Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¡Notísia porã oúva Ñandejáragui!

 LEKSIÓN 13

¿Mbaʼépa oikóta rrelihionkuéragui?

¿Mbaʼépa oikóta rrelihionkuéragui?

1. ¿Iporãpa opaichagua rrelihión?

Entéro rrelihiónpe oĩ hénte ipyʼaporãva, ha Ñandejára omombaʼeterei chupekuéra. Péro, ñambyasýramo jepe, rrelihión rérape ojejapo heta mbaʼe ivaietereíva (2 Corintios 4:3, 4; 11:13-15). Ñahendu jepi ijapytepekuéra oĩha terrorísta, ojukáva hapichápe polítika káusare térã ndahaʼéi haguére hetãygua, oĩ ohóva gerrahápe ha oĩ otrata vaíva térã oavusáva mitãre. ¡Ajépa ombyasyete koʼã mbaʼe umi hénte ipyʼaporãva ha ojeroviáva Ñandejárare!Elee Mateo 24:3-5, 11, 12.

Pe rrelihión añetegua omombaʼeguasu Jehovápe, umi rrelihión japu katu oheja vai chupe. Koʼãva omboʼe heta mbaʼe ndaipóriva la Bíbliape, pór ehémplo, heʼi heta japu Ñandejárare ha umi omanovaʼekuére. Péro Jehová oipota opavave oikuaa mbaʼépa añete omboʼe la Biblia.Elee Ezequiel 18:4 ha 1 Timoteo 2:3-5.

2. ¿Mbaʼépa oikóta rrelihionkuéragui?

Ñandejárape nombotavýi umi heʼíva ohayhuha chupe, péro ohechaukáva ohayhuha ko múndope (Santiago 4:4). Yma oĩvaʼekue peteĩ siuda hérava Babilonia, ha upépe oñepyrũ pe rrelihión japu Dilúvio rire. Upévare la Bíbliape oñehenói “Babilonia Guasu” umi rrelihión japúpe. Koʼẽrõitéma Ñandejára ohundíta umi rrelihión ombotavy ha ombohasa asývape yvyporakuérape.Elee Revelación (Apocalipsis) 17:1, 2, 5, 16, 17 ha 18:8.

Jehová oikuaa oĩha heta hénte ipyʼaporãva rrelihión japúpe, ha oipytyvõse chupekuéra. Upévare omboʼe chupekuéra pe añetegua oĩva la Bíbliape, ha péicha osẽ hag̃ua hikuái pe rrelihión japúgui.Elee Miqueas 4:2, 5.

 3. ¿Mbaʼépa ojapovaʼerã umi hénte ipyʼaporãva?

Pe rrelihión añetegua ñanemokyreʼỹ jaiko porã hag̃ua oñondivepa

Jehová oipytyvõ umi oikuaasévape chupe ha ojaposéva umi mbaʼe porã. Upévare omokyreʼỹ chupekuéra osẽ hag̃ua pe rrelihión japúgui. Ha ohayhu añetéramo hikuái Ñandejárape, ojapóta oñekotevẽva guive ombovyʼa hag̃ua chupe.Elee Revelación 18:4.

Síglo primérope, umi apóstol oikuaauka umi notísia porã, ha oĩ heta ohendu ha oikuaaseve vaʼekue. Jehová omboʼe koʼã héntepe mbaʼéichapa oikovaʼerã ovyʼa hag̃ua, ha omeʼẽ chupekuéra peteĩ esperánsa ijojahaʼỹva. Haʼekuéra ojapo haguéicha, ñande avei ñaaprendevaʼerã umi notísia porã oĩva la Bíbliape ha ñamotenonde Jehovápe.Elee 1 Tesalonicenses 1:8, 9 ha 2:13.

Jehová oguerohory umi osẽvape rrelihión japúgui ha oikéva pe rrelihión añeteguápe. Haʼekuéra oikóta iñamígoramo, orekóta heta ermáno omombaʼeguasúva avei Ñandejárape ko yvy tuichakuére ha ikatúta oiko opa ára g̃uarã. ¿Rehupytysépa nde avei koʼã mbaʼe?Elee Marcos 10:29, 30 ha 2 Corintios 6:17, 18.

4. ¿Mbaʼépa ojapóta Ñandejára jaiko hag̃ua pyʼaguapy ha vyʼápe?

Jehová ohundíta umi rrelihión japúpe. Ha koʼãva ndaikatumoʼãvéima ombotavy umi héntepe ni omomýi chupekuéra opuʼãmba hag̃ua ojuehe. Upéicha ikatúta jaiko pyʼaguapýpe. Enterove ñamombaʼeguasúta oñondivepa Ñandejára teépe añoite. ¡Ajépa iporãite ko notísia!Elee Revelación 18:20, 21 ha 21:3, 4.