Ehecha oĩva pype

Ehecha menú secundario

Ehecha oĩva pype

Testígo de Jehová

guarani

La Biblia: Mbaʼépa oikuaauka ñandéve?

 PÁRTE 4

Ñandejára ojapo peteĩ kompromíso Abrahándi

Ñandejára ojapo peteĩ kompromíso Abrahándi

Abrahán ojerovia Ñandejárare ha upévare Jehová opromete chupe ifamiliare hetaitereitaha

OHASÁVO 350 áño ou hague pe ama guasu, táva Úrpe oiko peteĩ kuimbaʼe hérava Abrahán. Haʼe ningo imarangatu ha ohasa heta mbaʼe ijetuʼúva ohechauka hag̃ua ijerovia. Jahechamína mbaʼépa umíva.

Jehová heʼi chupe oheja hag̃ua iválle ha ova Canaánpe. Abrahán ndahaʼéi ojerejeréva ojapo hag̃ua Ñandejára heʼíva. Pyaʼe porã ojapo pe viáhe puku hembireko Sara, isovríno Lot ha enterove hogayguándi. Og̃uahẽ rire Canaánpe oiko óga kárpape ha pyʼỹi ova. Jehová oprometevaʼekue Abrahánpe iñemoñare rupive opavave yvypóra ohupytytaha heta mbaʼe porã. Avei oikotaha ifamiliarégui peteĩ tetã guasu ha omeʼẽtaha chupekuéra ijyvyrã Canaán.

Abrahán ha Lot heta hymba, ha imbaʼeporãgui Abrahán heʼi Lótpe oiporavo hag̃ua ijyvyrã chupe ogustavéva, ikatu hag̃uáicha oñangareko porã hymbakuérare. Haʼe oiporavo peteĩ yvy porã oĩva rrío Jordán gotyo. Oho oiko táva Sodoma ypýpe. Péro umi hénte upepegua hekovaieterei ha upéva ombopochy Jehovápe.

Upe rire Jehová opromete Abrahánpe iñemoñare hetaitereitaha umi estrellakuéraicha. Sara ndaikatúiramo jepe imemby Abrahán ojerovia Jehová promésare. Upéi haʼe orekóvo 99 áño ha Sara 90 Ñandejára oikuaauka chupe Sara hyeguasutaha. Ha upeichaite oiko, Sara oreko peteĩ mitãkuimbaʼe ombohérava Isaac. Abrahán itaʼýra hetáramo jepe upéi, Jehová heʼi chupe pe Hemimbou oporosalvátava outaha Isaac ñemoñarégui.

Upe aja Lot oiko ifamíliandi Sodómape. Péro haʼe ndahekovaíri ivesinokuéraicha. Upévare Jehová omondo mokõi ánhel omombeʼu hag̃ua chupe ohunditaha Sodoma. Umi ánhel heʼi Lótpe odipara hag̃ua upégui ifamíliandi ha ani hag̃ua omaña hapykue gotyo. Upéi Ñandejára ombou tata ha asúfre ohundi hag̃ua umi hénte aña oikóva Sodoma ha Gomórrape. Lot ha umi mokõi itajýra ojesalva. Hembireko katu ombyasy rupi ikosakuéra omaña hapykue gotyo ha upepete omano.

(Oñeguenohẽ Génesis 11:10–19:38-gui.)