Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¡Notísia porã oúva Ñandejáragui!

 LEKSIÓN 9

¿Mbaʼéichapa ikatu ovyʼa umi família?

¿Mbaʼéichapa ikatu ovyʼa umi família?

1. ¿Mbaʼérepa peteĩ kuña ha peteĩ kuimbaʼe omendavaʼerã oiko hag̃ua oñondive?

Umi notísia porã ou Ñandejáragui, haʼe ningo ovyʼa ha oipota umi família ovyʼa avei (1 Timoteo 1:11). Haʼe omoñepyrũvaʼekue pe ñemenda. Peteĩ kuña ha peteĩ kuimbaʼe omendáramo ikatu ojeroviave ojuehe ha oñangareko porã ifamíliare.Umi kristiáno ojapovaʼerã avei yvyporakuéra léi heʼíva, upévare peteĩ kuña ha peteĩ kuimbaʼe omendavaʼerã oiko hag̃ua oñondive.Elee Lucas 2:1, 4, 5.

Ñandejára oipota umi omendáva opyta oñondive oikove aja pukukue. Jehová heʼi umi omendáva ndovaleiha oñomoakãratĩ (Hebreos 13:4). Haʼe ndoipotaiete ojedivorsia hikuái (Malaquías 2:16). Upéicharamo jepe, ikatu ojedivorsia ha omenda jey peteĩva omoakãratĩramo pe ótrope.Elee Mateo 19:3-6, 9.

2. ¿Mbaʼéichapa ojotratavaʼerã ména ha tembireko?

Jehová ojapovaʼekue kuimbaʼe ha kuñáme oñopytyvõ hag̃ua (Génesis 2:18). Pe ména omoakã hogapy, upévare omoĩvaʼerã ifamíliape hemikotevẽ ha omboʼe chupekuéra Ñandejára Ñeʼẽ. Ohayhúgui hembirekópe omotenondevaʼerã chupe ha ani omeʼẽ gústo ijupénte. Ména ha tembireko ojoayhu ha ojorrespetavaʼerã. Avei imanduʼavaʼerã mokõivévante ojavyha, upévare tekotevẽ oñoperdonakuaa ovyʼa hag̃ua oñondive.Elee Efesios 4:31, 32; 5:22-25, 33, ha 1 Pedro 3:7.

3. ¿Ikatu piko umi omendáva ojopoi iprovléma haguére?

Umi omendáva iprovlémarõ, mokõivéva oñehaʼãvaʼerã ojotrata mborayhúpe (1 Corintios 13:4, 5). La Biblia ndeʼíri  umi omendáva osolusionataha iprovlemakuéra ojopoíramo.Elee 1 Corintios 7:10-13.

4. Taʼyrakuéra, ¿mbaʼépa oipota Ñandejára peẽme g̃uarã?

Jehová oipota pevyʼa, upévare penemboʼe mbaʼéichapa peikovaʼerã penemitã aja. Pende sy ha pende túva iñaranduve pendehegui ha ohasáma heta mbaʼe, upévare Jehová oipota peneñeʼẽrendu chupekuéra (Colosenses 3:20). Oipota avei pejapo haʼe ha Itaʼýra heʼíva pevyʼa hag̃ua.Elee Eclesiastés 11:9–12:1; Mateo 19:13-15, ha 21:15, 16.

5. Tuvakuéra, ¿mbaʼépa ikatu pejapo pene família ovyʼa hag̃ua?

Peẽ pemoĩ pene famíliape hembiʼurã, ijaorã ha hogarã (1 Timoteo 5:8). Péro ndopái upépente. Avei tekotevẽ pemboʼe chupekuéra Ñandejára rape ohayhu hag̃ua chupe (Efesios 6:4). Pene família ohechárõ peẽ voi pehayhuha Ñandejárape, ojaposéta avei upéicha. Pemboʼéramo chupekuéra la Biblia heʼiháicha, tuicha peipytyvõta chupekuéra.Elee Deuteronomio 6:4-7 ha Proverbios 22:6.

Pene família ojapo porã jave peteĩ mbaʼe, peguerohory ha pemokyreʼỹvaʼerã chupekuéra. Sapyʼánte tekotevẽ avei pekorrehi, ani hag̃ua ojapo peteĩ mbaʼe operhudikátava chupekuéra (Proverbios 22:15). Péro ni mbaʼevéicharõ ndapejaheirivaʼerã hesekuéra.Elee Colosenses 3:21.

Umi testígo de Jehová ojapo heta lívro oñeguenohẽva la Bíbliagui, ikatúva penepytyvõ peẽme ha pene familiakuérape.Elee Salmo 19:7, 11.