Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¡Notísia porã oúva Ñandejáragui!

 LEKSIÓN 11

¿Mbaʼéichapa ñanepytyvõ Ñandejára Léi?

¿Mbaʼéichapa ñanepytyvõ Ñandejára Léi?

1. ¿Mbaʼérepa tekotevẽ ojehechauka ñandéve mbaʼéichapa jaikovaʼerã?

¿Mbaʼépa rejapo reikuaa rupi nde rekove haʼeha peteĩ rregálo? (SALMO 36:9)

Ñande Apohare iñaranduve ñandehegui. Haʼe ningo ñande Ru, ojepyʼapy ñanderehe ha nañandeapói jaiko hag̃ua heseʼỹ (Jeremías 10:23). Peteĩ mitã oikotevẽháicha itúva heʼi chupe mbaʼépa ojapovaʼerã, ñande ñaikotevẽ Ñandejárare jaikuaa hag̃ua mbaʼéichapa jaikovaʼerã (Isaías 48:17, 18). Umi léi ha konsého oĩva la Bíbliape haʼe peteĩ rregálo oúva Ñandejáragui.Elee 2 Timoteo 3:16.

Umi Léi Jehová omoĩva ohechauka ñandéve mbaʼéichapa ikatu javyʼa koʼág̃ama voi. Avei ñanemboʼe mbaʼépa jajapovaʼerã jaiko hag̃ua opa ára g̃uarã. Haʼe ningo ñande Apohare, upévare jajapovaʼerã ojeruréva ñandehegui.Elee Salmo 19:7, 11 ha Revelación (Apocalipsis) 4:11.

2. ¿Mbaʼéichapa ñanepytyvõ Ñandejára Ñeʼẽ?

La Bíbliape jatopa umi léi omandáva voi mbaʼépa jajapovaʼerã. Péro avei jatopa heta konsého ohechaukáva mbaʼépa iporãve jajapo ñambohovái hag̃ua umi situasión oñepresentáva ñandéve (Deuteronomio 22:8). Ha jahechakuaa hag̃ua mbaʼéichapa ideprovécho umi mbaʼe omboʼéva la Biblia, tekotevẽ jajepyʼamongeta hese (Proverbios 2:10-12). Pór ehémplo, la Biblia omboʼe ñande rekove haʼeha peteĩ rregálo oúva Ñandejáragui. ¿Mbaʼépepa ñanepytyvõ jaikuaávo upéva? Ñaaprende ñañangarekovaʼerãha ñandejehe ha ótrore, tahaʼe ñande traváhope, ñande rógape ha oimehápe rei, ha avei ndovaleiha jajapeligra ñande térã jaapeligra ótrope.Elee Hechos 17:28.

 3. ¿Mbaʼe mandamiéntopa iñimportanteve?

Jesús heʼivaʼekue oĩha mokõi mandamiénto iñimportantetereíva. Peteĩva ohechauka jaikoveha jaikuaa, jahayhu ha ñamombaʼeguasu hag̃ua Ñandejárape. Ñanemanduʼa meme vaʼerã upévare jadesidíta jave oimeraẽ mbaʼe (Proverbios 3:6). Jajapóramo upéicha, koʼẽ koʼẽre ñañemoag̃uivéta Ñandejárare ha jaikóta vyʼápe opa ára g̃uarã.Elee Mateo 22:36-38.

Pe ótro mandamiénto katu ñanepytyvõ jajogueraha porã hag̃ua ñande rapichakuérandi (1 Corintios 13:4-7). Ñakumplíramo upéva jatratáta opavavépe Ñandejára otrataháicha chupekuéra.Elee Mateo 7:12 ha 22:39, 40.

4. ¿Mbaʼéichapa ñanepytyvõ Ñandejára Léi?

Ñandejára Léi ohechauka familiakuérape mbaʼépa ojapovaʼerã ikatu hag̃uáicha ojogueraha porã ha oiko mborayhúpe (Efesios 4:32; Colosenses 3:12, 14). La Biblia tuichaiterei oipytyvõ umi famíliape omboʼe rupi umi omendáva opytavaʼerãha oñondive oikove aja pukukue.Elee Génesis 2:24.

La Biblia omboʼéva ñanepytyvõ ñandepyʼaguapy ha ñañeñandu porã hag̃ua. Avei ideprovécho ñandéve ñande travahohápe, pór ehémplo, heta lugárpe umi patrón oheka hénte oikóva Ñandejára heʼiháicha, oikuaágui naimondaiha ha ojapo porãtaha hembiapo (Proverbios 10:4, 26; Hebreos 13:18). La Bíbliape avei ñaaprende javyʼavaʼerãha jarekomívarente ha ñamotenondevaʼerãha Ñandejára rembipota.Elee Mateo 6:24, 25, 33 ha 1 Timoteo 6:8-10.

Ñandejára Léi avei ñanepytyvõ ñaneresãive ha ñañangareko hag̃ua ñandejehe. Pór ehémplo, heʼi ani hag̃ua ñandekaʼu, péro nañapenáiramo upévare ikatu ñandejagarra peteĩ mbaʼasy térã ñañaksidenta vai (Proverbios 14:30; 22:24, 25; 23:20). Añetehápe la Biblia heʼi ikatuha jaʼuʼimi vevída, péro ohechauka porã ndovaleiha ñamokõ rasa (Salmo 104:15; 1 Corintios 6:10). Ñandejára Léi ñanemomýi ñañatende hag̃ua jaiko lájare ha avei umi mbaʼe ñapensávare (Salmo 119:97-100). Péro ñande kristiáno tee ndahaʼéi jajapóva koʼã mbaʼe okonveníguinte ñandéve, síno ñamombaʼeguasu hag̃ua ñande Ru yvagapeguápe.Elee Mateo 5:14-16.