩ túva ifamíliape. Iñeʼẽ rupive, Ñandejára ohechauka ñandéve mbaʼéichapa javyʼakuaa koʼág̃ama voi, ha mbaʼépa jajapovaʼerã jaiko hag̃ua opa ára g̃uarã. Katuete oĩta ipochýva restudia haguére la Biblia, péro ani reheja upéva nemokangy. Nemanduʼavaʼerã ikatuha rehupyty heta mbaʼe porã reñemoag̃uivévo Ñandejárare.Elee Proverbios 29:25 ha Revelación (Apocalipsis) 14:6, 7.