Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¡Notísia porã oúva Ñandejáragui!

 LEKSIÓN 6

¿Ikatúnepa jahecha jey umi omanovaʼekuépe?

¿Ikatúnepa jahecha jey umi omanovaʼekuépe?

1. ¿Oikove jeýnepa umi omanovaʼekue?

Jesús oĩrõ guare ko yvy ape ári, iñamígo Lázaro omano. Ko kuimbaʼe oikovaʼekue Betániape, peteĩ puévlo oĩva Jerusalén ypýpe. Jesús og̃uahẽvo upépe, ojapóma cuatro día iñamígo omano hague. Marta ha María oho Jesús ndive Lázaro oñeñotỹ haguépe, ha sapyʼaitépe heta hénte ijaty upépe. ¡Mbaʼeichaitépa oiméne ovyʼáraʼe Marta ha María ohechávo Jesús omoingove jeyha iñermánope!Elee Juan 11:21-24, 38-44.

Marta oikuaáma vaʼekue voi Jehová omoingove jeytaha umi omanovaʼekuépe oiko hag̃ua ko yvy ape ári. ¡Ajépa javyʼaite avei ñande jaikuaávo ko notísia porã omboʼéva Ñandejára Ñeʼẽ!Elee Job 14:14, 15.

2. ¿Mbaʼépa oiko umi omanovaʼekuégui?

Ñandejára heʼi Adánpe: ‘Yvýgui resẽvaʼekue; ha yvytimbo oiko jeýta ndehegui’ (GÉNESIS 3:19)

Ñandejára ñandeapovaʼekue “yvýgui” (Génesis 2:7; 3:19). Ndahaʼéi ku jarekóva ñandepype peteĩ espíritu, ha ñamano rire, ohóva oiko ambue hendápe. Ñamano vove, ñane apytuʼũ omanoite avei. Upéicha rupi ndaikatuvéima ñapensa, ñañandu ni jahasa asy. Upévare Lázaro oikove jeýrõ guare nomombeʼuivaʼekue mbaʼevete.Elee Eclesiastés 9:5, 6, 10.

Oĩ heʼíva Ñandejára ñanembohasa asyha peteĩ infiérnope ñamano rire, péro upéva japu. Jahecháma haguéicha, umi omanóva noñanduvéima mbaʼeve. Umi omboʼéva oĩha peteĩ infiérno jahasa asyhápe ijapu ha oheja vai Jehovápe. Haʼe ni mbaʼevéicharõ nopensamoʼãi okastigávo avavépe upéicha.Elee Jeremías 7:31.

 3. ¿Ikatúpa ñañeʼẽ umi omanóva ndive?

Umi omanóva ndaikatuvéima oñeʼẽ ni ohendu (Salmo 115:17). Péro oĩ heta ánhel iñañaitereíva ikatúva ohaʼanga umi omanovaʼekue oñeʼẽ lája ha oñeʼẽ umi hénte ndive (2 Pedro 2:4). Upévare Jehová ndoipotaiete ni ñatantea ñañeʼẽ umi omanovaʼekue ndive.Elee Deuteronomio 18:10, 11.

4. ¿Mávapa oikove jeýta?

Hetaiterei tapicha omanovaʼekue opuʼã jeýta oiko hag̃ua ko yvy ape ári. Heta hembiapo vaíva ha omanóva oikuaaʼỹre Ñandejárape jepe oikove jeýta.Elee Hechos 24:15.

Koʼãva ikatúta oaprende Ñandejáragui, ojerovia Jesús rehe ha ohechauka ojaposeha Jehová rembipota (Revelación [Apocalipsis] 20:11-13). Ojapóramo upéicha, oikovéta opa ára g̃uarã ko yvy ape ári.Elee Juan 5:28, 29.

5. ¿Mbaʼépa ñaaprende Jehovágui?

Jaikuaávo Jehová omoingove jeytaha umi omanóvape, jahecha mbaʼeichaitépa ohayhu ha imbaʼeporã yvyporakuéra ndive. Ñandejára ombou rupi Itaʼýrape omano hag̃ua ñanderehehápe ikatu ñahaʼarõ ko mbaʼe porãite. Ha nde, ¿mávapa reipota oikove jey?Elee Juan 3:16 ha Romanos 6:23.