Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¡Notísia porã oúva Ñandejáragui!

 LEKSIÓN 5

¿Mbaʼépa Ñandejára rembipota ko yvýpe g̃uarã?

¿Mbaʼépa Ñandejára rembipota ko yvýpe g̃uarã?

1. ¿Maʼerãpa Ñandejára ojapo ko yvy?

Jehová ojapo ko yvy oiko hag̃ua pype yvyporakuéra. Ndojapoivaʼekue Adán ha Évape oiko hag̃ua yvágape, upearã ojapóma umi ánhelpe (Job 38:4, 7). Jehová omoĩ ñande ru ypykuépe peteĩ hardín neporãvape, hérava Edén (Génesis 2:15-17). Ha heʼi Adán ha ifamiliakuéra ikatuha oiko vyʼápe opa ára g̃uarã ko yvy ape ári.Elee Salmo 37:29 ha 115:16.

Péro pe hardín michĩmínte vaʼekue. Upévare Adán ha Eva ifamiliavaʼerã kuri omyenyhẽ hag̃ua ko yvy, ha mbeguekatúpe tuichave hag̃ua upe paraíso (Génesis 1:28). Ko yvy ojejapovaʼekue ojeiko hag̃ua pype, ha arakaʼeve noñehundimoʼãi.Elee Salmo 104:5.

2. ¿Mbaʼérepa ndajaikói koʼág̃a peteĩ paraísope?

Adán ha Eva naiñeʼẽrendúi rupi Ñandejárape, oñemosẽ pe paraísogui. Upévare koʼág̃a upe hardín ndaiporivéima ha avave ndaikatúi ojapo ko yvy tuichakuégui peteĩ paraíso. La Biblia heʼi voi: “Ko yvy ojeheja heko añáva pópe” (Job 9:24).Elee Génesis 3:23, 24.

Péro upéva ndeʼiséi Ñandejára ndojapomoʼãveimaha ko yvýgui peteĩ paraíso. Haʼe ningo pe Ipuʼakapáva ha katuete okumpli heʼíva (Isaías 45:18). Upévare, koʼẽrõitéma jaikóta haʼe oipota haguéicha iñepyrũme.Elee Salmo 37:11, 34.

3. ¿Mbaʼéichapa oiko jeýta ko yvýgui peteĩ paraíso?

Jesús ningo pe Rréi Ñandejára Rreinopegua ha ojapóta ko yvýgui peteĩ paraíso. Armagedónpe, umi ánhel oipytyvõta chupe ohundi hag̃ua opa oñemoĩvape Ñandejára kóntrape. Upe rire oñeñapytĩta Satanáspe mil áño pukukue.  Jesús oñangarekóta umi iñeʼẽrendúvare Ñandejárape, ojesalva ha oiko hag̃ua hikuái vyʼápe peteĩ paraísope.Elee Revelación (Apocalipsis) 20:1-3 ha 21:3, 4.

4. ¿Arakaʼe pevépa jahasa asýta?

¿Arakaʼépa Ñandejára oipeʼáta umi mbaʼe ñanembohasa asýva? Jesús heʼivaʼekue “mbaʼépa oikóta” hiʼag̃ui vove upe ára. Heta mbaʼe vai oikóva koʼág̃a rupi osegínteramo upéicha, ikatu voi ohundipa yvyporakuérape. Koʼã mbaʼe ohechauka ko “múndo ára pahaite hiʼag̃uimbaitemaha”.Elee Mateo 24:3, 7-14, 21, 22.

Jesús ogovernáta mil áño pukukue ko yvy, yvága guive. Upe aja oipeʼapaitéta umi mbaʼe ñanembohasa asýva (Isaías 9:6, 7; 11:9). Avei ojeporavo chupe saserdóte guasurã, oipeʼa hag̃ua pe pekádo umi ohayhúvagui Ñandejárape. Jehová ojevaléta Jesús rehe anivéma hag̃ua jahasa asy, ñandetuja ha ñamano.Elee Isaías 25:8 ha 33:24.

5. ¿Mávapa oikóta pe paraísope?

Rreunionhápe reikuaáta heta héntepe ohayhúva Ñandejárape ha ojaposéva hembipota

Umi iñeʼẽrendúva Ñandejárape oikóta pe paraísope (1 Juan 2:17). Jesús omandavaʼekue hemimboʼekuérape omboʼe hag̃ua umi ipyʼaporãvape tekotevẽva ojapo Ñandejára oguerohory hag̃ua chupekuéra. Koʼág̃a Jehová oipytyvõ hetaiterei héntepe ikatu hag̃uáicha oiko pe paraísope (Sofonías 2:3). Heta família oñembyaty Salón del Réinope omombaʼeguasu hag̃ua Ñandejárape umi testígo de Jehová ndive. Upépe oaprende hikuái umi notísia porã ha ohechakuaa mbaʼéichapa la Biblia ikatu oipytyvõ chupekuéra.Elee Miqueas 4:1-4.