Ehecha oĩva pype

Ehecha oĩva pype

 LEKSIÓN 22

¿Mbaʼépa ojejapo peteĩ sukursálpe?

¿Mbaʼépa ojejapo peteĩ sukursálpe?

Islas Salomón

Canadá

Sudáfrica

Umi oservíva Betélpe ojapo heta mbaʼe oipytyvõ hag̃ua predikasiónpe, tahaʼe peteĩ térã hetave tetãme. Oĩ otradusíva, oimprimi, oenkuaderna térã omohendáva umi puvlikasión. Oĩ avei ombaʼapóva áudio ha vidéope, ha hetave mbaʼépe.

Peteĩ Komite de Sukursál omoakã umi tembiapo. Pe Kuérpo Governánte oiporavo mbohapy térã hetave ansiáno ikatupyrýva oñangareko hag̃ua peteĩ sukursál rehe. Upe Komite de Sukursál omombeʼu Kuérpo Governántepe mbaʼéichapa oho hese umi tembiapo upe tetãme ha umi ótro tetã oĩvape ipoguýpe ha umi provléma ikatúva oĩ. Upéva oipytyvõ chupekuéra odesidi hag̃ua mbaʼe rehépa oñeñeʼẽta umi puvlikasión, rreunión ha asambléa oúvape. Kuérpo Governánte omondo jepi irrepresentánte ovisita hag̃ua umi sukursál ha omeʼẽ konsého oipytyvõtava umi Komite de Sukursálpe ojapo porãve hag̃ua hembiapo (Proverbios 11:14). Upe visíta aja ojejapo jepi peteĩ rreunión espesiál ha pe rrepresentánte de la sentrál mundiál ojapo peteĩ diskúrso omokyreʼỹ hag̃ua ermanokuérape.

Oipytyvõ umi kongregasiónpe. Pe sukursálpe ojeaprova oñemoñepyrũ hag̃ua peteĩ kongregasión. Haʼekuéra omoakã avei umi tembiapo ojapóva prekursorkuéra, misionéro ha superintendénte de sirkuíto. Avei upépe ojeprepara umi aty guasurã, ojehecha moõpa oñemopuʼãta Salón del Reino ha oñemondo puvlikasionkuéra umi kongregasiónpe. Opa mbaʼe ojejapóva peteĩ sukursálpe oipytyvõ ikatu hag̃uáicha ojepredika opárupi hekoitépe (1 Corintios 14:33, 40).

  • ¿Mbaʼéichapa umi Komite de Sukursál oipytyvõ pe Kuérpo Governántepe?

  • ¿Mbaʼe mbaʼépa ojejapo peteĩ sukursálpe?