Ehecha oĩva pype

Ehecha menú secundario

Ehecha oĩva pype

Testígo de Jehová

guarani

La Biblia: Mbaʼépa oikuaauka ñandéve?

 PÁRTE 23

Pe marandu porã iñasãi opárupi

Pe marandu porã iñasãi opárupi

Apóstol Pablo oviaha heta henda rupi omombeʼu hag̃ua pe marandu porã

PÁBLOGUI oiko rire Jesús remimboʼe oñepyrũ opredika kyreʼỹme. Ha upévare chupehaitéma ojepersegi. Upéicharõ jepe Pablo oviaha mombyrymbyry omombeʼu hag̃ua mbaʼéichapa Ñandejára rréino rupive oñekumplíta Jehová rembipota yvyporakuérape g̃uarã.

Ojapóvo iprimér viáhe, Pablo oho Lístrape ha upépe omonguera peteĩ kuimbaʼe oguataʼỹvape. Umi hénte oñepyrũ osapukaipa ha heʼi Pablo ha Bernabé haʼeha ñandejára. Haʼekuéra katu ndohejái umi hénte oadora chupekuéra. Upéi umi ndaijaʼéiva Páblore omboliga umi Listrayguápe ojuka hag̃ua chupe. Upévare omboʼita hikuái Páblope ha oheja chupe heʼongue lénto. Péro haʼe nomanói ha upe rire oho jey upe távape omokyreʼỹ hag̃ua iñermanokuérape.

Upéi oiko peteĩ provléma kristianokuéra apytépe. Umi hudío heʼi umi hudioʼỹva okumplivaʼerãha Moisés léi heʼíva. Opa hag̃ua ko provléma Pablo ojerure umi apóstol ha ansiáno Jerusalenguápe odesidi hag̃ua mbaʼépa ojejapovaʼerã. Koʼã kuimbaʼe ohesaʼỹijo porã Ñandejára Ñeʼẽ, oñemboʼe ha ojerure espíritu sánto. Upéi ohai kongregasionkuérape ndovaleiha hekovai, oadora taʼangakuéra, hoʼu tuguy térã soʼo ndojehuguyʼoivaʼekue. ‘Tekotevẽ’ ojapo hikuái koʼã mbaʼe, péro upéva ndeʼiséi katuete ojapovaʼerãha Moisés léi heʼíva (Hechos 15:28, 29).

Pe segundo viáhepe Pablo oho Beréape. Umi hudío upepegua ohendu porãnte chupe, ha káda día ohesaʼỹijo Ñandejára Ñeʼẽ ohecha hag̃ua añetépa haʼe omboʼéva. Upéi ou jeýma upépe umi ndaijaʼéiva hese ha upévare Pablo osẽ oho Aténaspe. Ko távape Pablo oñemoñeʼẽ porãiterei heta kuimbaʼe arandu rovake.

Upéi ojapóvo pe tercer viáhe Pablo oho Jerusalénpe. Ohóvo pe témplope umi hudío ojapo tuicha guarara ha oñehaʼã ojuka chupe. Upémarõ umi soldádo Romaygua ojoko chupekuéra ha ogueraha Páblope. Haʼe ningo Romaygua, upévare ojegueraha mburuvicha Félix renondépe. Umi hudío ndaikatúi ohechauka añeteha umi mbaʼe vai heʼíva hese. Upéicharamo jepe mburuvicha Festo ojupíva Félix rendaguépe omeʼẽse Páblope umi hudíope. Ani hag̃ua oiko upéva Pablo ojerure oñeʼẽ hag̃ua mburuvicha guasu César renondépe. Upémarõ Festo heʼi chupe: “Rehóta César rendápe” (Hechos 25:11, 12, JMP).

Oho hag̃ua upe mburuvicha guasu renondépe Pablo oviaha Rómape. Ojupi peteĩ várkope ohóva upe gotyo péro hoʼyguy hikuái ha upévare ohasa araroʼy ísla Máltape. Hasýpe og̃uahẽ Rómape ha upépe opyta 2 áño peteĩ óga ojalkilávape. Oĩramo jepe peteĩ guárdia poguýpe Pablo akóinte ikyreʼỹ ha omombeʼu pe marandu porã entéro ohóvape hendápe.

(Oñeguenohẽ Hechos 11:22–28:31-gui.)