Ehecha oĩva pype

Ehecha menú secundario

Ehecha oĩva pype

Testígo de Jehová

guarani

¿Mávapa umi ojapóva Jehová rembipota koʼág̃arupi?

 LEKSIÓN 4

¿Mbaʼérepa roguenohẽ pe Traducción del Nuevo Mundo?

¿Mbaʼérepa roguenohẽ pe Traducción del Nuevo Mundo?

República Democrática del Congo

Ruanda

Símaco traduksión griégope (síglo tercero térã cuarto) orekóva Ñandejára réra Salmo 69:31-pe

Heta tiémpore, ore testígo de Jehová roiporu, roimprimi ha romosarambi diferénte Biblia ojetradusi vaʼekue. Péro upéi rohechakuaa tekotevẽha peteĩ traduksión ikatu vaʼerãichagua oimeraẽva ontende ha ‘oikuaa pe añetegua’. Ñandejára ningo oipota opavave oikuaa chupe (1 Timoteo 2:3, 4). Upéicha rupi, 1950-pe roguenohẽ ñepyrũrã ingléspe Mateo guive Apocalipsis peve pe Traducción del Nuevo Mundo, koʼág̃a ojetradusímava 130 idióma rasápe, hendaitépe ha heʼihaichaite umi kuatiañeʼẽ ypykue.

Oñekotevẽ vaʼekue peteĩ Biblia ndahasýiva oñentende. Umi idióma ningo okambia ohasávo pe tiémpo, upéicha rupi umi Biblia ojetradusíma vaʼekue noñentendeporãi ha oreko umi ñeʼẽ ndojeporuvéimava. Avei ojejuhu umi kuatiañeʼẽ ymave guare ojoguavéva pe ojehai ypy vaʼekuépe ha ojetradusíva upépe oĩhaichaite. Umíva oipytyvõ oñentende porãve hag̃ua umi ñeʼẽ evréo, araméo ha griégo ojeporu vaʼekue la Bíbliape.

Oñekotevẽ vaʼekue peteĩ Biblia ojetradusíva hendaitépe. Umi otradusíva ndovaléi okambia ni michĩmi Ñandejára ohaika vaʼekue ijespíritu rupive, otradusi vaʼerã heʼihaichaite pe kuatiañeʼẽ ypykue. Péro heta Biblia ojetradusi vaʼekuépe noñemoĩri Ñandejára réra, Jehová.

Oñekotevẽ vaʼekue peteĩ Biblia omombaʼeguasúva Ijapoharépe (2 Samuel 23:2). Traducción del Nuevo Múndope oñemoĩ jey Ñandejára réra, “Jehová”, siete mil hendápe rupi oĩháicha voi pe kuatiañeʼẽ ypykuépe, ohechaukaháicha pe taʼanga oĩva iguýpe (Salmo 83:18). Heta áñore oñeinvestiga vaʼekue ojetradusi hag̃ua ko Biblia, upéicha rupi omyesakã porã ñandéve Ñandejára heʼíva ha igústo jalee. Oiméramo jepe ndereguerekói Traducción del Nuevo Mundo ne ñeʼẽtépe, romokyreʼỹ rejepokuaa hag̃ua relee káda día Jehová Ñeʼẽ (Josué 1:8; Salmo 1:2, 3).

  • ¿Mbaʼérepa rohechakuaa tekotevẽha rotradusi la Biblia?

  • ¿Mbaʼépa ojepokuaa vaʼerã ojapo umi oikuaaséva Ñandejára rembipota?