Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¡Notísia porã oúva Ñandejáragui!

 LEKSIÓN 2

¿Mávapa Ñandejára tee?

¿Mávapa Ñandejára tee?

1. ¿Mbaʼérepa ñamombaʼeguasuvaʼerã Ñandejárape?

Ñandejára opa mbaʼe Apohare. Haʼe oiko ymaite guivéma ha nomanomoʼãi arakaʼeve (Salmo 90:2). Ñandejára oikuaauka ñandéve umi notísia porã oĩva la Bíbliape (1 Timoteo 1:11). Haʼe oipotáguinte ñande jaikove, upévare chupe añoite ñamombaʼeguasuvaʼerã.Elee Revelación (Apocalipsis) 4:11.

2. ¿Mbaʼéichapa Ñandejára?

Ñandejára ningo ndahaʼéi ñandéicha, haʼe oiko yvágape ha ndaipóri ni peteĩ yvypóra ohecháva chupe (Juan 1:18; 2 Crónicas 6:27). Péro ikatu jaikuaa chupe jajesarekóvo hembiapokuére. Pór ehémplo, haʼe ojapo opaichagua yva ha yvoty porã porã, koʼã mbaʼe ohechauka iñarandu ha ñanderayhuha. Ha ñamañávo ko yvy ha yvága tuichakue, jahechakuaa mbaʼeichaitépa ipoderóso.Elee Romanos 1:20.

Ikatu avei jaikuaa Ñandejárape jaleévo la Biblia. Ipype ojehechauka mbaʼéichapa haʼe otrata yvyporakuérape, mbaʼépa oipota jajapo térã nahániri, ha mbaʼépa ojapo ñanerembiapo porã térã ñanerembiapo vaíramo.Elee Salmo 103:7-10.

3. ¿Mbaʼéichapa héra Ñandejára?

Jesús heʼivaʼekue Itúvape: “Ore Ru reiméva yvágape, toñemomarangatu nde réra” (Mateo 6:9, NM). Heta hénte ohenói ñande Apoharépe “Señór” térã “Ñandejárante”, péro haʼe héra tee. Káda idiómape idiferenteʼimi. Guaraníme, pór ehémplo, ojeʼe Jehová térã Yavé.Elee Salmo 83:18 (82:19 ambue Bíbliape).

 Heta Bíbliagui ojepeʼa Ñandejára réra, ha hendaguépe oñemoĩ Tupã, Ñande Ruete, Ñandejára térã Señór. Péro Ñandejára réra tee oĩvaʼekue 7.000 vése rupi ojehai ypýrõ guare la Biblia. Jesús oiporu meme vaʼekue Ñandejára réra omboʼérõ guare umi héntepe.Elee Juan 17:26.

4. ¿Ojepyʼapýpa Ñandejára ñanderehe?

Peteĩ túvaicha, Ñandejára ojepyʼapy ñanderehe ha oipota iporãvéva ñandéve g̃uarã

Oimérõ Jehová ñanderayhu, ¿mbaʼérepa oheja jahasa asy? Oĩ heʼíva Ñandejára voi ñanembohasa asyha ñanetantea hag̃ua ha ohecha hag̃ua ñande jerovia mbaretépa. Péro upéva ningo japu.Elee Santiago 1:13.

Jehová oheja ñande kárgope jaiporavo hag̃ua mbaʼépa jajapóta. Ha iporãvéta jadesidíramo ñaneñeʼẽrendu chupe (Josué 24:15). Péro oĩ heta hénte oikóva iñakãre ha hembiapo vaíva, upévare opárupi oĩ provléma. Péro Jehová ombyasyeterei ohechávo koʼã mbaʼe.Elee Génesis 6:5, 6.

Jehová ñanderayhu ha oipota jaiko vyʼápe, upévare oipeʼaitéta ko yvy ape árigui opa mbaʼe ñanembohasa asýva. Ñahaʼarõ aja upéva, haʼe oheja gueteri jahasa asy. Leksión 8-pe oñemyesakã mbaʼérepa.Elee 2 Pedro 2:9 ha 3:7, 13.

5. ¿Mbaʼéichapa ikatu ñañemoag̃ui Ñandejárare?

Jehová ojepyʼapy káda únore ha oipota ñañemboʼe chupe ñañemoag̃ui hag̃ua hese (Salmo 65:2; 145:18). Haʼe ñaneperdona ha ohechakuaa ñañehaʼãmbaiteha jajapo hembipota, jepe jajavy meme. Upéicharõ jaʼekuaa, ikatuha jaiko iñamígoramo ñaneimperféktoramo jepe.Elee Salmo 103:12-14 ha Santiago 4:8.

Ñande jaikove Ñandejára ñandeapo rupi, upévare jahayhuvevaʼerã chupe opa mbaʼégui (Marcos 12:30). Ha jahechauka hag̃ua upéva jastudiavaʼerã Iñeʼẽ, jaikuaa porãve chupe ha jajapo hembipota. Upéicha, koʼẽ koʼẽre ñañemoag̃uivéta hese.Elee 1 Timoteo 2:4 ha 1 Juan 5:3.